Hyundai એ નિરાશ કર્યા! ભારતમાં Creta, Verna અને i20 જેવી ગાડીઓના 11 મોડલ બંધ

નવી દિલ્હી: હ્યુન્ડાઈ ભારતની સૌથી લોકપ્રિય કાર કંપનીઓમાંની એક છે. કંપની ભારતમાં કેટલીક લોકપ્રિય કાર અને SUV વેચે છે. તે હેચબેકથી શરૂ કરીને સેડાન અને એસયુવી સુધીના વિવિધ સેગમેન્ટમાં અનેક વાહનોનું વેચાણ કરે છે. હવે આ સાઉથ કોરિયન ઓટોમેકરે ભારતીય બજારમાં i20, Verna અને Creta જેવી કારના કેટલાક વેરિઅન્ટને બંધ કરવાનો નિર્ણય લીધો છે.

હ્યુન્ડાઈ ઈન્ડિયાએ ભારતમાં તેની કારના કુલ 11 મોડલને તબક્કાવાર હટાવવાનો નિર્ણય લીધો છે. રીઅલ ડ્રાઇવિંગ એમિશન (RDE) ટૂંક સમયમાં અમલમાં આવવાને કારણે ઘણા વેરિઅન્ટ્સ હટાવવામાં આવી રહ્યા છે. આ સાથે ગ્રાહકોની પસંદગીએ પણ આમાં મહત્વની ભૂમિકા ભજવી છે. હટાવવામાં આવેલા મોડલ્સમાં એવા ઘણા પ્રકારો પણ છે જે ગ્રાહકોને ઓછા પસંદ આવ્યા હતા.

આ પણ વાંચો: આ ઈલેક્ટ્રીક બાઇક 2 વર્ષ સુધી ફ્રી માં થશે ચાર્જ, Pulsar અને Apache ને આપશે ટક્કર

આ કારણે મોડલ્સ બંધ થઈ ગયા

એવું કહેવામાં આવી રહ્યું છે કે તાજેતરના RDE ધોરણોને કારણે વધતા ઈનપુટ ખર્ચ અને ભાવ વધારા વચ્ચે સંતુલન જાળવવા માટે ઓટોમેકર્સ પહેલાથી જ સંઘર્ષ કરી રહ્યા છે. આ કિસ્સામાં ઓછા લોકપ્રિય મોડલ અથવા વેરિઅન્ટને બંધ કરવાથી ઉત્પાદન પ્રક્રિયાને સરળ બનાવીને ઉત્પાદન ખર્ચ વધારવામાં મદદ મળશે.

i20 મોડલ બંધ

સૌથી નાના મોડલથી શરૂ કરીને Hyundai i20 લાઇનઅપને કુલ ચાર વેરિઅન્ટમાં ઓછા કરવામાં આવશે. મેન્યુઅલ ટ્રાન્સમિશન સાથે માત્ર 1.0L ટર્બોચાર્જ્ડ પેટ્રોલ i20 સ્પોર્ટ્સ મોડલની મર્યાદિત સંખ્યામાં ઉપલબ્ધ કરાવવામાં આવશે. Asta (O) MT, Magna MT અને સ્પોર્ટ્સ MT સહિત અન્ય ડીઝલ-સંચાલિત મોડલને પડતું મૂકવામાં આવ્યું છે.

આ પણ વાંચો: Tata Curvv SUV પરથી ઓટો એક્સ્પોમાં હટાવાયો પરદો, તસવીરમાં જુઓ ફિચર્સ

આ ડીઝલ મોડલ પણ બંધ કરવામાં આવશે

બીજી તરફ હ્યુન્ડાઈ વર્નાના વેરિઅન્ટમાં મોટો ઘટાડો થશે કારણ કે સેડાનના કુલ પાંચ વેરિઅન્ટ્સ બંધ કરવામાં આવ્યા છે. બીજી તરફ હ્યુન્ડાઈ ક્રેટા કંપનીનું સૌથી વધુ વેચાતી ગાડી હોવાનું ધ્યાનમાં લઈને દક્ષિણ કોરિયાઇ ઉત્પાદકે એસયુવીના માત્ર 2 મોડલ બંધ કર્યા છે. જ્યારે ડીઝલ પાવરટ્રેન્સની વાત આવે છે ત્યારે નવા RDE ધોરણો નાના વાહનો અથવા વાહનોને બંધ કરવા તરફ દોરી જશે જ્યાં ડીઝલ મોડલની માંગ ઓછી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auto car, Auto news, Hyundai, Hyundai i 20 car