UIDAIએ લૉન્ચ કર્યું mAadhaar Appનું નવું વર્જન, ઘરે બેઠા મેળવો આ 35થી વધુ સર્વિસનો લાભ

નવી દિલ્હી. આજના સમયમાં આધાર કાર્ડ (Aadhaar Card) ખૂબ જરૂરી ડોક્યુમેન્ટ થઈ ગયું છે. હવે તમે લગભગ તમામ સરકારી યોજનાઓનો લાભ આધાર કાર્ડ વગર નથી લઈ શકતા. હવે ગ્રાહકોની સુવિધા માટે યૂનિક આઇડેંટિફિકેશન ઓથોરિટી ઓફ ઈન્ડિયા (UIDAI)એ એમઆધાર એપ (mAadhaar App)નું નવું વર્જન લૉન્ચ કરી દીધું છે. તેની જાણકારી UIDAIએ ટ્વીટ કરીને આપી છે. આ એપને પોતાના સ્માર્ટફોન પર ડાઉનલોડ કરી શકાય છે અને આધાર કાર્ડ સાથે જોડાયેલી 35 સર્વિસનો ફાયદો ઉઠાવી શકો છો.

જાણો UIDAIનું શું કહેવું છે



UIDAI એ પોતાના ટ્વીટમાં જણાવ્યું કે હવે નવી અને અપડેટ કરવામાં આવેલી સુવિધાઓ અને સેવાઓનો લાભ લેવા માટે mAadhaar એપનું નવું વર્જન ડાઉનલોડ કરો. બીજી તરફ UIDAIનું કહેવું છે કે તમે પહેલાથી ઇન્સ્ટોલ કરવામાં આવેલા કોઈ પણ વર્જનને અનઇન્સ્ટોલ કરી દો. UIDAIના જણાવ્યા મુજબ, નવા વર્જન પર આધાર કાર્ડધારક 35થી વધુ સેવાઓનો ફાયદો ઉઠાવી શકે છે.

To experience the new and updated features and services in the #mAadhaar app, uninstall any previously installed versions. Download the latest version from: https://t.co/62MEOeR7Ff (Android) https://t.co/GkwPFzuxPQ (iOS) pic.twitter.com/U3vOVovDUR

— Aadhaar (@UIDAI) June 8, 2021

આ પણ જુઓ, Viral Video: આ બાળકોએ PM મોદીને કરી દીધી એવી અપીલ, સાંભળીને હસવું રોકી નહીં શકો!

મળશે આ તમામ સુવિધાઓ

અપડેટ વર્જન એપમાં આધારને ડાઉનલોડ કરવું, ઓફલાઇન ઇ-કેવાયસી ડાઉનલોડ, ક્યૂઆર કોડ દર્શાવવો કે સ્કેન કરવો, રિ-પ્રિન્ટ માટે ઓર્ડર આપવો, એડ્રેસ અપડેટ, આધારનું વેરિફિકેશન, મેઇલ અને ઇમેલનું વેરિફિકેશન, યૂઆઇડી કે ઇઆઇડી પ્રાપ્ત કરવું અને એડ્રેસ વેલિડેશન લેટર માટે રિક્વેસ્ટ મોકલવી જેવી સર્વિસિસ સામેલ છે.

આ પણ વાંચો, Apple iOS 15 લૉન્ચ, ફેસ ટાઇમથી લઈને નોટિફિકેશન સુધી આપના આઇફોનમાં થશે આ મોટા ફેરફાર

Android-iOS બંને યૂઝર્સ કરી શકશે ડાઉનલોડ

આ સેવાનો લાભ લેવા માટે આપના ફોન પર mAadhaar Appને ડાઉનલોડ કરવી પડશે. ત્યારબાદ તમે આ સર્વિસિસનો લાભ લઈ શકો છો. નોંધનીય છે કે Android અને iOS બંનેમાં આ મોબાઇલ એપ ડાઉનલોડ કરી શકાય છે.