Maruti Suzuki S-Cross: ત્રણ મહિનામાં શૂન્ય વેચાણ! ભારે ડિસ્કાઉન્ટ પછી પણ કોઈ લેવાલ નહીં

નવી દિલ્હીઃ મારુતિ સુઝુકી ઈન્ડિયાએ તેની S-Cross કારને કંપનીની સત્તાવાર Nexa વેબસાઈટ પરથી હટાવી દીધી છે. આ કારનું વેચાણ સતત ઘટ્યા બાદ કંપનીએ તેને વેબસાઈટ પરથી હટાવવાનો નિર્ણય કર્યો છે. રિપોર્ટ મુજબ, ગત ત્રણ મહિનામાં આ કારના એક પણ યૂનિટનું વેચાણ થયુ નથી. મારુતિએ તેની આ કારને ભારતીય બજારમાં વર્ષ 2015માં લોન્ચ કર હતી. મીડિયા રિપોર્ટ અનુસાર, એવી પણ ખબર છે કે, કંપની તેને હંમેશા માટે બંધ કરી રહી છે.

Nexa વેબસાઈટ પર આ  કાર્સ છે

માડિયા રિપોર્ટ પ્રમાણે, મારુતિ સુઝુકી નેક્સા ડીલરશિપની સત્તાવાર વેબસાઈટ પરથી S-Crossને હટાવ્યા બાદ હવે ગ્રાન્ડ વિટારા, XL6, સિયાજ, બલેનો અને ઈગ્નિસના મોડલ દેખાઈ રહ્યા છે. S-Cross ની માંગમાં સતત ઘટાડો થઈ રહ્યો હતો. ગત ત્રણ મહિનાના આંકડા જોઈએ તો, જુલાઈ, ઓગસ્ટ, અને સપ્ટેમ્બરમાં આ કારના એક પણ યૂનિટનું વેચાણ થયુ નથી.

માંગમાં સતત ઘટાડો થયો

મારુતિ સુઝુકી તેના ગુડગાંવ કારખાના પરથી S-Crossનું ઉત્પાદન કરી રહી હતી. આનું વેચાણ વર્ષ 2022માં મહિને દર મહિને ધટતુ ગયું. એપ્રિલમાં કંપનીએ 2,922 યૂનિટનું વેચાણ કર્યુ હતું, પરંતુ મે માં આ આંકડો ઘટીને 1,428 યૂનિટ રહી ગયો. જૂનમાં આ એસયૂવીના માત્ર 697 યૂનિટનું વેચાણ થયું. માત્ર જૂનનો મહિનો જ હતો, જ્યારે આ કારના ખરીદદારો મળ્યા, આ પછી જુલાઈ, ઓગસ્ટ અને સપ્ટેમ્બરમાં આ કારના એક પણ યૂનિટનું વેચાણ થયુ નહિ.

આ પણ વાંચોઃ 24 કલાકમાં જ સુપરહિટ થઈ ગઈ દેશની સૌથી સસ્તી ઇલેક્ટ્રિક કાર, મળ્યું અધધ બુકિંગ 

42,000 હજારનું ડિસ્કાઉન્ટ પણ કંઈ કામ ન આવ્યુ

કંપનીએ મારુતિ S-Cross ના વેચાણમાં આવેલા ઘટાડા પછી કંપનીએ આ કારનું વેચાણ વધારવા માટે ભારે ડિસ્કાઉન્ટની પણ જાહેરાત કરી. કંપની 42,000 રૂપિયા સુધીનુ ડિસ્કાઉન્ટ આપી રહી હતી. પરંતુ આ શાનદાર ઓફર પણ ગ્રાહકોને આ કાર તરફ આકર્ષિત અને તેનું વેચાણ વધારવામાં મદદરૂપ ન થઈ. તેનું ઉદાહરણ જુલાઈ અને ઓગસ્ટમાં તેના શૂન્ય વેચાણના રૂપમાં સામે આવ્યું.

Grand Vitaraની ભૂમિકા

મારુતિ S-Crossને બજારમા આ પ્રકારે ઉદાસીનતાનો સામને કરવો પડશે, તે અપેક્ષા મારુતિ સુઝુકીએ ક્યારેય નહિ કરી હોય. રિપોર્ટ પ્રમાણે, આ કારની માંગમાં ઘટાડો થવા પાછળ મારુતિની નવી ગ્રાન્ડ વિટારાનો હાથ માનવામાં આવી રહ્યો છે. ગ્રાંન્ડ વિટારાને લઈને બજારમાં પણ એવી જ અટકળો હતી કે તે, આ કાર મારુતિ S-Crossની જગ્યા લઈ લેશે. જો કે, કંપનીએ સત્તાવાર રૂપથી S-Crossને બજારની બહાર કરી નથી. આ કાર હજુ પણ કંપનીની વેબસાઈટ પર છે. જો કે ગ્રાન્ડ વિટારાના આવવાથી આની જે ખરાબ હાલત થઈ છે, તે પરથી અંદાજ લગાવવામાં આવી રહ્યો છે કે, કંપની ક્યારેય પણ S-Crossને બજારની બહાર કરી શકે છે.

આ પણ વાંચોઃ Wired Earphones 800 રૂપિયાથી પણ ઓછી કિંમતે મળી રહ્યાં છે, લીસ્ટમાં OnePlusથી લઈ BoAt પણ સામેલ...

S-Crossના ફીચર્સ અને કિંમત

S-Cross મારુતિની લગઝરી કાર્સમાં સામેલ છે. ફીચર્સની વાત કરીએ તો, આ મિડ સાઈઝ SUV માં રેન સેન્સિંગ વાઈપર. ક્રૂઝ કંટ્રોલ, LED પ્રોજેક્ટર હેડલેમ્પની સાથે 7-ઈંચની ટચસ્ક્રીન ઈન્ફોટેનમેન્ટ સિસ્ટમ મળે છે. S-Crossને યૂરો NCAP ક્રેશ ટેસ્ટમાં 5-સ્ટાર એડલ્ટ પ્રોટેક્શન રેટિંગ છે. આની કિંમત 8.95 રૂપિયાથી 12.92 લાખ રૂપિયા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Maruti Suzuki Cars, SUV કાર, Technology news