Home /News /tech /

સેમસંગના આ 6GB રેમ અને 6000mAhની બેટરીવાળા ફોન પર મળી રહ્યું છે Bumper Discount

સેમસંગના આ 6GB રેમ અને 6000mAhની બેટરીવાળા ફોન પર મળી રહ્યું છે Bumper Discount

ફોનમાં 15 વોટ ફાસ્ટ ચાર્જિંગ સપોર્ટ સાથે 6000mAhની બેટરી આપવામાં આવી છે.

Mobile tech news: ફોનમાં 15 વોટ ફાસ્ટ ચાર્જિંગ સપોર્ટ સાથે 6000mAhની બેટરી આપવામાં આવી છે.

હાલ ઘણી સ્માર્ટફોન કંપનીઓ તેમના બજેટ ફોન (Budget Smartphone) પર ગ્રાહકોને અનેક આકર્ષક ઓફર્સ અને ડિસ્કાઉન્ટ (Discount) આપી રહી છે. એમેઝોન (Amazon) અને ફ્લિપકાર્ટ (Flipkart) જેવા ઈ-કોમર્સ પ્લેટફોર્મ પણ સ્માર્ટફોન પર મોટી ઓફર્સ અને કેશબેક આપી રહ્યા છે. આ દરમિયાન જો તમે પણ નવો સ્માર્ટફોન અને ઓછા બજેટમાં ખરીદવા માંગો છો તો સ્માર્ટફોન કંપની સેમસંગ (Samsung Smartphone Offer) તમારા માટે એક શ્રેષ્ઠ અવસર લાવ્યું છે. Samsung.com/in પરથી મળેલી માહિતી અનુસાર, Samsung Galaxy F22 (6GB RAM) રૂ.14,999માં ઉપલબ્ધ કરાવવામાં આવી રહ્યો છે.

એટલું જ નહીં ગ્રાહકોને, એડિશનલ એક્સચેન્જ બેનિફિટ (Additional Exchange Benefit) તરીકે 1,000 રૂપિયાનો લાભ પણ આપવામાં આવી રહ્યો છે. સાથે જ જો તમે સેમસંગ શોપ એપ દ્વારા સ્માર્ટફોનની ખરીદી કરો છો, તો તમને 350 રૂપિયાનું વધારાનું ડિસ્કાઉન્ટ પણ આપવામાં આવશે.

શું છે Samsung Galaxy F22ના ફીચર્સ?

આ ફોનની સૌથી મહત્વની ખાસિયત તેના MediaTek Helip G80 SoC અને ક્વાડ કેમેરા સેટઅપ છે. ઉપરાંત તેમાં 6000mAhની પાવરફૂલ બેટરી અને 90Hz રિફ્રેશ રેટ ડિસ્પ્લે છે. તમને આ ફોનમાં બે કલર ઓપ્શન ડેનિમ બ્લુ અને ડેનિમ બ્લેક મળશે.

આ પણ વાંચો - સ્માર્ટફોન લેવાનું વિચારી રહ્યા છો? Vivoએ Y સીરીઝ હેઠળ લોન્ચ કર્યો દમદાર સ્માર્ટફોન

Samsung Galaxy F22માં 1600 x 720 પિક્સલ રિઝોલ્યુશન સાથે 6.4-ઇંચ HD+ Infinity-U સુપર AMOLED ડિસ્પ્લે મળશે. તેનો આસ્પેક્ટ રેશિયો 20:9 છે અને રિફ્રેશ રેટ 90 Hz છે. ફોનમાં Octa-core MediaTek Helio G80 પ્રોસેસર આપવામાં આવ્યું છે, જે 12nm પ્રોસેસર બેઝ્ડ છે. આ સ્માર્ટફોન એન્ડ્રોઇડ 11 આધારિત OneUI કોર 3.1 સાથે આવે છે.

ફોનમાં મળશે 48 મેગાપિક્સલ કેમેરા

કેમેરા તરીકે Galaxy F22માં અપર્ચર f/1.8 સાથે 48-મેગાપિક્સલનો રિયર કેમેરો છે. આ સાથે જ પાછળના ભાગમાં 8 મેગાપિક્સલનો અલ્ટ્રા-વાઇડ, 2 મેગાપિક્સલ ડેપ્થ અને 2 મેગાપિક્સલનો મેક્રો સેન્સર છે. ફોનના આગળના ભાગમાં f/2.0 અપર્ચર સાથે 13-મેગાપિક્સલનો સેલ્ફી કેમેરો છે.

આ પણ વાંચો - Amazon Great Republic Day Sale: લેપટોપ પર મળશે 40 હજારની છૂટ, સ્માર્ટફોન 40 ટકા સસ્તા

ફોનમાં 15 વોટ ફાસ્ટ ચાર્જિંગ સપોર્ટ સાથે 6000mAhની બેટરી આપવામાં આવી છે. કનેક્ટિવિટી માટે ફોનમાં ડ્યુઅલ 4G VoLTE, વાઇફાઇ 802.11 ac, બ્લૂટૂથ 5, GPS/GLONASS/Baidu, USB ટાઇપ-C જેવા ફીચર્સ આપવામાં આવ્યા છે.
Published by:Kaushal Pancholi
First published:

Tags: Amazone, Flipkart, Offers, Samsung, મોબાઇલ

આગામી સમાચાર