Home /News /tech /

PUBG: News Stateની લૉંચ ડેટ જાહેર, આ તારીખે થશે રિલીઝ અને આવી હશે ખાસિયત

PUBG: News Stateની લૉંચ ડેટ જાહેર, આ તારીખે થશે રિલીઝ અને આવી હશે ખાસિયત

11 નવેમ્બરના રોજ રિલીઝ થશે PUBG: New State

PUBG: News State- પબજી: ન્યૂ સ્ટેટની જાહેરાત ફેબ્રુઆરીમાં થઈ હતી. ત્યારથી અત્યારસુધીમાં 50 મિલિયનથી વધુ પ્રિ-રજિસ્ટ્રેશન થઈ ચૂક્યા હોવાનો દાવો કરવામાં આવ્યો છે.

મુંબઈ: પબજી મોબાઈલ ગેમ (PUBG Mobile game)ના ચાહકો ઘણા સમયથી પબજી: ન્યૂ સ્ટેટ (PUBG: NEW STATE)ની રાહ જોઈ રહ્યા હતા. હવે તેમની રાહનો અંત આવવા જઈ રહ્યો છે. આગામી 11 નવેમ્બરના રોજ પબજી ન્યૂ સ્ટેટને લોન્ચ કરવામાં આવનાર છે. આ ગેમ વૈશ્વિક સ્તરે 17 જેટલી ભાષાઓમાં લોન્ચ થશે. ઉલ્લેખનીય છે કે પબજી: ન્યૂ સ્ટેટ ગેમ (PUBG: New State) 2051 પર સેટ કરવામાં આવી છે અને સ્માર્ટફોનમાં ગેમ પ્લેયર્સ માટે નેક્સ્ટ જનરેશન બેટલ રોયલનો અનુભવ આપશે.

200થી વધુ દેશોમાં લોન્ચ થશે

આ ગેમ બનાવનાર ક્રાફ્ટન કંપનીનું કહેવું છે કે, PUBG Mobile ગેમના આ નવા વર્જનને ભારત સહિતના 200થી વધુ દેશોમાં Android અને iOS પર લોન્ચ કરવામાં આવશે. પબજી: ન્યૂ સ્ટેટની જાહેરાત ફેબ્રુઆરીમાં થઈ હતી. ત્યારથી અત્યારસુધીમાં 50 મિલિયનથી વધુ પ્રિ-રજિસ્ટ્રેશન થઈ ચૂક્યા હોવાનો દાવો કરવામાં આવ્યો છે. ઉલ્લેખનીય છે કે, આ જાહેરાત બાદ તરત જ આ ગેમ માટે પ્રિ-રજિસ્ટ્રેશન પ્રક્રિયા વૈશ્વિક સ્તરે શરૂ કરવામાં આવી હતી અને ભારતમાં સપ્ટેમ્બર મહિનામાં લાઈવ થઈ હતી.

આ પણ વાંચો: દિવાળી પહેલા Battlegrounds Mobile Indiaમાં આવશે આ અપડેટ્સ અને ઈવેન્ટ્સ

પબજી: ન્યૂ સ્ટેટ ફ્રી ટૂ પ્લે રહેશે

કંપની દ્વારા પબજી: ન્યુ સ્ટેટ અંગે જણાવાયું છે કે, પબજી: ન્યૂ સ્ટેટ ફ્રી-ટુ-પ્લે મોબાઇલ ગેમ યૂટ્યૂબના લાઇવસ્ટ્રીમ પર 17 ભાષાઓમાં વૈશ્વિક સ્તરે લોન્ચ થશે. આ ગેમ ફ્રી ટૂ પ્લે મોબાઈલ ગેમ તરીકે શરૂ થશે. આ ગેમના મેકર્સ બહેરીન, જાપાન, જોર્ડન, કોરિયા, કુવૈત, લાઓસ, લેબેનોન, મકાઓ, મલેશિયા, માલદીવ, મ્યાનમાર, નેપાળ, ઓમાન, શ્રીલંકા, તાઇવાન, થાઇલેન્ડ, તુર્કી, યુએઈ, ફિલિપાઇન્સ, કતાર, સાઉદી અરેબિયા, સિંગાપોર, યમન, કંબોડિયા, ઇજિપ્ત, હોંગકોંગ, ઇન્ડોનેશિયા અને ઇરાક જેવા 28 દેશોમાં ફાઈન ટેક્નિકલ ટેસ્ટ કરશે.

આ પણ વાંચો: Gaming: મિકેનિકલ ગેમિંગ કીબોર્ડ આપશે દમદાર એક્સપિરિયન્સ, આ રહ્યા પાંચ શ્રેષ્ઠ Keyboard

નેક્સ્ટ જનરેશન બેટલ રોયલનો અનુભવ

પબજી: ન્યૂ સ્ટેટ ગેમ (PUBG: New State) 2051 પર સેટ કરવામાં આવી છે અને સ્માર્ટફોનમાં ગેમ પ્લેયર્સ માટે નેક્સ્ટ જનરેશન બેટલ રોયલનો અનુભવ આપશે. આ ગેમમાં નવી ગનપ્લે સિસ્ટમ તેમજ નવી રેન્ડરિંગ ટેકનોલોજીનો પણ સમાવેશ થશે. એક રીતે આ ગેમ PC વર્જન જેવી હશે. આ સાથે વેપન કસ્ટમાઇઝેશન, ડ્રોન સ્ટોર્સ અને યુનિક પ્લેયર રિક્રુટમેન્ટ સિસ્ટમનો સમાવેશ થાય છે. આ ગેમમાં 4 અલગ નકશા હશે, જેમાં ફ્યુચર સેટ ટ્રોય અને ફ્રેન્ચાઇઝી સ્પેશિયલ રંગેલનો સમાવેશ થાય છે.
First published:

Tags: Game, Gaming, PUBG, ભારત

આગામી સમાચાર

विज्ञापन
विज्ञापन
विज्ञापन