Home /News /tech /

ટેક્નોલોજી વર્લ્ડની સૌથી મોટી ડીલ, એલન મસ્કે ટ્વિટરને 44 અરબ ડોલરમાં ખરીદ્યું, યૂઝર્સને થશે શું ફાયદો?

ટેક્નોલોજી વર્લ્ડની સૌથી મોટી ડીલ, એલન મસ્કે ટ્વિટરને 44 અરબ ડોલરમાં ખરીદ્યું, યૂઝર્સને થશે શું ફાયદો?

મસ્કે 14 એપ્રિલનાં જ ટ્વિટર માટે તેની બોલી લગાવી દીધી હતી

Elon Musk Buy Twitter: દુનીયાની સૌથી મોટી ઇલેક્‌રિક કાર કંપની ટેસ્લાનાં સહ-સંસ્થાપક એલન મસ્કે આખરે સોશિયલ મીડિયાની દુનિયામાં તેની ધાક જમાવી લીધી છે. આશરે બે અઠવાડિયા પહેલાં જ તેની ઓફરને ટ્વિટરનાં બોર્ડે મંજૂરી આપી દીધી હતી. હવે મસ્ક આ સોશિયલ મીડિયા પ્લેટફર્મનો અધિકૃત માલિક બની ગયો છે.

વધુ જુઓ ...
    ટેક્નોલોજી ડેસ્ક: રોડથી સ્પેસ સુધી પોતાનો જલવો કાયમ રાખનારો અરબપતિ બિઝનેસમેન એલન મસ્ક (Elon Musk) આખરે ટેક્નોલોજીની દુનિયામાં સૌથી મોટી ડિલને અંજામ આપ્યો છે. બોર્ડ તરફથી મળેલી મંજૂરી બાદ ઓફિશિયલી મસ્ક ટ્વટિરનો માલિક બની ગયો છે.

    મસ્કે 14 એપ્રિલનાં જ ટ્વિટર ખરીદવા માટે 44 અરબ ડોલર (આશરે 3.30 લાખ કરોડ રૂપિયા)ની બોલી લગાવી હતી. ત્યારે મસ્કે કહ્યું હતું કે આ તેની અંતિમ અને સૌથી શાનદાર ઓફર છે. જોકે, ગત મોડી રાત્રે તેને અંતિમ મંજૂરી મળી ગઇ છે. અને હવે ટ્વિટરનાં નવાં માલિક એલન મસ્ક થઇ ગયા છે. તેણે 54.20 ડોલર પ્રતિ શેરનાં મુલ્યથી કંપની ખરીદવાની મંજૂરી મળી છે.

    બોલી લાગતા જ થઇ હતી બબાલ-
    અગાઉ, જેમ જ એલોન મસ્કે ટ્વિટર ખરીદવાની બિડ કરી, ઘણા શેરધારકોએ તેને ફોલો કર્યો. કેટલાકે તો આ ડીલને 'પોઈઝન પીલ ડિફેન્સ' પણ ગણાવી હતી. આ પછી, મસ્ક વ્યક્તિગત રીતે કેટલાક શેરધારકોને મળ્યા અને તેમને ડીલને અંતિમ સ્વરૂપ આપવા માટે સમજાવ્યા. આટલું જ નહીં, મસ્કે કેટલાક શેરધારકોને વિડિયો કોલ પર તેમની તરફેણમાં સંમતિ આપવા માટે પણ અપીલ કરી હતી. ટ્વિટરના બોર્ડ સાથેની વાતચીત બાદ આખરે ડીલ ફાઈનલ કરવામાં આવી હતી.

    આ પણ વાંચો-ફોન ચોરી થઈ જાય તો બેન્ક ડિટેલ્સ અને મોબાઇલ વોલેટની સુરક્ષા કેવી રીતે કરશો? જાણો પ્રોસેસ

    વપરાશકર્તાઓને અપીલ કરી
    મસ્કે સોમવારે એક ટ્વિટ દ્વારા આ સોશિયલ મીડિયા પ્લેટફોર્મના વપરાશકર્તાઓને અપીલ કરી હતી. "હું આશા રાખું છું કે મારા સૌથી ખરાબ વિવેચકો પણ ટ્વિટર પર રહે, કારણ કે સ્વતંત્ર ભાષણનો અર્થ તે જ છે," તેણે કહ્યું. અગાઉ શનિવારે, મસ્કે ટ્વિટર દ્વારા માઇક્રોસોફ્ટના સહ-સ્થાપક બિલ ગેટ્સ પર પણ કટાક્ષ કર્યો હતો. બાદમાં, તેણે રમૂજી રીતે તેના ટ્વિટની સમીક્ષા કરવાની વાત કરી.



    વિશ્વને ફ્રી સ્પીચ પ્લેટફોર્મ આપશે
    "હું હંમેશાથી મુક્ત ભાષણનો સમર્થક રહ્યો છું, અને મેં ટ્વિટરમાં રોકાણ કર્યું છે કારણ કે પ્લેટફોર્મ વિશ્વભરમાં મુક્ત ભાષણ માટે પ્લેટફોર્મ પ્રદાન કરવાની ક્ષમતા ધરાવે છે," મસ્કે સોદો ફાઇનલ થયા પછી એક લેખિત નિવેદનમાં જણાવ્યું હતું. હું માનું છું કે કોઈપણ લોકતાંત્રિક સમાજ માટે સ્વતંત્ર વાણી માટે પ્લેટફોર્મ હોવું ખૂબ જ મહત્વપૂર્ણ છે. ટ્વિટરમાં અસાધારણ ક્ષમતા છે અને હું તેને અનલોક કરીશ.



    દરેક યુઝર બ્લુ ટિક મેળવી શકે છે
    ટ્વિટર પર બ્લુ ટિક મેળવવું વપરાશકર્તા માટે ખૂબ જ રોમાંચક છે. ઈલોન મસ્કના જણાવ્યા અનુસાર, હવે દરેક યુઝરના એકાઉન્ટ પર બ્લુ ટિક હશે. તેણે પહેલા જ કહ્યું હતું કે હું ટ્વિટરને ખાનગી બનાવવા માંગુ છું. જો મારી બિડ સફળ થશે, તો હું સ્પામ બૉટોને હરાવીશ. આ પ્લેટફોર્મ પરના દરેક વપરાશકર્તાને પ્રમાણિત કરવામાં આવશે.

    એડિટ બટન પણ ઉપલબ્ધ હશે
    ટેસ્લાના સહ-સ્થાપક અને હવે ટ્વિટરના માલિક મસ્કએ કહ્યું હતું કે પ્લેટફોર્મ પર ટૂંક સમયમાં એડિટ બટન હશે. તેણે એડિટ બટન વિશે ટ્વિટર પર એક મતદાન પણ કર્યું હતું. તેનો હેતુ કોઈપણ ટ્વીટમાં થયેલી ભૂલોને સુધારવાનો હતો. જોકે, ટ્વિટરે પહેલા જ કહ્યું છે કે તેના પ્લેટફોર્મ પર ટૂંક સમયમાં એડિટ બટન લાવવામાં આવશે.
    Published by:Margi Pandya
    First published:

    Tags: Elon musk, Tesla, Twitter

    આગામી સમાચાર