Prepaid recharge plans: Vodafone Ideaએ લૉંચ કર્યાં ચાર પ્લાન, પ્રારંભિક કિંમત Rs 155

મુંબઈ. Prepaid recharge plans: ટેલિકોમ કંપની Vi પ્રીપેડ યૂઝર્સ માટે ચાર નવા પ્લાન (Vi four new plans) લઈને આવી છે. નવા Vi પ્લાનની કિંમત 155 રૂપિયા, 239 રૂપિયા, 666 રૂપિયા અને 699 રૂપિયા છે. આ તમામ પ્લાનને Viની ઓફિશિયલ વેબસાઇટ અને મોબાઇલ એપ પર લાઇવ કરવામાં આવ્યા છે. 250 રૂપિયાથી ઓછી કિંમતના પ્લાન શોધતા ગ્રાહકોને 155 રૂપિયા અને 139 રૂપિયાના પ્લાન ગમશે. વોડાફોન આઇડિયાએ પ્રીપેડ પ્લાનના ટેરિફ વધારાની જાહેરાત કર્યાના અઠવાડિયા પછી નવા પ્લાનનો નિર્ણય લીધો છે. વોડાફોન ઉપરાંત રિલાયન્સ જિયો તરફથી પણ તાજેતરમાં પોતાના યૂઝર માટે નવા પ્રીપેડ રિચાર્જ પ્લાનની જાહેરાત કરવામાં આવી છે. આ પ્લાનમાં 1 રૂપિયાનો રિચાર્જ પ્લાન પણ સામેલ છે.

આ પ્લાન તમામ ટેલિકોમ સર્કલ પર ઉપલબ્ધ છે. યૂઝર્સ તરત જ આ રિચાર્જ પ્લાન લાભ લઈ શકે છે. અન્ય ટેલિકોમ ઓપરેટરોએ તેમની OTT પ્રીપેડ પ્લાનની કિંમતમાં વધારો કર્યો છે ત્યારે વોડાફોન આઇડિયા એકમાત્ર કંપની છે, જેણે તેની ડિઝની+ હોટસ્ટાર સ્ટ્રીમિંગ પ્રીપેડ પ્લાન જાળવી રાખ્યા છે.

Viના નવા પ્લાનના લાભ:

1) 155 રૂપિયાનો પ્લાન

સૌથી પહેલા જો 155 રૂપિયાના પ્લાનની વાત કરીએ તો આ પ્લાન સાથે 24 દિવસની વેલિડિટી મળી રહી છે. આ સિવાય આ પ્લાનમાં 1 GB ડેટા અને તમામ નેટવર્ક પર અનલિમિટેડ કૉલિંગ સાથે 300 SMS ઉપલબ્ધ છે.

2) 239 રૂપિયાનો પ્લાન

239 રૂપિયાના નવા પ્રી-પેડ પ્લાનમાં પણ 24 દિવસની વેલિડિટી મળી રહી છે, પરંતુ કુલ 1GBને બદલે દરરોજ 1GB ડેટા મળી રહ્યો છે. આ પ્લાનમાં અનલિમિટેડ કોલિંગની સુવિધા પણ ઉપલબ્ધ છે. જેમાં દરરોજ 100 SMS મળશે.

આ પણ વાંચો: Jio prepaid recharge: હવે WhatsApp પર કરી શકશો Jio પ્રીપેડ રિચાર્જ, ઝડપથી શરૂ થશે સુવિધા

3) 666 રૂપિયાનો પ્લાન

666 રૂપિયાના પ્લાનની વાત કરીએ તો, આ પ્લાન દરરોજ 1.5 GB ડેટા મળે છે, તેમાં 77 દિવસની વેલિડિટી સાથે દરરોજ 1.5 GB ડેટા અને અમર્યાદિત કૉલિંગ સાથે દરરોજ 100 SMS મળશે. આ પ્લાન સાથે રાત્રે અમર્યાદિત વીડિયો સ્ટ્રીમિંગ, વીકએન્ડ ડેટા રોલઓવર જેવી ઑફર્સ પણ છે.

આ પણ વાંચો: Reliance Jio 1 Rupee Plan: જિયોનો ધડાકો, 1 રૂપિયાના રિચાર્જમાં મળશે 30 દિવસની વેલિડિટી અને ડેટા

4) 699 રૂપિયાનો પ્લાન

વોડાફોન આઇડિયાના 699 રૂપિયાના પ્લાનના ફાયદાની વાત કરીએ તો તેમાં 56 દિવસની વેલિડિટી મળી રહી છે. આ પ્લાન સાથે દરરોજ 3 જીબી ડેટા મળશે. તેમાં અમર્યાદિત કોલિંગ અને દરરોજ 100 SMS પણ મળે છે. તેમાં ડેટા ડિલાઇટ, ડિવિડન્ડ ડેટા રોલઓવર અને બિન્જ ઓલ નાઇટ ફેસિલિટી પણ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Airtel, Jio, Prepaid, Recharge, Vodafone, મોબાઇલ