Facebook Alert! ફેસબુક પર આ કામ ન કર્યું તો લોક થઈ શકે છે તમારું અકાઉન્ટ, જાણો નવા સેફ્ટી અપડેટ વિશે

Facebook Protect Program: ફેસબુક (Facebook) એ લોકોના અકાઉન્ટને લોક કરી રહ્યું છે જેમણે ફેસબુક પ્રોટેક્ટ પ્રોગ્રામ (Facebook Protect Program)ને એક્ટિવેટ નથી કર્યું અને યુઝર્સની ફરિયાદ છે કે કંપનીએ એક રહસ્યમય, સ્પેમ જેવો ઇમેલ મોકલ્યો હતો જેથી તેમણે સેફ્ટી રિઝન્સથી તે અવગણ્યો હતો. ઘણાં ફેસબુક યુઝર્સે ‘તમારા અકાઉન્ટને ફેસબુક પ્રોટેક્ટથી એડવાન્સ સિક્યોરીટીની જરૂર છે’ ટાઈટલવાળા ઇમેલમાં સ્પેમ જેવા નોટિફિકેશન અંગે ફરિયાદ કરતાં ટ્વિટરનો સહારો લીધો. તેમણે પ્રાઈવસીને કારણે એ ન ખોલ્યો.

એક યુઝરે ટ્વિટ કરી કે, ‘હું આજે અનિશ્ચિત સમય માટે ફેસબુકથી બહાર થઈ ગયો કારણકે મેં ફેસબુક (જે એક સ્કેમ જેવો લાગતો હતો)ની નવી ફેસબુક પ્રોટેક્ટ સિસ્ટમ વિશે ઇમેલનો જવાબ ન આપ્યો, જેને મારે આજ સુધીમાં ઇનેબલ કરવાનું હતું. અત્યારસુધી, ટેક્સ્ટ અને સેફ્ટીના ઓપ્શન કામ નથી કરી રહ્યા.’

આ પણ વાંચો: વોટ્સએપ ચેટ ખોલ્યા વગર પણ વાંચી શકાય છે મેસેજ, જાણો પ્રોસેસ

ફેસબુક ઇમેલએ યુઝર્સને જણાવ્યું કે તેમને એક ફિક્સ ડેટ સુધી ફેસબુક પ્રોટેક્ટ ફીચરને ચાલુ કરવું પડશે, નહીંતર તેઓ અકાઉન્ટથી બહાર થઈ જશે.

The Vergeની એક રિપોર્ટ અનુસાર, કંપનીએ યૂઝર્સને 17 માર્ચ સુધીમાં Facebook Protect ઓન કરવા માટે મેઈલ મોકલ્યો હતો. આમ ન કરવા પર અકાઉન્ટ લોક કરવાનું જણાવવામાં આવ્યું હતું. આ મેઇલ security@facebookmail.com પરથી મોકલવામાં આવ્યો હતો. આ મેઇલ ઘણા લોકોના સ્પેમ ફોલ્ડરમાં ચાલ્યો ગયો. કંપનીએ હાઈ-રિસ્ક યુઝર્સને 17 માર્ચ સુધી અકાઉન્ટ પ્રોટેક્ટ કરવા માટે કહેવામાં આવ્યું હતું.

આ પણ વાંચો: 50MP કેમેરા, 6GB RAM, 6000mAh બેટરી સાથે Redmi 10 સ્માર્ટફોન લોન્ચ, જાણો Price

આ રીતે એક્ટિવેટ કરો Facebook Protect

સ્ટેપ 1: સૌથી પહેલા ફેસબુકના ટોપ-રાઈટ કોર્નરમાં આવેલા ડાઉનવર્ડ-ફેસિંગ એરો પર ક્લિક કરો. અહીં તમને Settings & Privacyનું ઓપ્શન મળશે.

સ્ટેપ 2: Settings & Privacy ઓપ્શન પર ક્લિક કર્યા બાદ Settingsમાં જાઓ.

સ્ટેપ 3: ત્યારબાદ Security and Login ઓપ્શન પર ક્લિક કરો.

સ્ટેપ 4: અહીં તમને Facebook Protect વાળું ઓપ્શન મળશે, તેમાં Get Started પર ક્લિક કરો.

સ્ટેપ 5: હવે વેલકમ સ્ક્રીન પર next પર ક્લિક કરો અને સ્ક્રીન પર દેખાતા નિર્દેશને ફોલો કરીને ફેસબુક પ્રોટેક્ટને ઓન કરો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Facebook, Facebook Account, Gujarati tech news, Mobile and Technology, New-feature