Tecno Phantom X: એપ્રિલમાં ભારત આવી રહ્યો છે Tecno નો પ્રીમિયમ સ્માર્ટફોન, જાણો કિંમત અને ફીચર્સ

Tecno Phantom X India: ટેક્નો (Tecno) તેનો નવો ફોન ફેન્ટમ X (Phantom X) ભારતમાં એપ્રિલ 2022 એટલે કે આ મહિને લાવી શકે છે. આ કંપનીનો પહેલો પ્રીમિયમ ફોન છે, જેમાં 50 મેગાપિક્સલનો કેમેરા અને 48 મેગાપિક્સલ સેલ્ફી કેમેરા આપવામાં આવ્યો છે. PassionateGeekzના નવા અહેવાલ મુજબ, Tecno Phantom X બે કલર ઓપ્શન - સમર સનસેટ અને સ્ટારી નાઇટ બ્લુમાં રજૂ કરવામાં આવશે.

Tecno Phantom X Price and Storage

આ ફોનને ગ્લોબલી ગયા વર્ષે જૂનમાં રજૂ કરવામાં આવ્યો હતો, અને એવું માનવામાં આવે છે કે તે ભારત (India)માં પણ એ જ RAM અને સ્ટોરેજ વેરિઅન્ટ સાથે આવશે. કહેવામાં આવી રહ્યું છે કે ભારતમાં તેના 8GB + 256GB વેરિઅન્ટની કિંમત 25,000 રૂપિયાની આસપાસ રાખવામાં આવશે. જણાવી દઈએ કે Tecno Phantom Xનું ગ્લોબલ વેરિઅન્ટ 8GB LPPDDR4x RAM અને 256GB UFS 2.1 સ્ટોરેજ સાથે આવે છે.

આ પણ વાંચો: OnePlusના નવા ફોનથી લઈને 108MP કેમેરાવાળા Realme ફોન સુધી, એપ્રિલમાં આવી રહ્યા છે આ ધમાકેદાર ફોન

Tecno Phantom X Specifications

Tecno Phantom Xમાં 6.7-ઇંચની AMOLED ડિસ્પ્લે અને ડ્યુઅલ સેલ્ફી કેમેરા સિસ્ટમ હશે. તે કર્વ્ડ એજ ડિઝાઇન સાથે આવે છે. તેની સ્ક્રીન ગોરિલ્લા ગ્લાસ 5 પ્રોટેક્શન સાથે આવે છે. આ ફોન HiOS ફ્લેવર વાળા Android 11 OS પર કામ કરે છે. Phantom X MediaTek Helio G95 ચિપસેટ, 8 GB RAM સાથે આવે છે.

મળશે ડ્યુઅલ સેલ્ફી કેમેરા (Tecno Phantom X Camera)

કેમેરાની વાત કરીએ તો Tecno Phantom Xના રિયર પેનલમાં લેસર ઓટોફોકસ સપોર્ટ સાથે 50-મેગાપિક્સલનો પ્રાઇમરી કેમેરા મળે છે. તે એક13-મેગાપિક્સલ ટેલિફોટો કેમેરા સાથે 2x ઓપ્ટિકલ ઝૂમ, એક 8-મેગાપિક્સલ અલ્ટ્રાવાઇડ કેમેરા અને ક્વોડ-એલઇડી ફ્લેશ સાથે રજૂ થવાની શક્યતા છે. સેલ્ફી માટે તેમાં 48-મેગાપિક્સલનો પ્રાઇમરી સેલ્ફી કેમેરા અને 8-મેગાપિક્સલનો અલ્ટ્રાવાઇડ કેમેરા આપવામાં હશે.

આ પણ વાંચો: એમેઝોન એપ પર આજે 5 સરળ પ્રશ્નોના જવાબ આપીને જીતો 20 હજાર રૂપિયા

પાવર માટે, Tecno Phantom Xમાં 4700mAhની બેટરી(Tecno Phantom X Battery) આપવામાં આવશે, જે 33W ફાસ્ટ ચાર્જિંગ સપોર્ટ સાથે આવશે. ટેકનોના આ ફોનમાં સિક્યોરીટી માટે ઇન-સ્ક્રીન ફિંગરપ્રિન્ટ સ્કેનર આપવામાં આવશે. કનેક્ટિવિટી ઓપ્શન્સની વાત કરીએ તો તેમાં 4G VoLTE, ડ્યુઅલ-બેન્ડ Wi-Fi 802.11, બ્લૂટૂથ 5, GPS + GLONASS અને USB Type-Cનો સમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarati tech news, Mobile and Technology, Smartphones