Nokia Petent Case: Oppo અને OnePlus ને મોટો ફટકો! જર્મનીમાં બંને કંપનીઓના ફોન પર મૂકાયો પ્રતિબંધ

ઓપ્પો (Oppo)ને જર્મનીમાં મોટો કાનૂની ઝટકો લાગ્યો છે. Nokiamob.net ના એક અહેવાલ મુજબ, મેનહેમ પ્રાદેશિક અદાલતે Oppo સાથેના તેના તાજેતરના પેટન્ટ વિવાદ સામે નોકિયા (Nokia)ની તરફેણમાં ચુકાદો આપ્યો છે. કોર્ટે આ નિર્ણય નોકિયા દ્વારા Oppo અને OnePlus વિરુદ્ધ દાખલ કરેલા બે મુકદ્દમામાં આપ્યો છે. આ મામલો પેટન્ટ ઉલ્લંઘન કેસ સાથે સંબંધિત છે. હાલમાં Oppo અને OnePlus બંને જર્મનીમાં તેમના ઉપકરણોનું વેચાણ કરી શકશે નહીં.

2021માં ફિનલેન્ડ સ્થિત સ્માર્ટફોન બ્રાન્ડ નોકિયાએ Oppo વિરુદ્ધ પેટન્ટ ઉલ્લંઘનનો કેસ દાખલ કર્યો હતો. નોકિયાએ 2021માં ચાર અલગ-અલગ દેશોમાં ચાઈનીઝ સ્માર્ટફોન જાયન્ટ પર કેસ કર્યો હતો. Oppo સામે પેટન્ટ વિવાદમાં નોકિયાની આ પ્રથમ જીત છે.

શું ઓપ્પો અને વનપ્લસ ફોન જર્મનીમાં કાયમી ધોરણે પ્રતિબંધિત છે?
ઓપ્પો સામે પેટન્ટ વિવાદમાં નોકિયાએ તેની પ્રથમ જીત હાંસલ કરી છે. હાલમાં, Oppo અને તેની પાર્ટનર બ્રાન્ડ OnePlus હવે જર્મનીમાં મોબાઈલ વેચી શકશે નહીં, જે નોકિયાની યુરોપિયન પેટન્ટ EP 17 04 731નું ઉલ્લંઘન કરે છે. જો કે, બ્રાન્ડ પર કાયમી પ્રતિબંધ લાદવામાં આવ્યો નથી.

શું છે બાબત?
પેટન્ટ કથિત રીતે વાઇફાઇ કનેક્શન્સને સ્કેન કરવાની ટેક્નોલોજીને સુરક્ષિત કરે છે. હકીકતમાં, જુલાઈ 2021 માં, નોકિયાએ ભારત, યુકે, ફ્રાન્સ અને જર્મની સહિત એશિયા અને યુરોપના ઘણા દેશોમાં ઓપ્પો વિરુદ્ધ પેટન્ટ ઉલ્લંઘનનો કેસ દાખલ કર્યો હતો. મુકદ્દમામાં ઓપ્પો પર માન્ય લાયસન્સ વિના તેના ઉપકરણોમાં પેટન્ટ નોકિયા ટેક્નોલોજીનો ઉપયોગ કરવાનો આરોપ મૂક્યો છે.

2018માં થઈ હતી આ ડીલ
સીએનબીસીના અહેવાલ મુજબ, મુકદ્દમામાં દાવો કરવામાં આવ્યો છે કે ઓપ્પો નોન-એસઈપી અને નોકિયાના સ્ટાન્ડર્ડ-એસેન્શિયલ પેટન્ટ્સ (SEPs) અને UI/UX જેવી લાઇસન્સ વિનાની સુરક્ષા સુવિધાઓનો ઉપયોગ કરી રહ્યું છે. બંને કંપનીઓ વચ્ચેની અગાઉની પેટન્ટ લાઇસન્સિંગ ડીલ રિન્યુ ન થયા બાદ આ મુકદ્દમો દાખલ કરવામાં આવ્યો હતો. તમને જણાવી દઈએ કે ઓપ્પો અને નોકિયાએ નવેમ્બર 2018માં એક કરાર કર્યો હતો જે જૂન 2021માં સમાપ્ત થઈ ગયો હતો.

