Cyber Fraudનો ભોગ બન્યા છો? ચિંતા ન કરશો આ રીતે પરત મળશે પૈસા

નવી દિલ્હી : વિશ્વભરમાં લોકોના જીવન સાથે ટેક્નોલોજી શબ્દ આજે એ રીતે ગૂંથાઇ ગયો છે કે, હવે તેના વગર જીવન લગભગ અશક્ય લાગે છે. જોકે, લોકોની આજની ભાગદોડ ભરેલી જીંદગીમાં ટેક્નોલોજીએ અનેક રીતે કામોને સરળ પણ બનાવ્યા છે. પરંતુ જેમ દરેક સિક્કાની બે બાજુ હોય છે, તેમ ટેક્નોલોજીની પણ બીજી ખરાબ બાજુ છે. આજકાલ ઓનલોઇન છેતરપિંડીના (Cyber Fraud)અનેક કેસો સામે આવી રહ્યા છે. દરેક બેંક પોતાની એપ્લિકેશન ધરાવે છે, તેથી લોકો પોતાની દરેક માહિતી ઓનલાઇન શેર કરે છે અને તે જ કારણે હેકર્સને પૈસા લૂંટવાનો અવસર મળી જાય છે. આ રીતે વધી રહેલા છેતરપિંડીના (Recovering money from cyber scams)બનાવોને ધ્યાનમાં લઇને સિસ્ટમ બનાવવામાં આવી છે. જેથી લોકોની મહેનતની કમાણી સુરક્ષિત રહી શકે. આવો જાણીએ શું છે આ સિસ્ટમ.

શું છે સિસ્ટમ

ભારત સરકારના ગૃહ મંત્રાલયે નેશનલ સાઇબર ક્રાઇમ રિપોર્ટીંગ પોર્ટલ (National Cyber Crime Reporting Portal) તૈયાર કર્યુ છે. તે માટે તમે https://cybercrime.in/Default.aspx લિંક પર ક્લિક કરી શકો છો અથવા હેલ્પલાઇન નંબર 155260 પર સંપર્ક કરી શકો છો. અને તમારી ફરીયાદ નોંધાવી શકો છો.

ક્યા રાજ્યમાં, ક્યારે કરી શકાશે ફોન?

દિલ્હી, રાજસ્થાન, ઉત્તરાખંડ, છત્તીસગઢ, ઉત્તર પ્રદેશ, આસામ, તમિલનાડુ અને આંધ્ર પ્રદેશના લોકો આ નંબર પર સપ્તાહમાં ગમે તે સમયે ફરીયાદ નોંધાવી શકે છે. જ્યારે અન્ય રાજ્ય અને કેન્દ્ર શાસિત પ્રદેશમાં રહેતા લોકો સવારે 10 વાગ્યાથી 6 વાગ્યા સુધી ફોન પર ફરીયાદ નોંધાવી શકે છે. ફરીયાદમાં તમારે બેંક કે વોલેટ (PhonePe, Google Pay, Paytm etc) વિશે જાણકારી આપવી પડશે.

આ પણ વાંચો - 2000 રૂપિયાની ફાટેલી નોટના બદલે બેંક આપે છે આટલા રૂપિયા, જાણો ક્યાં અને કેવી રીતે બદલશો આ નોટ

આ રીતે કામ કરશે સિસ્ટમ

જો તમે આપેલા નંબર પર ફોન કરશો તો ફોન સાઇબર ક્રાઈમ કોલ સેન્ટરમાં જશે. ફ્રોડની જાણકારીના આધારે જે બેંક એકાઉન્ટમાં પૈસા પહોંચ્યા હશે, તે એકાઉન્ટને સાઇબર ક્રાઇમ દ્વારા ફ્રીઝ કરી દેવામાં આવશે. એટલે તે એકાઉન્ટનો માલિક પૈસા ઉપાડી શકશે નહીં.

જો તમારી ફરીયાદ પાત્ર ઠરશે તો તે એકાઉન્ટમાંથી તમામ પૈસા તમારા બેંક એકાઉન્ટમાં ટ્રાન્સફર કરાશે. પૈસા પરત તે બેંક દ્વારા કરવામાં આવશે. જો ફ્રોડ કરનારે તમારી ફરીયાદ પહેલા પૈસા ઉપાડી લીધા હશે તો તે સ્થિતિમાં તમારી ફરીયાદને તમારા ક્ષેત્રના પોલીસ સ્ટેશનમાં મોકલવામાં આવશે. જે બાદ પોલીસ કાર્યવાહી કરશે.

ફ્રોડ થતા તરત જ કરો ફરીયાદ

જો તમે ક્યારેય પણ સાઇબર ક્રાઇમનો શિકાર બનો તો તરત જ ફરીયાદ દાખલ કરો. પૈસા ટ્રાન્સફરના નામે કોઈ પણ સાથે તમારી બેંક ડિટેઇલ કે ઓટીપી શેર ન કરો. જો તમારા ફોન પર કોઈ લિંક આવે તો તેના પર ક્લિક કરવાનું ટાળવું હિતાવહ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: CYBER CRIME, Cyber fraud, Cyber scams