Home /News /tech /

Explained: ક્રિપ્ટો એરડ્રોપ એટલે શું? તેનાથી કેવી રીતે કમાણી કરી શકાય?

Explained: ક્રિપ્ટો એરડ્રોપ એટલે શું? તેનાથી કેવી રીતે કમાણી કરી શકાય?

ક્રિપ્ટોકરન્સી (પ્રતીકાત્મક તસવીર)

Cryptocurrency airdrop: આજની તારીખમાં અસંખ્ય એરડ્રોપ્સ ઉપલબ્ધ છે, તેમાંના ઘણા હજુ પણ આવવા માટે લાઇનમાં છે. મોટાભાગના ક્રિપ્ટોકરન્સી રોકાણકારોને ભૂતકાળમાં એક અથવા બીજા પ્લેટફોર્મના એરડ્રોપનો સામનો કરવો પડ્યો છે.

મુંબઈ. Cryptocurrency airdrop: અત્યારસુધીની વાત કરવામાં આવે તો હાલમાં આપણામાંથી મોટાભાગના લોકો લગભગ તમામ ક્રિપ્ટોકરન્સી (cryptocurrencies)થી વાકેફ છે. જ્યારે તેમના ઉપયોગ અંગેની ચર્ચા કરવામાં આવે ત્યારે વધુને વધુ લોકો ક્રિપ્ટો વર્લ્ડ (crypto world)માં સામેલ થઈ રહ્યા છે. આ સાથે જ સમયની સાથે તેમાં વધુ અને નવા લોકો પણ જોડાતા જાય છે અને તેમની બ્લોકચેન-આધારિત સર્વિસ માટે તેમને ટ્રેક્શન મેળવવાની જરૂર પડે છે. હાલમાં ક્રિપ્ટોકરન્સી એરડ્રોપ (cryptocurrency airdrop) તેના માટે ખૂબ જ મહત્વપૂર્ણ ટૂલ બની ગયું છે.

ખરેખરમાં એરડ્રોપ શું છે?

તમે ઑનલાઇન ગેમ્સ રમો છો તેમાંથી ઘણી રમતોમાં તમે એરડ્રોપ જોયું છે, જે ખેલાડીઓને રોકવા માટે પ્રમોશનલ ગીવઅવે (promotional giveaway) આપે છે. ક્રિપ્ટો એરડ્રોપ્સ મફત ક્રિપ્ટો કોઈન્સ (crypto coins) અથવા રિલેટેડ સર્વિસ ટોકન્સ આપીને આવું જ કામ કરે છે. આવું કરવાના બદલામાં તે પાર્ટિસિપન્ટ્સને વિવિધ સોશિયલ મીડિયા પ્લેટફોર્મ પર તેમની સર્વિસનો પ્રચાર કરવા માટે કહે છે.

આજની તારીખમાં અસંખ્ય એરડ્રોપ્સ ઉપલબ્ધ છે, તેમાંના ઘણા હજુ પણ આવવા માટે લાઇનમાં છે. મોટાભાગના ક્રિપ્ટોકરન્સી રોકાણકારોને ભૂતકાળમાં એક અથવા બીજા પ્લેટફોર્મના એરડ્રોપનો સામનો કરવો પડ્યો છે. જો તમારી પાસે પણ ક્રિપ્ટો એરડ્રોપ્સ છે પણ આ શું છે તેની તમને જાણ નથી તો ક્રિપ્ટો એરડ્રોપ્સ શું છે અને તે કેવી રીતે કાર્ય કરે છે, તે સમજવા માટે અમે આપના માટે આજે આ ખાસ લેખ લઈને આવ્યા છીએ.

ક્રિપ્ટો એરડ્રોપ્સ શું છે?

આગળ જણાવ્યા મુજબ એરડ્રોપ બ્લોકચેઈન બેઝ્ડ સર્વિસ દ્વારા ઉપયોગમાં લેવામાં આવતી માર્કેટિંગ સ્ટ્રેટેજી છે. એક ઉદાહરણ દ્વારા તેને સ્પષ્ટ રીતે સમજવાનો પ્રયત્ન કરીએ તો, ધારો કે Binance અથવા WazirX જેવી નવી ક્રિપ્ટોકરન્સી એક્સચેન્જ ટૂંક સમયમાં ખુલશે. ક્રિપ્ટોકરન્સીની દુનિયામાં આકર્ષણનું કેન્દ્ર બનવા અને લોકોનું ધ્યાન મેળવવા માટે પ્લેટફોર્મ તેની પોતાની વર્ચ્યુઅલ કરન્સી લોન્ચ કરે છે, જેમ કે WazirX પાસે WazirX ટોકન છે અથવા Binance પાસે Binance Coin છે.

