Facebook ભારતમાં લોન્ચ કરશે Vaccine Finder ટૂલ, જાણો કેટલું ઉપયોગી છે આ ટૂલ

Facebook ભારતમાં લોન્ચ કરશે Vaccine Finder ટૂલ, જાણો કેટલું ઉપયોગી છે આ ટૂલ
ભારતમાં રસીકરણ અંગે ફેસબુકે ભારત સરકારના સહયોગથી એક ટૂલ બનાવ્યું છે, જેના ઉપયોગથી લોકો શોધી શકશે કે, આસપાસના કયા સ્થળોએ રસી મળે છે

ભારતમાં રસીકરણ અંગે ફેસબુકે ભારત સરકારના સહયોગથી એક ટૂલ બનાવ્યું છે, જેના ઉપયોગથી લોકો શોધી શકશે કે, આસપાસના કયા સ્થળોએ રસી મળે છે

  • Share this:
ભારતમાં રસીકરણ અંગે ફેસબુકે (facebook) ભારત સરકારના સહયોગથી એક ટૂલ બનાવ્યું છે, જેના ઉપયોગથી લોકો શોધી શકશે કે, આસપાસના કયા સ્થળોએ રસી (corona vaccine) મળે છે. શુક્રવારે ફેસબુકે જાહેરાત કરી હતી કે, તે ભારતમાં તેની મોબાઈલ એપ પર 'વેક્સીન ફાઇન્ડર' (vaccine finer) ટૂલ લાવશે. આ ટૂલ ભારત સરકારની ભાગીદારીમાં બનાવવામાં આવ્યું છે અને તે 17 સ્થાનિક ભાષાઓમાં ઉપલબ્ધ હશે. આ ટૂલ રસી મેળવવા લોકોને નજીકના સ્થળો જાણવામાં મદદ કરશે.

રસીકરણ માટે લઇ શકાશે અપોઈન્ટમેન્ટ



આ ટૂલ સ્વાસ્થ્ય મંત્રાલય દ્વારા ઉપલબ્ધ કરાયેલા આંકડાનો ઉપયોગ કરીને રસીકરણ કેન્દ્ર અને તેના સંચાલનના સમય વિશે માહિતી આપશે. આ ટૂલમાં વોકઇન ઓપ્શન પણ મળશે અને રસીકરણની અપોઈન્ટમેન્ટ માટે ઓફિશિયલ કોવિડ વેક્સિનેશન પોર્ટલ CoWin પર રજિસ્ટ્રેશનની લિંક પણ પ્રદાન કરશે. આ ટૂલ ફેસબુક પર કોવિડ -19 ઇન્ફર્મેશન સેન્ટર પર ઉપલબ્ધ છે.

'મારૂં ગામ કોરોનામુક્ત ગામ': CM રૂપાણીએ ગામડાં કોરોનામુક્ત બને તે માટે આપ્યો માસ્ટર પ્લાન

અહીં મળશે માહિતી

ફેસબુકે જણાવ્યું હતું કે, તે ભારતમાં બિન-સરકારી સંસ્થાઓ અને યુએન એજન્સીઓને એડવર્ટાઈઝમેન્ટ ક્રેડિટ્સ અને ઇન્સાઇટને સમર્થન આપી રહ્યું છે, જે ફેસબુક પર મોટાભાગના લોકોને કોવિડ -19 રસી અને આરોગ્યની આવશ્યક માહિતી સાથે પહોંચાડે છે. પ્લેટફોર્મે જણાવ્યું હતું કે તેઓ યુનિસેફ ભારત સાથે મળીને લોકોને આરોગ્યની સંભાળ પૂરી પાડવા માટે કામ કરી રહ્યા છે, જેથી તાકીદની સંભાળ અને ઘરે હળવા કોવિડ -19 લક્ષણો મળતી વખતે સાવચેત કેવી રીતે રહેવું, એ માહિતી ફેસબુકના કોવિડ -19 ઇન્ફર્મેશન સેન્ટર અને તેના ન્યૂઝ ફીડ પર ઉપલબ્ધ છે. ઇન્સ્ટાગ્રામ પર કંપની "એક્સપ્લોર" વિભાગમાં "માર્ગદર્શિકા" દ્વારા આ માહિતીને પ્રોત્સાહન આપી રહી છે.

International Labour Day 2021: મજૂરો પણ માણસ છે, લાંબા સમયે થયું હતું દુનિયાને આ વાતનું ભાન

એક દિવસમાં 3,79,257 નવા કેસ સામે આવ્યા

કોવિડ -19 રસીકરણનો ત્રીજો તબક્કો આજથી શરૂ થવા જઈ રહ્યો છે. જેમાં 18 વર્ષથી વધુની ઉંમરના લોકોનું રજીસ્ટ્રેશન બુધવારથી શરૂ થઈ ગયું છે. દેશમાં છેલ્લા 24 કલાકમાં અત્યાર સુધીમાં સૌથી વધુ કેસ નોંધાયા છે. છેલ્લા એક દિવસમાં 3,79,257 નવા કેસ નોંધાયા છે, જ્યારે 3498 લોકોનાં મોત થયા છે. આ અત્યાર સુધીનો સર્વોચ્ચ આંકડો છે, જેમાં મહારાષ્ટ્રમાંથી સૌથી વધુ કેસ આવી રહ્યા છે.

દેશભરમાં 31,70,228 સક્રિય કેસ

આરોગ્ય મંત્રાલયના જણાવ્યા અનુસાર, દેશમાં કોરોનાગ્રસ્ત લોકોની કુલ સંખ્યા 1,87,62,976 પર પહોંચી ગઈ છે. જેમાંથી 31,70,228 એક્ટિવ કેસ છે જ્યારે 1,53,84,418 લોકો આ રોગથી સ્વસ્થ થયા છે, છેલ્લા 24 કલાક દરમિયાન આ રોગચાળાને કારણે 49,49498 લોકોનાં મોત નીપજ્યાં છે. આ સાથે જ કોરોનાથી મૃત્યુઆંક વધીને 2,08,330 થઈ ગયો છે.
Published by:News18 Gujarati
First published:May 01, 2021, 13:13 pm

ટૉપ ન્યૂઝ