Home /News /tech /

Samsung: સેમસંગ તેના સૌથી લોકપ્રીય ફોનનું ઉત્પાદન બંધ કરે તેવી શક્યતા, જાણો વિગત

Samsung: સેમસંગ તેના સૌથી લોકપ્રીય ફોનનું ઉત્પાદન બંધ કરે તેવી શક્યતા, જાણો વિગત

સેમસંગ ગેલેક્સી સિરીઝ

Samsung Galaxy Note series: એક રિપોર્ટ અનુસાર, સેમસંગ (Samsung) કથિત રીતે આ વર્ષના અંત સુધી ગેલેક્સી નોટ 20 સીરિઝના ઉત્પાદનને બંધ કરવાનો વિચાર કરી રહ્યું છે.

મુંબઈ: સેમસંગ ગેલેક્સી નોટ સિરીઝ (Samsung Galaxy Note series) સ્માર્ટફોન ઝડપથી જ બજારોમાંથી હટાવી લેવામાં આવે તો તેમાં કોઈ નવાઈ નથી. સેમસંગે આ વર્ષે કોઈ જ નવો ગેલેક્સી નોટ સ્માર્ટફોન લોન્ચ કર્યો નથી અને ઓફિશિયલી એ વાતની સાબિતી આપવામાં આવી છે કે આગામી સમયમાં આવું કરવાની કોઈ યોજના પણ નથી. આ સાથે જ માર્કેટમાં ઉપલબ્ધ જૂના મોડલનું ઉત્પાદન પણ બંધ કરવામાં આવશે.

ETNewsના એક રિપોર્ટ અનુસાર, સેમસંગ (Samsung) કથિત રીતે આ વર્ષના અંત સુધી ગેલેક્સી નોટ 20 સિરીઝના ઉત્પાદનને બંધ કરવાનો વિચાર કરી રહ્યું છે. શક્યતા છે કે ગેલેક્સી નોટ 20 આ સિરીઝનો અંતિમ ફોન હોય. એક રિપોર્ટમાં ખુલાસો કરવામાં આવ્યો છે કે સેમસંગે 2021માં નોટ 20 સીરીઝના લગભગ 32 લાખ જેટલા ડિવાઈસનું વેચાણ કર્યું છે. આ સંખ્યા 2020માં લગભગ 10 મિલીયનથી ઓછી થઈ ગઈ છે. આ વેચાણના આંકડા એ વાતની સાબિતી આપે છે કે આ સેમસંગના લોકપ્રીય મોડલોમાંથી એક રહ્યું છે.

હવે નોટ સિરીઝનું શું થશે?

નોટ સિરીઝ કાયમથી સેમસંગ ગેલેક્સી એસ (Galaxy S) શ્રેણીથી ફ્લેગશીપથી અલગ જ જોવા મળી છે. જો કે ઓછાવત્તા પ્રમાણમાં આ બન્નેના ફીચર એક સરખા છે. આ ફીચરમાં સ્ટાઈલસ-એસ પેન (stylus- S Pen) ખાસ રહી. આ ફીચરને કારણે આ સિરીઝ લોકો વચ્ચે ઘણી જ લોકપ્રીય રહી. અનુમાન લગાવવામાં આવી રહ્યું છે કે હવે સ્ટાઈલસ પેન S22 સિરીઝમાં પણ સામેલ કરવામાં આવશે. જણાવી દઈએ કે S22 ફેબ્રુઆરી 2022માં લોન્ચ થવાની શક્યતા છે.

ફોલ્ડેબલ ફોન

આ સાથે જ હવે સેમસંગ ફોલ્ડેબલ ફોન પર પણ હાથ અજમાવી રહ્યું છે. આ ફોનમાં ગેલેક્સી ફોલ્ડ (Galaxy Fold) અને ગેલેક્સી ફ્લિપ (Galaxy Flip)નો સમાવેશ થાય છે. જણાવી દઈએ કે 2021માં પ્રથમ વખત ગેલેક્સી ફોલ્ડ સિરીઝમાં એસ પેન સપોર્ટ આપવામાં આવ્યો હતો.

આ પણ વાંચો: ભારતમાં મળતા 12 શાનદાર વોટરપ્રૂફ સ્માર્ટફોન: જાણો કિંમત અને ફીચર્સ વિશે

ફ્લેગશીપ ફઓલ્ડેબલ અને એસ સિરીઝ સાથે પ્રીમિયમ ફોનની 3 સિરીઝ પણ સેમસંગ માટે અતી મહત્વની હતી. જોકે, હાલ સુધી દક્ષિણ કોરિયાની દિગ્ગજ કંપની સેમસંગ દ્વારા નોટ સિરીઝ બંધ કરવાની પુષ્ટિ કરવામાં આવી નથી. આ ફોનના બંધ થવાની ચર્ચા ઘણા સમયથી સાંભળવા મળી રહી છે.
First published:

આગામી સમાચાર

विज्ञापन
विज्ञापन
विज्ञापन