લૉકડાઉન વચ્ચે Work from Home કરી રહેલા કર્મચારીઓ પર આવી રીતે તેમના BOSS રાખે છે નજર

પ્રતિકાત્મક તસવીર

ભારતીય કંપનીઓ ઘરેથી કામ કરી રહેલા કર્મચારીઓ પર દેખરેખ રાખવા માટે અનેક ડિજિટલ રીત (digital surveillance)અપનાવી રહી છે.

  • Share this:
    નવી દિલ્હી : આખા દેશમાં લૉકડાઉન (Lockdown) ચાલી રહ્યું છે ત્યારે લોકો પોતાના ઘરેથી જ કામ કરી રહ્યા છે. આવી પરિસ્થિતિમાં ભારતીય કંપનીઓ ઘરેથી કામ કરી રહેલા કર્મચારી (Work From Home)ઓ પર દેખરેખ રાખવા માટે અનેક ડિજિટલ રીત (digital surveillance)અપમાની રહ્યું છે. કંપનીઓ એવા સૉફ્ટવેર (Software)નો ઉપયોગ કરી રહી છે, જેનાથી બૉસ (Boss)પોતાના કર્મચારીઓ (Employee)ની બેવ બ્રાઉઝિંગ હિસ્ટ્રીથી લઈને અનેક માહિતી મેળવી શકે.

    બૉસ એ પણ ધ્યાન રાખી રહ્યા છે કે કર્મચારીએ કઈ એપ્લિકેશન ડાઉનલોડ કરી છે. સાથે જ એ પણ જાણી રહ્યા છે કે કામ દરમિયાન કોમ્પ્યુટર કે લેપટોપ કેટલા સમય સુધી નિષ્ક્રિય રહ્યું હતું.

    સાઇબર સિક્યોરિટી ફર્મે TOIને જણાવ્યું કે આ વખતે સૌથી વધારે પૂછપરછ કોર્પોરેટ કંપનીઓ તરફથી ટ્રેકિંગ શરૂ કરવા અંગે કરવામાં આવી રહી છે. જેમાં સૌથી વધારે માંગ મોબાઇલ ડિવાઇઝ મેનેજમેન્ટ (MDM)ની છે. આ પ્રી-બિલ્ટ ટ્રેકિંગ મિકેનિઝમ છે, જે દરેક લેપટોપ અને ફોન પર પહેલાથી હયાત હોય છે. આ ટૂલથી મેનેજર ડેટા રીડ, સ્ક્રીન ટેકઓવર, રિમોટ-વોઇપ, સેન્સિટિવ ઇન્ફોર્મેશન એક્સેસ કરી શકે છે.

    આ પણ વાંચો : ટ્રમ્પની ચેતવણીઃ ભારતે જો દવા ન મોકલી તો અમેરિકાનો બદલો સહન કરવો પડશે

    40 દેશમાં 148 ક્લાઇન્ટ ધરાવતી સાઇબર સિક્યોરિટી ફર્મ InfySecના CEO વિનોદ સેન્થીલે જણાવ્યું કે પહેલા આવા ટૂલની માંગણી ફક્ત બેન્ક અને નાણાકીય સેક્ટરમાંથી આવતી હતી. હવે આની માંગણી અન્ય કંપનીઓ પણ કરી રહી છે.

    અનેક સાઇબર સિક્યોરિટીએ જણાવ્યું કે ગત મહિને Crossover, Qumram, Teramind, Destrack, WorkAnalytics, iMonitorSoft જેવા સૉફ્ટવેરની માંગ વધી છે.

    રિપોર્ટમાં કહેવામાં આવ્યું છે કે કંપનીઓ કર્મચારીઓને કામ કરવા દરમિયાન વેબ કેમેરો સતત ઓન રાખવાનું કહી રહી છે. જ્યારે આ વાતને અમુક કર્મચારીઓ પોતાની પ્રાઇવસીને ખતરો હોવાનું જણાવી રહ્યા છે. જ્યારે ડિજિટલ કાર્યકર્તા કહી રહ્યા છે કે આ કાયદાકીય રીતે ગ્રે એરિયા છે.

    આ પણ વાંચો : 'ધરમ કરતા ધાડ પડી' : અમદાવાદમાં ગરીબોને ટિફિન આપતાં જતાં સેવાકર્મીને આવ્યો કોરોના પોઝિટિવ

    ઇન્ટરનેટ ફ્રીડમ ફાઉન્ડેશનના મેમ્બર દેવદત્તા મુખોપાધ્યાય ( Devdutta Mukhopadhyay)એ કહ્યું કે ભારતમાં ડેટા ગુપ્તતતા અંગે કોઈ કડક કાયદો નથી. અહીં આઇટી એક્ટ અને SDPI (Sensitive Personal Data or Information) નિયમ છે, જે બાયોમેટ્રિક જેવા કોર્પોરેટ તંત્રના અમુક પાસાઓ પર નજર રાખે છે, પરંતુ તેમાં રિયલ ટાઇમ વીડિયો સર્વેલન્સ અંગે કંઈ કહેવામાં નથી આવ્યું.
    Published by:Vinod Zankhaliya
    First published: