Google+ થશે બંધ, જોખમમાં છે 5 લાખ યૂઝર્સનો ડેટા

ગૂગલે પોતાના સોશિયલ મીડિયા નેટવર્ક ગૂગલ પ્લસને બંધ કરવાનું જાહેર કર્યું છે. આ નિર્ણય એક બગને કારણે લેવામાં આવ્યો છે. જેના કારણે આશરે પાંચ લાખ યૂઝર્સના ડેટા જાહેર થવાનો ડર હતો. જણાવવામાં આવી રહ્યું છે કે આ બગ સિસ્ટમમાં બે વર્ષથી રહેલો છે અને તે બહારના ડેવલોપર્સને કારણે આવ્યો હતો.

ગૂગલે કહ્યું કે આ સોશિયલ નેટવર્કિંગ સાઇટને બંધ કરતા પહેલા તેણે આ બગને ઠીક કરી દીધો છે. અમેરિકાની નામાંકિત ઇન્ટરનેટ કંપનીએ કહ્યું કે ગ્રાહકો માટે 'ગૂગલ+' નો સૂર્યાસ્ત થઇ ગયો છે. આ સોશિયલ નેટવર્કિંગ સાઇટ ફેસબુકને પડકાર આપવામાં નિષ્ફળ રહી હતી.

ગૂગલના એક પ્રવક્તાએ 'ગૂગલ+'ને બંધ કરવાનું મુખ્ય કારણ જણાવતા કહ્યું કે, "'ગૂગલ+'ને બનાવવાથી લઇને તેને ચલાવવામાં ઘણા પડકારો હતાં. જેના ગ્રાહકોની આશા પ્રમાણે તૈયાર કરવામાં આવ્યું હતું પરંતુ આનો ઉપયોગ ઓછો થતો હતો. આ જ તેના બંધ થવાનું સાચું કારણ છે."

આ જાહેરાત બાદ ગૂગલની પેરેન્ટ કંપની આલ્ફાબેટના શેરમાં 2.6 ટકાનો કડાકો દેખાયો છે. ગૂગલે એક નિવેદનમાં કહ્યું કે, 'અમને તે વાતનું કોઇ સબૂત ન મળ્યું કે કોઇ ડેવલોપરને બગ અંગે કોઇ જાણકારી હતી કે તેમણે એપીઆઈનો દુરૂપયોગ કર્યો. કોઇ પ્રોફાઇલના ડેટાના દુરૂપયોગનું પણ કોઇ સબૂત નથી. '

આ મામલામાં ગૂગલની લિગલ અને પોલીસી સ્ટાફ ટીમે એક મીમો તાયાર કર્યો હતો અને તેને કંપનીના સિનિયર એક્ઝુકીટીવ સાથે શેર કર્યો હતો. જેમાં ચેતવણી આપવામાં આવી હતી કે આ મામલાના ખુલાસાથી ખરાબ અસર પડશે. ફેસબુક લીક સાથે તેની તુલના થશે અને પછી ઘણી તપાસ શરૂ થઇ શકે છે. આ અંગે ગૂગલના સીઈઓ સુંદર પીચાઇને પણ સૂચના આપી દેવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bug, Shut Down, ગૂગલ, સુંદર પિચાઇ