Home /News /tech /

શરીરની અંદર લાગેલી ચોખા સમાન ચિપથી કરો બિલ પેમેન્ટ, તૈયાર છે નવી ટેકનિક

શરીરની અંદર લાગેલી ચોખા સમાન ચિપથી કરો બિલ પેમેન્ટ, તૈયાર છે નવી ટેકનિક

હવે એવી ચિપ (chip)પણ સામે આવી છે, જેને શરીરની અંદર જ ક્યાંક ફિટ કરી શકાય છે (પ્રતિકાત્મક તસવીર)

tech news - આ ચિપને સુવિધા અનુસાર શરીરમાં ફીટ કરી શકાય છે. તે ફિટ થાય કે તરત જ તેનો ઉપયોગ કરી શકાય છે. તેનું વજન 1 ગ્રામથી પણ ઓછું છે

વિશ્વભરમાં ટેક્નોલોજી સતત નવા સ્તરો (Technological Innovations) પર પહોંચી રહી છે. હવે એવી ચિપ (chip)પણ સામે આવી છે, જેને શરીરની અંદર જ ક્યાંક ફિટ કરી શકાય છે. ત્યારે તેના દ્વારા તમામ પ્રકારના બિલ વગેરેની ચૂકવણી કરી શકાય છે. એક રિપોર્ટ અનુસાર, બ્રિટિશ મૂળની પોલેન્ડની કંપની વૉલેટમોરે (British-Polish Company Walletmor) આ ચિપ બનાવી છે. કંપનીએ ચોખાના દાણા જેટલા વજનવાળી આ ચિપનું વેચાણ પણ શરૂ કરી દીધું છે. કહેવાય છે કે લગભગ 500 લોકો તેનો ઉપયોગ કરી રહ્યા છે.

કંપનીના ફાઉન્ડર અને ચીફ એક્ઝિક્યુટિવ ઓફિસર વોજટેક પાપ્રોટાના જણાવ્યા અનુસાર, જ્યાં પણ ડિજિટલ પેમેન્ટ (Digital Payment) સ્વીકારવામાં આવે છે, ત્યાં આ ચિપ કામમાં આવે છે. તેના દ્વારા તમામ પ્રકારની ચૂકવણી કરી શકાય છે. આ ચિપને સુવિધા અનુસાર શરીરમાં ફીટ કરી શકાય છે. તે ફિટ થાય કે તરત જ તેનો ઉપયોગ કરી શકાય છે. તેનું વજન 1 ગ્રામથી પણ ઓછું છે. માઇક્રો એન્ટેનાથી સજ્જ આ ચિપ પર બાયોપોલિમરનું આવરણ લગાવવામાં આવ્યું છે. જે તેને સંપૂર્ણપણે સુરક્ષિત બનાવે છે. તેને બેટરી કે અન્ય કોઇ પ્રકારના ઉર્જા સ્ત્રોતની જરૂર નથી. તેમણે કહ્યું કે, સુરક્ષા અને સ્વાસ્થ્ય એજન્સીઓએ (Security and Health Agencies) પણ તેનો ઉપયોગ કરવા માટે લીલી ઝંડી આપી દીધી છે. તે પછી જ તેનું વેચાણ શરૂ થયું છે.

આ પણ વાંચો - Skymate ની આગાહી, ભારતમાં આ વર્ષે કેવું રહેશે ચોમાસુ, ગુજરાત અંગે કહ્યું કઈક આવું

સ્વીડનમાં હજારો લોકો કરે છે ચિપનો ઉપયોગ

અન્ય એક કિસ્સામાં સ્વીડનમાં હજારો લોકો બીજા પ્રકારની માઇક્રોચિપનો ઉપયોગ કરી રહ્યા છે. તે તેમની હથેળીમાં ફીટ કરવામાં આવે છે. આ દ્વારા તેઓ ઘર, ઓફિસ, જીમ વગેરેમાં તમામ પ્રકારની સુવિધાઓનો ઉપયોગ માત્ર હાથ મિલાવવાથી કરે છે. જેમ કે ઘરનો દરવાજો ખોલવો હોય તો હાથથી ખોલવાની જરૂર નથી. ત્યાં ચિપ કોઈ ખાસ કોડની સામે હાથ રાખવાની સાથે જ ચાસ્પા વાંચે છે. પછી તાળું અને બારણું આપમેળે જ ખૂલી જાય છે. એવું કહેવામાં આવે છે કે આ ચિપને કોરોના રસીકરણ માટે ઉપયોગમાં લેવામાં આવતી અત્યંત પાતળી સિરિંજ દ્વારા હથેળીમાં ફીટ કરવામાં આવે છે. તેનું કદ પણ ચોખાના દાણા જેટલું જ છે.

શું છે ચિપ સંબંધિત સુરક્ષાના સવાલો?

આવી નવીનતાઓ સાંભળવામાં રસપ્રદ બની શકે છે. જો કે, તેમની સાથે જોડાયેલી સુરક્ષાની ચિંતા પણ સામે આવી છે. 2021માં યુકે અને યુરોપીય સંઘ દેશોમાં એક સર્વે કરવામાં આવ્યો હતો. તેમાં સામેલ ઘણા લોકોએ ચિંતા વ્યક્ત કરી છે કે આવી નવીનતાઓ તેમની ગોપનીયતાનું ઉલ્લંઘન કરે છે. જેમ કે, ચિપ શરીરમાં કાયમ માટે ફિટ થતી હોવાથી તે સંબંધિત વ્યક્તિનું 24 કલાક સુધી મોનિટરિંગ પણ કરી શકે છે. તે શું કરે છે, તે ક્યાં આવે છે અને ક્યાં જાય છે વગેરે. તેની દરેક પ્રવૃત્તિ ચિપની માલિકી ધરાવતી કંપનીની નજરમાં હશે.

તેવી જ રીતે ચિપ દ્વારા શરીર પર સ્વાસ્થ્ય પર વિપરીત અસર થવાની આશંકા પણ રહે છે. બીબીસી સાથે વાત કરતાં ટેકી થિયોડોરા લાઉ કહે છે, "ઈન્ટરનેટના માધ્યમથી દરેક વસ્તુનો ઉપયોગ કરવાની પ્રક્રિયામાં આ એક અલગ તબક્કો છે. તેના ફાયદા છે, તો જોખમ પણ છે. આપણે તેમની વચ્ચે સંતુલન જાળવવાની જરૂર છે."
Published by:Ashish Goyal
First published:

Tags: Tech, Technology news

આગામી સમાચાર