નોકિયાનું નિવેદન
નોકિયાનું કહેવું છે કે ઓપ્પોએ તેની નિષ્પક્ષ અને ઉચિત પ્રસ્તાવ ઓફરને નકારી કાઢી છે. અમે અમારા પેટન્ટ લાયસન્સિંગ કરાર માટે Oppo સાથે વાટાઘાટો કરી રહ્યા છીએ, પરંતુ કમનસીબે, તેઓએ અમારી ઑફરો નકારી કાઢી છે. આ પછી, કેસ દાખલ કરવા માટે અમારી પાસે છેલ્લો ઉપાય બાકી રહ્યો હતો. અમે આ મામલાને સૌહાર્દપૂર્ણ રીતે ઉકેલવા માટે મુક્ત અને તટસ્થ વાતચીતની ઓફર કરી છે.

આ પણ વાંચો- સ્માર્ટફોન બરોબર નથી ચાલતો? હાઇ પર્ફોર્મન્સ માટે અપનાવો આ ટીપ્સ

ઓપ્પોનો જવાબ
બીજી બાજુ, Oppoએ મુકદ્દમાને "ચોંકાવનારો" ગણાવ્યો અને નોકિયા સામે કાઉન્ટર કેસ દાખલ કર્યો છે. કંપનીને જવાબ આપતા ઓપ્પોએ કહ્યું કે ઓપ્પો તેના અને તૃતીય પક્ષના બૌદ્ધિક સંપદા અધિકારોનું સન્માન કરે છે, તેમનું રક્ષણ કરે છે અને વ્યવસાય માટે પેટન્ટ લાઇસન્સિંગને સમર્થન આપવા માટે પ્રતિબદ્ધ છે.

આ પણ વાંચો- Jioનો ફેમિલી પ્લાન, 200GB ડેટા સાથે ફ્રી મળશે OTT સબસ્ક્રિપ્શન

નોકિયાએ અન્ય કંપનીઓ સામે પણ કેસ કર્યા છે
તમને જણાવી દઈએ કે ઓપ્પો એકમાત્ર એવી કંપની નથી કે જેના પર નોકિયાએ કેસ કર્યો છે, આ ઉપરાંત નોકિયાએ એપલ અને લેનોવો સહિત અનેક કંપનીઓ સામે કેસ દાખલ કર્યો હતો, મે 2017માં એપલે પેટન્ટ કેસના સમાધાન માટે નોકિયાને $2 બિલિયન ચૂકવ્યા હતા. નોકિયાએ એપલ પર નોકિયાની કેટલીક પેટન્ટ તેમજ નોકિયાની માલિકીની કંપનીઓ NSN અને અલ્કાટેલ-લ્યુસેન્ટની પેટન્ટનું ઉલ્લંઘન કરવાનો આરોપ મૂક્યો હતો.

જો કે, બંને કંપનીઓએ તેમનો વિવાદ ઝડપથી ઉકેલી લીધો અને હવે ઘણી ટેક્નોલોજીઓ પર સહયોગ કરે છે. એટલું જ નહીં, નોકિયાએ લેનોવો વિરુદ્ધ યુએસ, બ્રાઝિલ, ભારત અને જર્મનીમાં પેટન્ટ ઉલ્લંઘનનો કેસ પણ દાખલ કર્યો હતો. આ કેસ લગભગ એક વર્ષ સુધી ચાલ્યો અને આખરે બંને કંપનીઓએ એપ્રિલ 2022માં તેનો ઉકેલ લાવી દીધો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarati tech news, Nokia, Oneplus, Oppo