Samsung Galaxy F13નું ટીઝર ફ્લિપકાર્ટ પર રિલીઝ, ટૂંક સમયમાં ભારતમાં થશે લોન્ચ

સેમસંગ (Samsung) ભારતમાં વધુ એક સ્માર્ટફોન (Smartphone) લોન્ચ કરવાની યોજના બનાવી રહી છે. કંપનીએ આ ફોનનું ટીઝર ફ્લિપકાર્ટ (Flipkart)ની વેબસાઇટ પર પોસ્ટ કર્યું છે. આ ટીઝરને જોઈને લાગે છે કે આ ફોન Samsung Galaxy F13 હશે. એક રિપોર્ટ અનુસાર, આ ફોન યુરોપમાં લોન્ચ થયેલા Galaxy M13 સ્માર્ટફોનનું રિબ્રાન્ડેડ વર્ઝન હશે.

ફ્લિપકાર્ટ દ્વારા બહાર પાડવામાં આવેલ ટીઝર સૂચવે છે કે સેમસંગ ગેલેક્સી F13 પાછળ ટ્રિપલ કેમેરા (Triple camera) સેટઅપ હશે અને વોટરડ્રોપ-સ્ટાઈલ નોચ ડિસ્પ્લે મળશે. તે બ્લુ કલર વેરિઅન્ટમાં ઓફર કરી શકાય છે. જો કે, બાકીની વિગતો હજુ સત્તાવાર રીતે જાહેર કરવામાં આવી નથી.

Exynos 850 ચિપસેટ વપરાય છે
જો તે Galaxy M13 નું રિબ્રાન્ડેડ વર્ઝન છે, તો Exynos 850 ચિપસેટનો ઉપયોગ આગામી Samsung Galaxy F શ્રેણી ફોનમાં કરવામાં આવશે. આ ફોન 4GB રેમ સાથે આવી શકે છે. ગીકબેન્ચના લિસ્ટિંગ અનુસાર, સ્માર્ટફોન Android 12 પર આધારિત OneUI 4.1 પર ચાલશે. તે 4GB રેમ વિકલ્પ સાથે ઓફર કરી શકાય છે. ઉપકરણમાં ડ્યુઅલ સ્પીકર્સ અને 3.5mm હેડફોન જેક પણ હશે.

આ પણ વાંચો- iQOO Neo 6 કેમ તમારે ખરીદવો જોઇએ, જાણો 5 ખાસ કારણો

ટ્રિપલ કેમેરા સેટઅપ
આ સિવાય આ ફોનમાં 6.6 ઇંચની ફુલ એચડી પ્લસ એલસીડી સ્ક્રીન હોવાની આશા છે. આ ફોન 5000mAh બેટરી સાથે આવી શકે છે. ઉપરાંત, સુરક્ષા માટે તેમાં સાઇડ-માઉન્ટેડ ફિંગરપ્રિન્ટ સેન્સર આપવામાં આવી શકે છે. Samsung Galaxy F13 પાછળ ટ્રિપલ કેમેરા સેટઅપ હશે, જેમાં 50-મેગાપિક્સલનો પ્રાથમિક સેન્સર, 5-મેગાપિક્સલનો અલ્ટ્રા-વાઇડ એંગલ કૅમેરો અને 2-મેગાપિક્સલનો સેન્સર શામેલ હોઈ શકે છે. ફ્રન્ટ પર, 8-મેગાપિક્સલ સેન્સર મળી શકે છે.

આ પણ વાંચો- 16 જૂનથી Googleની આ મેસેજિંગ સર્વિસ હંમેશા માટે થશે બંધ, યુઝર્સને દેખાશે 'Error'

લોન્ચ ડેટ નિશ્ચિત નહિ
ઉપકરણમાં ઝડપી ચાર્જિંગ સપોર્ટ ઉપલબ્ધ થવાની અપેક્ષા નથી. હાલમાં, તે જાણી શકાયું નથી કે કંપની રિટેલ બોક્સમાં ચાર્જર આપશે કે નહીં. Samsung Galaxy F13 ની સત્તાવાર લોન્ચ તારીખ હજુ સુધી જાહેર કરવામાં આવી નથી. આશા છે કે કંપની જલ્દી જ તેનો ખુલાસો કરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Flipkart, Gujarati tech news, Samsung