ભારતમાં VPNનો નવો નિયમ, શું સાયબર સુરક્ષામાં થઈ રહ્યો છે સુધારો?

વર્ચ્યુઅલ પ્રાઇવેટ નેટવર્ક (VPN) એ એક નેટવર્ક છે જે ડેટાને એન્ક્રિપ્ટ કરે છે અને વપરાશકર્તાઓને તેઓ ઑનલાઇન (Online) હોવા છતાં છુપાયેલા રહેવામાં મદદ કરે છે. ભારત (India)માં તેના વપરાશમાં તાજેતરમાં વધારો જોવા મળ્યો છે. તેને રોકવા માટે સરકારે હાલમાં જ ઈન્ટરનેટ પર પોતાની પકડ વધુ કડક કરી છે. હવે, કેટલાક VPN પ્રદાતાઓ ભારત છોડી રહ્યા છે, જ્યારે બાકીના નવા નિયમો પર કામ કરવાનું વિચારી રહ્યા છે. સરકાર કહે છે કે નવા નિયમ (VPN Rule)નો હેતુ સાયબર સુરક્ષામાં સુધારો કરવાનો છે, પરંતુ કેટલીક VPN કંપનીઓએ દાવો કર્યો છે કે નવા નિયમથી સિસ્ટમમાં સાયબર સુરક્ષા સંબંધિત ખામીઓ થઈ શકે છે. જો કે મંત્રીએ આ દલીલને ફગાવી દીધી હતી.

ઈલેક્ટ્રોનિક્સ અને આઈટી રાજ્ય મંત્રી રાજીવ ચંદ્રશેખરે બુધવારે સાયબર ક્રાઈમની ઘટનાઓ અંગે વારંવાર પૂછાતા પ્રશ્નો (FAQ) બહાર પાડ્યા. એવું કહેવામાં આવ્યું હતું કે આવા વર્ચ્યુઅલ પ્રાઇવેટ નેટવર્ક (VPN) સેવા પ્રદાતાઓ જેઓ નવી માર્ગદર્શિકાને અનુસરવા તૈયાર નથી, તેમની પાસે ભારત છોડવાનો વિકલ્પ છે. તેમણે કહ્યું કે દરેક સારી કંપની અથવા સંસ્થા સમજે છે કે સુરક્ષિત અને ભરોસાપાત્ર ઇન્ટરનેટ તેમને મદદ કરશે.

નિયમોનું પાલન કરવું મહત્વપૂર્ણ છે
ચંદ્રશેખરે કહ્યું, 'કોઈ પાસે એ કહેવાનો વિકલ્પ નથી કે અમે ભારતના નિયમો અને કાયદાઓનું પાલન નહીં કરીએ. જો તમારી પાસે લૉગ્સ ન હોય, તો લૉગ્સ સાચવવાનું શરૂ કરો. જો તમે VPN છો જે વપરાશકર્તાઓને છુપાવવા અને અનામી રાખવા માંગે છે, અને જો તમે કાયદાનું પાલન કરવા માંગતા નથી, અને જો તમે બહાર જવા માંગતા હો, તો તમારી પાસે બહાર નીકળવા સિવાય બીજો કોઈ રસ્તો નથી.'

આ પણ વાંચો: Google Pay ટ્રાન્ઝેક્શન હિસ્ટ્રી કેવી રીતે કાયમ માટે કરવી ડિલીટ,

ઈલેક્ટ્રોનિક્સ અને આઈટી મંત્રાલયે ક્લાઉડ સર્વિસ પ્રોવાઈડર્સ, VPN ફર્મ્સ, ડેટા સેન્ટર કંપનીઓ અને વર્ચ્યુઅલ પ્રાઈવેટ સર્વર પ્રોવાઈડર્સ માટે ઓછામાં ઓછા પાંચ વર્ષ માટે યુઝર્સના ડેટાને સુરક્ષિત રાખવા ફરજિયાત બનાવ્યું છે.

આ પણ વાંચો: તમારા ફોટાને કેવી રીતે WhatsApp સ્ટીકરમાં કરશો કન્વર્ટ, જાણો દરેક સ્ટેપ્સ

ભારતીય કોમ્પ્યુટર ઇમરજન્સી રિસ્પોન્સ ટીમ (CERT-In), 28 એપ્રિલે જારી કરાયેલ માર્ગદર્શિકામાં, તમામ સરકારી અને ખાનગી એજન્સીઓ, ઇન્ટરનેટ સેવા પ્રદાતાઓ અને સોશિયલ મીડિયા પ્લેટફોર્મને સાયબર સુરક્ષા ભંગની જાણ થયાના 6 કલાકની અંદર જાણ કરવા જણાવ્યું છે. પ્રદાન કરવું આવશ્યક છે પરંતુ અમેરિકન ટેક્નોલોજી ઉદ્યોગ સંગઠન ITI, જે Google, Facebook, IBM (IBM) અને સિસ્કો જેવી વિશાળ ટેક કંપનીઓની સભ્યપદ ધરાવે છે, તેણે ભારત સરકારને આ માર્ગદર્શિકા બદલવા વિનંતી કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cyber Security, Gujarati tech news, VPN