Home /News /tech /ટ્વિટરમાં આવશે ગ્રે ટીક! હજુ તો બીજું ઘણું ગાંડપણ બાકી છે, એલન મસ્કની જાહેરાતથી યુઝર્સમાં કુતુહુલ

ટ્વિટરમાં આવશે ગ્રે ટીક! હજુ તો બીજું ઘણું ગાંડપણ બાકી છે, એલન મસ્કની જાહેરાતથી યુઝર્સમાં કુતુહુલ

Elon Musk plan for twitter

Tesla CEO Elon Musk: ટ્વિટરના નવા માલિક એલન મસ્કની જાહેરાત બાદ એક નવી ચર્ચાએ જોર પકડ્યું છે કે આવનાર દિવસોમાં ટ્વિટરમાં કેટલાક મોટાપાયે ફેરફાર થવા જઈ રહ્યા છે

    Elon Musk On Gray Tick On Twitter: ટેસ્લાના સીઇઓ એલન મસ્ક (Tesla CEO Elon Musk) અને સેલ્ફ-ડિસ્ક્રાઇબ્ડ "ટ્વિટર કમ્પ્લેઇન્ટ હોટલાઇન ઓપરેટર" (Twitter Complaint Hotline Operator) એ બુધવારે જાહેરાત કરી હતી કે સોશિયલ મીડિયા જાયન્ટ ટ્રાયલ અને એરરના આધારે આગામી મહિનાઓમાં ઘણી બધી ડમ્બ વસ્તુઓ (twitter will do a lot of dumb things) કરશે. મસ્કે ટ્વીટ કર્યું હતું કે, " સોશિયલ મીડિયા જાયન્ટ ટ્વિટર આગામી મહિનાઓમાં ટ્રાયલ અને એરરના આધારે ઘણી વસ્તુઓ કરશે, જે જાણીને લોકો દંગ રહી જશે. મસ્કે ટ્વીટ કર્યું, "કૃપા કરીને નોંધ લો કે ટ્વિટર આગામી મહિનાઓમાં ઘણી બધી મૂર્ખતાભરી વસ્તુઓ કરશે. તે ઘણા પ્રયોગો કરશે. અમે જે કાર્ય કરે છે તે રાખીશું અને જે નથી કરતું તે બદલીશું. ફરિયાદ હોટલાઇન ઓપરેટર ઓનલાઇન છે! કૃપા કરીને નીચે તમારી ફરિયાદોનો ઉલ્લેખ કરો.”

    અવનવા નિર્ણયોનો ધમધમાટ

    ટ્વિટર ડીલ પૂરી કર્યા બાદ દુનિયાના સૌથી ધનિક વ્યક્તિ મસ્કે માઇક્રોબ્લોગિંગ સાઇટ ટ્વિટર (twitter)ની કામગીરીને અસર કરતા અવનવા નિર્ણયોનો ધમધમાટ શરૂ કર્યો છે. ટ્વિટરના રોજના લાખો એક્ટિવ યુઝર્સ છે. ભારત સરકારની ઘણી સંસ્થાઓના ટ્વિટર હેન્ડલ્સ પર 'ઓફિશિયલ' લેબલ (Official Label) જોવા મળ્યું હતું. જેમ કે વડાપ્રધાન કાર્યાલય, વડાપ્રધાન નરેન્દ્ર મોદીના સત્તાવાર ટ્વિટર એકાઉન્ટ અને રક્ષામંત્રી રાજનાથ સિંહના ટ્વિટર એકાઉન્ટ પર પણ 'ઓફિશિયલ' લેબલ જોવા મળ્યું હતું.

