Google Pixel 7 Series: જલ્દી લોન્ચ થઈ શકે છે ગૂગલ Pixel 7 અને Pixel 7 Pro સ્માર્ટફોન, ફીચર્સ થયા લીક

Google Pixel 7 Series Launch Date: પ્રીમિયમ ફોન નિર્માતા ગૂગલ પિક્સલ (Google Pixel) ટૂંક સમયમાં પોતાની નવી 7 સિરીઝના સ્માર્ટફોન લોન્ચ કરવાની જાહેરાત કરી શકે છે. નિષ્ણાતોનું કહેવું છે કે Google Pixel 6 સિરીઝની સફળતા બાદ હવે Google Pixel 7 સિરીઝને રજૂ કરવાની તૈયારી કરવામાં આવી રહી છે. પિક્સલની 7 સિરીઝમાં Google Pixel 7 અને Google Pixel 7 Pro સ્માર્ટફોન લોન્ચ થઈ શકે છે. સોશિયલ મીડિયા પર આ ફોન વિશેની જાણકારી લીક થઈ છે.

કહેવામાં આવી રહ્યું છે કે Pixel 7 અને Pixel 7 Pro સ્માર્ટફોન આ વર્ષે સપ્ટેમ્બર-ઓક્ટોબરમાં લોન્ચ થઈ શકે છે. ગૂગલ ઓક્ટોબરમાં લોન્ચ ઈવેન્ટનું આયોજન કરવા જઈ રહ્યું છે. તેથી એવી અપેક્ષા છે કે આ ઇવેન્ટમાં જ Google Pixel 7 સિરીઝના સ્માર્ટફોન રજૂ કરવામાં આવી શકે છે. આ ઇવેન્ટમાં ગૂગલ તેની સ્માર્ટવોચ Google Pixel Watch પણ લોન્ચ કરી શકે છે.

આ પણ વાંચો: 9 હજારથી પણ ઓછી કિંમત, 5000mAh બેટરી સાથે લોન્ચ થયો Infinix Hot 11 2022 સ્માર્ટફોન

ટિપસ્ટર યોગેશ બરારે Google Pixel 7 અને Google Pixel 7 Pro સ્માર્ટફોન વિશે કેટલીક માહિતી શેર કરી છે. યોગેશે આ ફોનના કેમેરા વિશે માહિતી લીક કરી છે. યોગેશે જણાવ્યું કે 7 સિરીઝના આ ફોનમાં જૂના વર્ઝન Google Pixel 6 અને Google Pixel 6 Pro જેવો જ કેમેરા સેટઅપ છે. એટલે કે 7 સિરીઝના ફોનના કેમેરામાં તમને કંઈપણ નવું જોવા નહીં મળે.

કેવો હશે 7 સિરીઝનો કેમેરા

ટિપસ્ટર યોગેશ બરાર દ્વારા શેર કરવામાં આવેલી માહિતી અનુસાર, Google Pixel 7 સ્માર્ટફોનમાં 50 મેગાપિક્સલનો પ્રાઈમરી કેમેરા હશે. આ સાથે તેમાં 12 મેગાપિક્સલનો અલ્ટ્રા-વાઇડ કેમેરા સેન્સર ઉપલબ્ધ થશે. Google Pixel 7 Pro સ્માર્ટફોનમાં ટ્રિપલ રિયર કેમેરા સેટઅપ જોવા મળશે. તેનો મુખ્ય કેમેરા 50 મેગાપિક્સલનો હશે. સાથે 48MPનો ટેલિફોટો લેન્સ અને 12 મેગાપિક્સલનો અલ્ટ્રા-વાઇડ એંગલ સેન્સર પણ મળશે. સેલ્ફી માટે ફોનમાં પંચ-હોલ કટઆઉટ આપી શકાય છે.

આ પણ વાંચો: WhatsAppએ લોન્ચ કર્યા નવા ફીચર્સ, ગ્રુપ વોઇસ કોલ પર જોડાઈ શકે છે 32 લોકો

પિક્સલ 7 સિરીઝના ફીચર્સ

સોશિયલ મીડિયા પર શેર કરવામાં આવી રહેલી માહિતી અનુસાર, Google Pixel 7 Pro ફોનમાં 6.7 ઇંચની ડિસ્પ્લે આપવામાં આવી શકે છે. તેનો રિફ્રેશ રેટ 120Hz હશે. તો Pixel 7 સ્માર્ટફોનમાં 6.3 ઇંચની નોન LTPO ડિસ્પ્લે હોઈ શકે છે. ડિસ્પ્લેનો રિફ્રેશ રેટ 90Hz હશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: 5G Smartphone, Gadgets News, Google Pixel, Gujarati tech news, Mobile and Technology