કંઈક આવું દેખાશે JioFiber Hybrid સેટ-ટૉપ બોક્સ, લીક થઈ તસવીર

રિલાયન્સ પોતાની જિયો ગીગાફાઇબર સર્વિસ 5 સપ્ટેમ્બરે લોન્ચ કરવાનું છે. જિયો ગીગાફાઇબરની જાહેરાત દરમિયાન કંપનીએ આવનારા ગીગાટીવી સેટ-ટૉપ બોક્સ વિશે તમામ જાણકારી આપી હતી જે કસ્ટમર્સને ઓટીટી, લાઇવ ટીવી, વીડિયો કોલિંગ અને ગેમિંગની સુવિધા આપશે. જોકે, કંપનીએ એવું નથી જણાવ્યું કે સેટ-ટોપ બોક્સ કેવા પ્રકારનું દેખાશે.

હવે અમારી પાસે જિયો ફાઇબર હાઇબ્રિડ સેટ-ટૉપ બોક્સનું પહેલું ઓફિશિયલ લુક છે. આ પ્રૉડક્ટની તસવીરોને DreamDTH પર શેર કરવામાં આવી છે જેમાં હાઇબ્રિડ સેટ-ટૉપ બોક્સ ડાર્ક બ્લૂ ફિનિશની સાથે દેખાય છે અને તેની પર જિયોનો લોગો છે. તેમાં કો-એક્સિયલ કનેક્શન સહિત તમામ પોર્ટ્સ જેમકે, HDMI પોર્ટ, ઇથરનેટ RJ45 પોર્ટ, યૂએસબી 2.0 અને યૂએસબી 3.0 પોર્ટ દેખાય છે.

આ પણ વાંચો, ટૂંક સમયમાં ફોલ્ડેબલ ડિસ્પ્લે ધરાવતો Galaxy Fold સ્માર્ટફોન થશે લોન્ચ

જાહેરાત દરમિયાન કંપનીએ જણાવ્યું કે સેટ-ટૉપ બોક્સમાં 4K રેઝલૂશનની સાથે મોટાભાગની ભારતીય ભાષાઓમાં વૉઇસ્ કમાન્ડ હશે. આ ઉપરાંત સેટ-ટૉપ બોક્સમાં મલ્ટી પાર્ટી વીડિયો કૉન્ફરન્સીંગની પણ સુવિધા હશે. આ ઉપરાંત રિલાયન્સ જિયો ગ્રાહકોની પસંદ પર 600થી વધુ ટીવી ચેનલ, એક હાજરથી વધુ મૂવી અને લાખથી વધુ ગીત ઉપલબ્ધ કરાવશે.

આ પણ વાંચો, હવે બદલાઈ જશે WhatsApp, આવી રહ્યું છે નવું ફીચર

લોન્ચ દરમિયાન રિલાયન્સ જિયોના ડાયરેક્ટર્સ આકાશ અંબાણી અને ઈશા અંબાણીએ દર્શાવ્યું કે કેવી રીતે જિયો સેટ-ટૉપ બોક્સનો ઉપયોગ કરીને ગેમ રમી શકાય છે. આ દરમિયાન જણાવવામાં આવ્યું કે આ તમામ ગેમિંગ કન્ટ્રોલર્સને સપોર્ટ કરે છે અને સાથોસાથ સ્માર્ટફોન પણ વર્ચ્યૂઅલ કન્ટ્રોલરની જેમ યૂઝ કરી શકાય છે.

આ પણ વાંચો, છેતરપિંડીનો છે ડર? તો આ રીતે તમારા ATM કાર્ડને કરો સ્વિચ ઓફ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Reliance Jio Smartphone, ટેક ન્યૂઝ, રિલાયન્સ, રિલાયન્સ જીયો