    'ઓફિશિયલ' લેબલ ટ્વિટરના કાયદેસર એકાઉન્ટ્સ અને તેમના બ્લુ ટિક માટે ચૂકવણી કરતા લોકો વચ્ચેની મૂંઝવણને મર્યાદિત કરવા માટે બીજું વેરિફિકેશન લેબલ રજૂ કરવાના નિર્ણય સાથે સુસંગત હતું. અગાઉ, ટ્વિટરના એક્ઝિક્યુટિવ એસ્થર ક્રોફોર્ડે ટ્વિટર પર કહ્યું હતું કે, ઘણા લોકોએ પૂછ્યું છે કે તેઓ બ્લુ ટિકવાળા ટ્વિટર બ્લુ સબ્સ્ક્રાઇબર્સ અને 'ઓફિશીયલી' વેરિફાઇડ એકાઉન્ટ્સ વચ્ચે કેવી રીતે તફાવત કરશે.

    હવે આવશે ગ્રે ચેકમાર્ક

    ન્યૂયોર્ક પોસ્ટે આપેલા અહેવાલ અનુસાર, ટ્વિટરના એક્ઝિક્યુટિવ એસ્થર ક્રોફોર્ડે જણાવ્યું હતું કે વેરિફાઈડ એકાઉન્ટ્સ હવે તેમના યુઝરનેમની નીચે “ઓફિશિયલ” લેબલ સાથે આવશે, જે ગ્રે વેરિફિકેશન ચેકમાર્ક સાથે હશે. તેમણે કહ્યું હતું કે, આ લેબલ યુઝર્સને ઓફિશિયલ એકાઉન્ટ્સ અને ટ્વિટર બ્લુ સબ્સ્ક્રિપ્શન વચ્ચેનો તફાવત જાણવામાં મદદ કરશે, જે અગાઉ વેરિફાઇડ એકાઉન્ટ્સ માટે ઉપયોગમાં લેવાતા બ્લુ ચેકની જગ્યા લઈ રહ્યું છે.

    આ પણ વાંચો: અમારે ત્યાં 10 વર્ષ નોકરી કરવા બદલ અભિનંદન! ટ્વિટરમાંથી છટણીના દિવસો પછી કર્મચારીને મળી ભેટ

    ન્યૂયોર્ક પોસ્ટે ક્રોફોર્ડને ટાંકીને જણાવ્યું હતું કે, "અગાઉ વેરિફાઇડ તમામ એકાઉન્ટ્સને 'ઓફિશિયલ' લેબલ મળશે નહીં અને લેબલ ખરીદી માટે ઉપલબ્ધ નથી." તેણીએ ઉમેર્યું કે, સત્તાવાર પેજને "સરકારી એકાઉન્ટ્સ, કોમર્શિયલ કંપનીઓ, બિઝનેસ પાર્ટનર્સ, મેજર મીડિયા આઉટલેટ્સ, પબ્લિશર્સ અને કેટલાક પબ્લિક ફીગર" માટે નિયુક્ત કરવામાં આવશે.



    ટેસ્લાના શેરમાં 50 ટકાથી વધુનો ઘટાડો

    રોઇટર્સના એક અહેવાલમાં જણાવ્યા અનુસાર, આ દરમિયાન એલોન મસ્કની નેટવર્થ 200 અબજ અમેરિકન ડોલરથી નીચે આવી ગઈ છે, કારણ કે વિશ્વની સૌથી મૂલ્યવાન ઇલેક્ટ્રિક-વાહન ઉત્પાદકના ટોચના એક્ઝિક્યુટિવ અને સૌથી મોટા શેરહોલ્ડર ટ્વિટર પર વધુ વ્યસ્ત હોવાની આશંકાને કારણે રોકાણકારોએ ટેસ્લાના શેરને છોડી દીધા હતા. આ વર્ષે અત્યાર સુધીના ડેટા દર્શાવે છે કે ટેસ્લાના શેરમાં 50 ટકાથી વધુનો ઘટાડો થયો છે.
    Published by:Mayur Solanki
    First published:

    Tags: Elon musk, Gujarati tech news, Mobile tech, Tech, Twitter, Twitter India

    विज्ञापन
    विज्ञापन