WhatsApp feature: નવા વર્ષે વોટ્સએપ લાવશે શાનદાર ફીચર, એડમિન એક સાથે લિંક કરી શકશે 10 ગ્રુપ

મુંબઈ: વોટ્સએપે વર્ષ 2021માં અનેક નવા ફીચર્સ લોન્ચ (WhatsApp New Features) કર્યા છે. હવે અહેવાલ છે કે કંપની iOS યૂઝર્સ માટે એક નવું બીટા અપડેટ રોલ આઉટ (New Features for iOS) કરવાની તૈયારી કરી રહી છે. નવા વર્ષમાં 2.22.1.1 વર્ઝન પ્લેટફોરમનું પહેલું બીટા અપડેટ (Beta Update) હશે. જોકે, એન્ડ્રોઇડ યૂઝર્સ માટે પણ આ ફીચરનું ટેસ્ટિંગ ચાલી રહ્યું છે, પરંતુ પહેલા iOS યૂઝર્સ માટે લોન્ચ કરવામાં આવશે. આપને જણાવી દઇએ કે, મેટાની માલિકીની કંપની છેલ્લા ઘણા સમયથી એક કોમ્યુનિટી ફીચર (WhatsApp Community Feature) પર કામ કરી રહી છે. આ તે જ ફીચર હોઇ શકે છે.

એક સાથે લિંક થઇ શકશે 10 ગ્રુપ્સ

WABetainfo દ્વારા શેર કરવામાં આવેલા સ્ક્રિનશોટ અનુસાર, એક કોમ્યુનિટીનું નામ અને ડિસ્ક્રિપ્શન હશે. જેવું કે ગ્રુપ માટે હોય છે. નામ અને ડિસ્ક્રિપ્શન લખ્યા બાદ યૂઝરને નવું ગ્રુપ બનાવવા કે વધુમાં વધુ 10 ગ્રુપ્સને લિંક કરવાનો ઓપ્શન મળશે. કોમ્યુનિટીમાં એક એનાઉન્સમેન્ટ ગ્રુપ પણ જોવા મળ્યું હતું. રિપોર્ટ અનુસાર, વોટ્સએપ જાતે જ એડમિન માટે ગ્રુપ બનાવશે. આ ગ્રુપ દ્વારા એડમિન લિંક કરેલા તમામ ગ્રુપ્સમાં મેસેજ મોકલી શકશે.

રિપોર્ટમાં જણાવ્યા અનુસાર કોઇ એક કોમ્યુનિટીમાં સામેલ થયા બાદ યૂઝર તે ગ્રુપ્સને નહીં જોઇ શકે, જે તેમાં સામેલ નથી. સાથે જ કોમ્યુનિટીથી અલગ થયા પછી તે તેમાં લિંક થયેલા ગ્રુપ્સને ત્યાર બાદ જોઇ શકશે નહીં.

અધિકારિક જાણાકરી ઉપલબ્ધ નહીં

આ ફીચર એવું જ હશે જેમ કે ઘણી બધી ચેનલને એકસાથે ડિસ્કાર્ડ કોમ્યુનિટી અંતર્ગત રાખવામાં આવે છે. હજુ સુધી વોટ્સએપ દ્વારા આ ફીચર વિશે કોઇ જાણકારી આપવામાં આવી નથી, પરંતુ અહેવાલોની માનીએ તો આ ફીચરને આવવામાં હજું ઘણો સમય લાગી શકે છે.



ટેલિગ્રામ સાથે સ્પર્ધા!

કોમ્યુનિટી ફીચર દ્વારા યૂઝર્સને ડિસ્કોર્ડ અને ટેલિગ્રામ જેવી અન્ય મેસેજિંગ એપ્સ સાથે સ્પર્ધા કરવામાં મદદ કરશે. પાવેલ દુરોવની મેસેજિંગ એપ્લિકેશનમાં ચેનલ્સ નામની કોમ્યુનિટી સુવિધા પણ છે, જે 20,000 જેટલા સભ્યોને એક સાથે લાવી શકે છે. જ્યારે એક સાથે મોટા સમૂદાયને મેસેજ મોકલવામાં આવે છે ત્યારે ચેનલ મદદરૂપ બને છે.

આ પણ વાંચો:  વોટ્સએપ હવે તમને આસપાસના સ્ટોર્સ, રેસ્ટોરન્ટ્સની માહિતી આપશે, જાણો નવા ફીચર વિશે

ટેલિગ્રામ ચેનલોમાં અમર્યાદિત સંખ્યામાં સબ્સ્ક્રાઇબર્સ હોઈ શકે છે, અને ફક્ત એડમિન્સને જ પોસ્ટ કરી શકે છે. તેથી વોટ્સએપનું કોમ્યુનિટી ફીચર પણ આવું હશે તેવી શક્યતાઓ છે. હાલ વોટ્સએપ આ ફીચર પર કામ કરી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: New year, Telegram, Whatsapp, ટેકનોલોજી, મોબાઇલ