સ્પાઇડરમેન વીડિયો ગેમના ‘અવતાર’ને જોઇને તમે ફિલ્મી ‘સ્પાઈડી’ને ભૂલી જશો

સ્પાઇડરમેન વીડિયો ગેમના ‘અવતાર’ને જોઇને તમે ફિલ્મી ‘સ્પાઈડી’ને ભૂલી જશો
પ્રતિકાત્મક તસવીર

જ્યારથી માર્વેલ પાસે સ્પાઇડરમેનના રાઇટ્સ પાછા આવ્યા છે ત્યારથી તે આ પાત્ર સાથે નવો પ્રયોગ કરી રહ્યા છે.

  • Share this:
    જ્યારથી માર્વેલ પાસે સ્પાઇડરમેનના રાઇટ્સ પાછા આવ્યા છે ત્યારથી તે આ પાત્ર સાથે નવો પ્રયોગ કરી રહ્યા છે. સોની ફિક્ચર્સ પાસે સ્પાઇડરમેનના રાઇટ્સ હતા જે હવે માર્વેલને પાછા મળ્યા છે. માર્વેલે આ રાઇટ્સને મળવાની સાથે જ સૌથી પહેલા સ્પાઇડરમેનને એવેન્જર્સ સાથે લઇ લીધો અને હવે એક વીડિયો ગેમમાં પણ સ્પાઇડરમેનનો નવો લુક સામે આવ્યો છે.

    પ્લેસ્ટેશન 4 માટે બનાવવામાં આવેલા સ્પાઇડરમેનની આ ગેમને ફિલ્મ જેવી જ બનાવી છે. એવું પણ બની શકે છે કે, આગામી દિવસોમાં આ ગેમની કહાની ઉપર એક ફિલ્મ પણ નજર આવે. આ ગેમની કહાની અનુસાર સ્પાઇડરમેનના શહેર ન્યૂયોર્કની એક જેલમાં કેટલાક લોકોએ હુમલો કર્યો છે. આ જેલમાં સ્પાઇડરમેનના સૌથી મોટા દુશ્મન રાઇનો, સ્કોર્પિયન, વલ્ચર અને ઇલેક્ટ્રો આ જેલમાં હાજર છે પરંતુ એક એવો પણ વિલન છે જે આ બધાની ઉપર છે. આ વિલન આ ગેમનો સસ્પેન્સ એલિમેન્ટ છે.



    ભારતમાં આ ગેમ હજી લોન્ચ થઇ નથી. પરંતુ એમેઝોન ઉપર જઇને તમે આ ગેમ માટે પ્રી ઓર્ડર કરી શકો છો. આ ગેમની કિંમત રૂ. 4,000 છે. તમને આ ગેમની કિંમત વધારે લાગતી હોય તો તેમારે એક વાર આ વીડિયોને જોવો જોઇએ જેમાં સ્પાઇડરમેન ગેમની એક ઝલક આપવામાં આવી છે.

    સ્પાઇડરમેન ઉપર અત્યાર સુધીમાં અનેક ગેમ બની છે પરંતુ આ નવી ગેમને સ્પાઇડર સિરિઝનું સર્વશ્રેષ્ઠ ગેમ માનવામાં આવી રહી છે. અત્યારે અમેરિકામાં જેટલા લોકોએ આ ગેમનું ફસ્ટ વર્ઝન રમ્યા છે તેમને આ ગેમ સારી લાગી છે પરંતુ ભારતીય વર્ઝનમાં કેટલાક ફેરફાર થઇ શકે છે.
    Published by:News18 Gujarati
    First published:June 12, 2018, 19:14 IST

    ટૉપ ન્યૂઝ