Nexonથી લઈ Harrier સુઘી, આ મહિને 70,000 રૂપિયા સુધી સસ્તી મળી રહી છે ટાટાની કાર

ટાટા મોટર્સ (Tata Motors) આ મહિને તેના પેસેન્જર વાહનો પર ભારે ડિસ્કાઉન્ટ ઓફર (Discount offer on Tata) કરી રહી છે. જો તમે જુલાઈ 2022માં ટાટા કાર ખરીદવા માંગો છો, તો તમારા માટે બચતની આ એક મોટી તક છે. કંપની તેના Tiago, Tigor, Harrier, Safari અને Nexon જેવા મોડલ પર લાભ આપી રહી છે. ચાલો જાણીએ આ કાર્સ પર ઉપલબ્ધ ઑફર્સ વિશે.

ટાટા ટિયાગો (Tata Tiago)
તમે આ કારના XE, XM, XT વેરિઅન્ટની ખરીદી પર 18,000 રૂપિયા સુધીની બચત કરી શકો છો. રૂ. 10,000નું એક્સચેન્જ ડિસ્કાઉન્ટ, રૂ. 3000નું કોર્પોરેટ ડિસ્કાઉન્ટ અને રૂ. 5000 સુધીનું વેન્ડર/કર્મચારી ડિસ્કાઉન્ટ છે.

ટાટા નેક્સન (Tata Nexon)
જો તમે આ કારનું પેટ્રોલ વેરિઅન્ટ ખરીદો છો, તો તમે આ મહિને 8,000 રૂપિયા સુધીની બચત કરી શકો છો. Tata Nexonના ડીઝલ વેરિઅન્ટ (Diesel variant) પર રૂ. 5,000નું કોર્પોરેટ ડિસ્કાઉન્ટ, રૂ. 10,000નું વેન્ડર/કર્મચારી ડિસ્કાઉન્ટ મળી રહ્યું છે. એટલે કે ડીઝલ વેરિઅન્ટ પર તમે કુલ 15,000 રૂપિયા સુધીની બચત કરી શકો છો.

ટાટા અલ્ટ્રોઝ (Tata Altroz)
તમે Altroz ના પેટ્રોલ વેરિઅન્ટની ખરીદી પર વિક્રેતા/કર્મચારી ડિસ્કાઉન્ટ તરીકે રૂ.7,500 સુધીની બચત કરી શકો છો. તે જ સમયે, ડીઝલ વેરિઅન્ટ પર આ ડિસ્કાઉન્ટ 10,000 રૂપિયા સુધી છે.

આ પણ વાંચોઃ ભારતમાં 10 સૌથી સુરક્ષિત કારમાંથી 7 ટાટા અને મહિન્દ્રાની, જુઓ શા માટે છે સ્થાનિક કંપનીઓ આગળ?

ટાટા હેરિયર (Tata Harrier)
આ કાર પર 40,000 રૂપિયા સુધીનું એક્સચેન્જ ડિસ્કાઉન્ટ ઓફર કરવામાં આવી રહ્યું છે, જ્યારે તમે કોર્પોરેટ ડિસ્કાઉન્ટ તરીકે 5,000 રૂપિયા બચાવી શકો છો. આ સિવાય તમે વેન્ડર/કર્મચારી ડિસ્કાઉન્ટના રૂપમાં 25,000 રૂપિયા બચાવી શકો છો. આ રીતે હેરિયરની ખરીદી પર કુલ 70,000 રૂપિયાની બચત કરી શકાય છે.

આ પણ વાંચોઃ 2022 TVS Radeon: TVS એ લોન્ચ કરી બેસ્ટ માઈલેજવાળી બાઈક, જાણો કિંમત અને ફિચર્સ

ટાટા સફારી (Tata Safari)
આઇકોનિક ટાટા સફારી પર તમે રૂ. 40,000 સુધીની બચત પણ કરી શકો છો. આ બચત તમને એક્સચેન્જ બોનસ તરીકે ઓફર કરવામાં આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auto news, Tata motors, Tata Safari