ત્યારબાદ પ્લેટફોર્મ પોતાની વિવિધ ઓનલાઈન ચેનલો દ્વારા જાહેરાત કરશે કે કોની કરન્સીના કેટલાક પ્રારંભિક યૂઝર્સને તે કરન્સીની કેટલીક રકમ મફતમાં આપવામાં આવશે. આવું કરવાથી યૂઝર્સ પ્લેટફોર્મ પર રજીસ્ટર કરવા અથવા તેમના સોશિયલ મીડિયા એકાઉન્ટ્સ પર તેના અપડેટ્સ શેર કરવા માટે સરળતાથી તૈયાર થઈ જશે.

જે પણ યૂઝર્સ આ કામ પૂરા કરે છે તે યૂઝર્સ એરડ્રોપના પાર્ટિસિપન્ટ્સ બને છે. એકવાર એરડ્રોપની તારીખ જાહેર કરવામાં આવે ત્યારબાદ વાયદા પ્રમાણે પ્લેટફોર્મ પોતાની વર્ચ્યુઅલ કરન્સી અમાઉન્ટ કેટલાક નસીબદાર વિજેતાઓને ટ્રાન્સફર કરે છે. અહીં નોંધ લેવી કે દરેક પ્લેટફોર્મમાં પાર્ટિસિપેશન માટે અલગ-અલગ જરૂરિયાતો હોય છે અને તે બધા લિસ્ટેડ કાર્યોને પૂર્ણ કરવાથી પણ મોટાભાગના કિસ્સાઓમાં તમને એરડ્રોપની કોઈ ગેરંટી આપવામાં આવશે નહીં. આવું એટલા માટે થાય છે કારણ કે પાર્ટિસિપેન્ટ્સની સંખ્યા ખૂબ વધુ પ્રમાણમાં હોય છે.

શું તમને પણ એરડ્રોપ મળ્યા છે?

એરડ્રોપમાં ક્રિપ્ટોકરન્સીના ટ્રાન્સફર થતા હોવાથી તેના પાર્ટિસિપેન્ટ પાસે ક્રિપ્ટોકરન્સી વૉલેટ હોવું જરૂરી છે. આ એ જ વોલેટ્સ છે જ્યાં તમે બિટકોઈન, ઈથેરિયમ અથવા અન્ય કોઈપણ ક્રિપ્ટોકરન્સી સ્ટોર કરતા હોવ છો જે તમારી પાસે પહેલાથી જ છે. પ્લેટફોર્મ એરડ્રોપ માટે નોંધણી સમયે આ વૉલેટ એડ્રેસ પૂછે છે.

તેથી એકવાર એરડ્રોપની નિયત તારીખ આવી જાય પછી જો તમે લોટના વિજેતાઓમાં હોવ તો કંપની વાયદા પ્રમાણેની રકમ તમારા વૉલેટ એડ્રેસ પર ટ્રાન્સફર કરશે. ધ્યાનમાં લેવું કે અલગ-અલગ પ્લેટફોર્મ પર તમારી પાસે બ્લોકચેન બેઝ્ડ વૉલેટની જરૂર પડી શકે છે. દાખલા તરીકે, MyEtherWallet નો ઉપયોગ Ethereum બ્લોકચેન પર બનેલા ટોકન્સ માટે થાય છે, જ્યારે StellarPort એ XLM અને સ્ટેલર-આધારિત ટોકન્સ માટેનું વેબ વૉલેટ છે. મોટાભાગના બ્લોકચેન પ્રોજેક્ટ ઇથેરિયમ બ્લોકચેન પર આધારિત હોય છે.

તમારે એરડ્રોપનો ભાગ બનવા માટે પ્લેટફોર્મ કયા બ્લોકચેન પર આધારિત છે તેની નોંધ લેવી પડશે, કારણ કે તમને અનુરૂપ ટોકન સાથે સબસિડિંગ વોલેટની જરૂર પડશે.

એરડ્રોપ શા માટે જરૂરી છે?

