Ola બનાવશે સસ્તી ઇલેક્ટ્રિક કાર! કંપની ફેક્ટરી માટે શોધી રહી છે જમીન

ઇલેક્ટ્રિક ટુ-વ્હીલર (Electric Two Wheeler) સુવિધા સફળતાપૂર્વક સ્થાપિત કર્યા પછી, ઓલા (Ola) ઇલેક્ટ્રિક હવે દેશમાં તેની બીજી સુવિધા સ્થાપિત કરવાની તૈયારી કરી રહી છે. મીડિયા રિપોર્ટ્સ અનુસાર, તમિલનાડુ (Tamilnadu) સ્થિત ઇલેક્ટ્રિક ટુ-વ્હીલર કંપની હવે તેના ઇલેક્ટ્રિક ફોર-વ્હીલર બિઝનેસ પર ધ્યાન કેન્દ્રિત કરવા જઈ રહી છે.

કંપની નવા પ્લાન્ટ માટે જમીન શોધી રહી છે, જ્યાં તે ઓલા ઈલેક્ટ્રિક કારનું ઉત્પાદન કરશે તેમજ તેની ઈવી માટે બેટરી પણ બનાવશે. અગાઉ, ઓલા ઈલેક્ટ્રિકના એક અધિકારીએ પુષ્ટિ કરી હતી કે આવનારી ઈલેક્ટ્રિક કારનું નિર્માણ નવી ફ્યુચર ફેક્ટરીમાં કરવામાં આવશે.

કંપની રૂ. 10,000 કરોડનું રોકાણ કરશે
ઓલા ઈલેક્ટ્રીક નવા પ્લાન્ટ માટે આશરે રૂ. 10,000 કરોડનું રોકાણ કરવાની યોજના ધરાવે છે. હાલમાં, ઓલા ઇલેક્ટ્રિક તેના હોમ બેઝ તમિલનાડુ ઉપરાંત ઉત્તર પ્રદેશ, ગુજરાત, મહારાષ્ટ્ર, કર્ણાટક અને તેલંગાણાની રાજ્ય સરકારો સાથે વાટાઘાટો કરી રહી છે. એક મહિનામાં અંતિમ નિર્ણય લેવાય તેવી શક્યતા છે.

આ પણ વાંચો- શું ફરીથી રસ્તાઓ પર દોડતી જોવા મળશે Tata NANO, ચર્ચામાં છે નેનોનો ઇલેક્ટ્રિક અવતાર

1,000 એકર જમીનની જરૂર છે
અહેવાલો અનુસાર, શક્ય છે કે નવી સુવિધા તમિલનાડુ સિવાય અન્ય કોઈપણ રાજ્યમાં ખોલવામાં આવે. ઓલા ઈલેક્ટ્રીક નવા પ્લાન્ટ માટે જમીન માટે અનેક રાજ્ય સરકારો સાથે વાતચીત કરી રહી છે. તેને EV ફોર-વ્હીલર ફેક્ટરી માટે લગભગ 1,000 એકર જમીનની જરૂર છે, જે ફ્યુચર ફેક્ટરી કરતા લગભગ બમણી છે, જ્યાં તે S1 Pro ઇલેક્ટ્રિક સ્કૂટરનું ઉત્પાદન કરે છે.

આ પણ વાંચો- મહિન્દ્રા Scorpio-N exteriors Revealed: 27 જૂને થશે લોન્ચ

ફ્યુચર ફેક્ટરી એ વિશ્વનો સૌથી મોટો પ્લાન્ટ છે
ઓલા ઈલેક્ટ્રિકે તમિલનાડુના કૃષ્ણાગિરીમાં ફ્યુચર ફેક્ટરીની સ્થાપના કરી હતી, જે ડિસેમ્બર 2020 થી કાર્યરત છે. તે વિશ્વની સૌથી મોટી ઇલેક્ટ્રિક ટુ-વ્હીલર ઉત્પાદન સુવિધા માનવામાં આવે છે. ઓલા ઈલેક્ટ્રિકે ગયા વર્ષે 15 ડિસેમ્બરથી તેના ઇલેક્ટ્રિક સ્કૂટરની ડિલિવરી શરૂ કરી હતી. EV નિર્માતા હવે ભારતની અગ્રણી ટુ વ્હીલર ઉત્પાદક છે, દર મહિને 10,000 કરતાં વધુ એકમોનું વેચાણ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auto, Electric car, Ola