Auto Expoમાં ટાટાનો જોરદાર ધમાકો, હવે Altrozનું રેસર વેરિઅન્ટ થયું લોન્ચ

ટાટા મોટર્સ ઓટો એક્સપોમાં કોઈ કસર છોડી રહી નથી. ચાર ઈલેક્ટ્રિક કારનું પ્રદર્શન તેમજ હેચબેક અલ્ટ્રોઝના CNG વેરિઅન્ટને રજૂ કર્યા પછી, ટાટા મોટર્સે એ જ કારનું રેસર વેરિઅન્ટ લોન્ચ કર્યું છે. સ્પોર્ટી લુકની સાથે-સાથે ફિચર્સમાં ઘણા બદલાવ સાથે રજૂ કરવામાં આવેલ અલ્ટ્રોસ રેસર લોકોને ખૂબ જ પસંદ આવી રહ્યું છે. તેને લોન્ચ કરવાની સાથે કંપનીએ તેનું બુકિંગ પણ શરૂ કરી દીધું છે.

નોંધપાત્ર રીતે, Tata Altros રેસરની સીધી સ્પર્ધા હવે Hyundai i20 N Line Edition સાથે થશે. અલ્ટ્રોઝ રેસરમાં, તમે કોસ્મેટિક ફેરફારો સાથે સુવિધાઓનું અપગ્રેડ જોશો. આ સાથે કારમાં નવી ઈન્ફોટેનમેન્ટ સિસ્ટમ પણ આપવામાં આવી છે.

ડ્યુઅલ કલર થીમ સાથે પટ્ટાઓ

કંપનીએ આ કારને રેડ અને બ્લેકની ડ્યુઅલ ટોન થીમ આપી છે. કારના બોનેટ, રૂફ અને OVRMને ગ્લોસી અને મેટ બ્લેક આપવામાં આવ્યા છે. તેના પર સફેદ પટ્ટાઓ છે. જે તેને ખૂબ જ સ્પોર્ટી લુક આપી રહી છે. ઉપરાંત, એલોયના રંગમાં પણ ફેરફાર કરવામાં આવ્યો છે અને તેને ગ્લોસ બ્લેક ફિનિશ આપવામાં આવી છે. કારના OVRM ને પણ બ્લેક આપવામાં આવ્યા છે. આ સિવાય કારના તમામ ફેન્ડર, ગેટ અને પાછળના ભાગને લાલ રંગ આપવામાં આવ્યો છે. કારની પાછળની બાજુએ ટાટા બેજિંગ મળે છે. તે જ સમયે, ગ્રિલ અને લાઇટ્સમાં કોઈ ફેરફાર જોવા મળ્યો નથી અને તે જૂના અલ્ટ્રોસ જેવા જ છે.

આ પણ વાંચો: Kia EV9 Conceptનું ઓટો એક્સ્પોમાં ડેબ્યુ 

મોટી ઇન્ફોટેનમેન્ટ સિસ્ટમ

આ સાથે કંપનીએ કારના ઈન્ટિરિયરમાં પણ કેટલાક ફેરફાર કર્યા છે. કારનું ઈન્ટિરિયર હવે બ્લેક કલર સ્કીમ સાથે આવશે. ઇન્ફોટેનમેન્ટ સિસ્ટમ વિશે વાત કરીએ તો, તે હવે 10.25-ઇંચની ટચસ્ક્રીન સાથે ઉપલબ્ધ થશે. અગાઉ, કંપની અલ્ટ્રોઝના ટોપ-એન્ડ મોડલમાં 8-ઇંચની હરમન ઇન્ફોટેનમેન્ટ સિસ્ટમ ઓફર કરતી હતી. જોકે સિસ્ટમ હજુ પણ હરમન કંપની દ્વારા જ આપવામાં આવી રહી છે.

આ પણ વાંચો: Auto Expo 2023: ટોચની 5 કાર અને એસયુવીનું એક્સ્પોમાં થયું અનાવરણ

જોરદાર ફિચર્સ

અન્ય એક મોટો ફેરફાર જે કારમાં જોવા મળશે તે તેનું ઇન્સ્ટ્રુમેન્ટ ક્લસ્ટર હશે. અલ્ટ્રોઝ, જે અગાઉ સેમી ડિજિટલ ઇન્સ્ટ્રુમેન્ટ ક્લસ્ટરથી સજ્જ હતું, તેને હવે સંપૂર્ણ ડિજિટલ ઇન્સ્ટ્રુમેન્ટ ક્લસ્ટર આપવામાં આવ્યું છે. આ સાથે, કારમાં વેન્ટિલેટેડ સીટ, વાયરલેસ ફોન ચાર્જિંગ, વૉઇસ સક્ષમ સનરૂફ અને એર પ્યુરિફાયર જેવી સુવિધાઓ પણ આપવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auto Expo 2023, Auto news, Tata altroz