એરડ્રોપ્સનું એક મુખ્ય કારણ પ્રમોશન છે. નવા પ્લેટફોર્મ અથવા સર્વિસ ક્રિપ્ટો કમ્યુનિટી માટે તે મહત્વનું છે. જેમ જેમ પાર્ટિસિપન્ટ્સ ક્રિપ્ટો ઇકોસિસ્ટમની આસપાસ રહેવા લાગે છે, તેમ તેમ સર્વિસમાં લોકોના વધુ પ્રમાણમાં આવવાની શક્યતાઓ વધે છે. આ સામાન્ય વ્યવસાય ડિજિટલ માર્કેટિંગની જેમ કામ કરે છે.

પ્લેટફોર્મના વર્ચ્યુઅલ કરન્સીએ તેના મૂલ્યને સાચવી રાખવાની તાતી જરૂર પડશે, જેની કિંમત માત્ર સમય સાથે જ વધશે. તે ક્રિપ્ટો વર્લ્ડમાં પ્લેટફોર્મના ગ્રોથનું એલ્ટિમેટ રિપ્રેઝન્ટેશન છે.

ઉદાહરણ તરીકે લોકપ્રિય પ્લે-ટુ-અર્ન બ્લોકચેન ગેમ સેન્ડબોક્સ માટે વર્ચ્યુઅલ કરન્સી 7 ડોલરથી વધુની ઓલટાઈમ હાઈ સપાટીએ પહોંચતા પહેલા લગભગ USD 0.05 પર વેપાર કરવાનું શરૂ કરે છે. ગયા વર્ષે જાન્યુઆરીથી આ 140X વૃદ્ધિ છે.

આ મૂલ્યનો મોટો ભાગ કરન્સીમાં રોકાણ કરનારા લોકોની સંખ્યા દ્વારા ડિફાઈન કરવામાં આવે છે. જેમ જેમ વ્યવહારોનું પ્રમાણ વધે છે તે જ રીતે કરન્સી ધારકોની સંખ્યામાં વધારો થાય છે સાથે જ બજારમાં તેનું મૂલ્ય વધે છે. આમ, એરડ્રોપ ઓડિયન્સ વચ્ચે કિકસ્ટાર્ટ કરવાની રીત છે.

એરડ્રોપ સ્કેમથી રહો સચેત

સરળ રીતે પૈસા કમાવવા માંગતા લોકોની એરડ્રોપ્સમાં મોટી રુચિ હોવાથી સ્કેમર્સે લોકોને છેતરવાનો આ એક નવો માર્ગ શોધી કાઢ્યો છે. ગયા વર્ષના અંતમાં મેટામાસ્કએ એરડ્રોપ કૌભાંડ સામે લાવ્યું હતું. જેમાં ધમકી આપનારાઓએ રેન્ડમ ક્રિપ્ટો વોલેટ ધારકોને મેલિશિયસ ટોકન્સ મોકલ્યા હતા. ટોકન શું છે તે અંગે ખાતા ધારકોને ઉત્સુકતા હોવાથી, તેઓ વારંવાર તેને ઓનલાઈન તેને શોધતા હતા. શોધ આખરે તેમને ખતરનાક વેબસાઇટ પર લઈ ગઈ.

આ પણ વાંચો:  બીટકોઈનનું માઇનિંગ કેવી રીતે થાય છે? રિવોર્ડ કેવી રીતે મળે છે?

વપરાશકર્તાઓને સલાહ આપવામાં આવે છે કે તેઓ આવા કૌભાંડોથી સચેત રહે અને માત્ર અસલી પ્લેટફોર્મના એરડ્રોપ્સમાં રોકાણ કરે જે પહેલાથી જ અધિકૃત વેબસાઇટ્સ પર લિસ્ટેડ હોય. જો યૂઝર્સને એરડ્રોપમાં એનરોલમેન્ટના બદલામાં કેટલીક ક્રિપ્ટોકરન્સી મોકલવામાં આવે તો આવા કૌભાંડોને શોધવાનો બીજો નિયમ છે અથવા જો એરડ્રોપમાં વાયદા પ્રમાણે રકમ ખૂબ વધારે હોય. આવા કિસ્સાઓમાં તેના વિશે સંપૂર્ણ રિસર્ચ કરવું વધુ હિતાવહ છે.
First published:

Tags: Bitcoin, Business, Cryptocurrency, Digital currency

આગામી સમાચાર