ગૂગલે લોન્ચ કર્યું Paced Walking ફીચર, ફિટ રહેવામાં તમને કરશે મદદ

ગૂગલે લોન્ચ કર્યું Paced Walking ફીચર, ફિટ રહેવામાં તમને કરશે મદદ
પ્રતિકાત્મક તસવીર

ગૂગલ પેસ્ડ વોકિંગ ફીચરનો ઉપયોગ કરીને વપરાશકર્તાઓ તેમની ચાલવાની સ્પીડને સચોટ રીતે ટ્રેક કરી શકે છે અને ચાલતી વખતે સ્પીડ જાળવી શકે છે.

  • Share this:
નવી દિલ્હી : ટેક કંપની ગૂગલે તેના ફીચર્સમાં વધુ ફીચર શામેલ કર્યું છે. ગૂગલે આ નવી સુવિધાનું નામ પેસ્ડ વોકિંગ રાખ્યું છે. આ ફીચરની મદદથી યુઝર્સ તેમના દરેક વોકિંગ સ્ટેપ્સ(પગલા) વિશે સંપૂર્ણ માહિતી મેળવી શકે છે. આ ફીચરમાં ઓડિયો બીટ્સની મદદથી યુઝર્સ તેમના દરેક સ્ટેપને ટ્રેક કરી શકે છે. ગૂગલનું આ નવું ફીચર ગૂગલ ફીટ પર પણ આપવામાં આવશે. આ ફીચર વૈશ્વિક બજારમાં મોટાભાગના એન્ડ્રોઇડ ફોનમાં વાપરી શકાય છે.

તેના ફાયદા શું હશે



ગૂગલ પેસ્ડ વોકિંગ ફીચરનો ઉપયોગ કરીને વપરાશકર્તાઓ તેમની ચાલવાની સ્પીડને સચોટ રીતે ટ્રેક કરી શકે છે અને ચાલતી વખતે સ્પીડ જાળવી શકે છે. આ સુવિધા એકદમ પ્રાકૃતિક વોકિંગ સ્પીડ પ્રદાન કરે છે. ગૂગલ ફીટના મેડિકલ લીડ કપિલ પ્રકાશના જણાવ્યા પ્રમાણે, જો યુઝર ઝડપથી ચાલે છે, તો સમયની સાથે યુઝરની કુદરતી સ્પીડ વધશે. આ સાથે યુઝરને સાયકલ રાઇડિંગ સહિતના તમામ પ્રકારના હેલ્થ બેનિફિટ્સ મળે છે.

જો યુઝર પેસ્ડ વોકિંગ ફીચરનો ઉપયોગ કરશે, તો યુઝરને ગૂગલ ફીટ પર હાર્ટ પોઇન્ટ આપવામાં આવે છે. જો યુઝર પેસ્ડ વોકિંગ સુવિધાનો ઉપયોગ કરીને ચાલે છે, તો પછી યુઝરને ગૂગલ ફીટ પર દર મિનિટે મહત્તમ પોઇન્ટ આપવામાં આવે છે. આ હાર્ટ પોઇન્ટ્સને પ્રાપ્ત કરવા માટે યુઝર્સે એક મિનિટમાં 100થી વધુ પગલાં ચાલવું પડશે. આ રીતે એક મિનિટમાં યુઝરને એક હાર્ટ પોઇન્ટ આપવામાં આવે છે.

યુઝર એપના ઉપયોગથી બીટ સ્પીડ બદલી શકે છે અને તેમની પસંદ પ્રમાણે ચાલવાની ગતિ વધારી અથવા ઘટાડી શકે છે. આ સાથે જ વોકિંગ વખતે યુઝર્સ તેમાં સંગીત અને પોડકાસ્ટ પણ પ્લે કરી શકે છે. તમને જણાવી દઈએ કે અમેરિકન હાર્ટ એસોસિએશન અને વર્લ્ડ હેલ્થ ઓર્ગેનાઇઝેશન લોકોને અઠવાડિયામાં ઓછામાં ઓછા 150 મિનિટ શારીરિક પ્રવૃત્તિ કરવાની ભલામણ કરે છે.
Published by:News18 Gujarati
First published:Invalid date

ટૉપ ન્યૂઝ