Ola Scooter ખરીદનારાઓ માટે સારા સમાચાર, કંપની અપડેટ કરવા જઈ રહી છે એક મોટું સોફ્ટવેર

Ola ઇલેક્ટ્રિક તેના ઇલેક્ટ્રિક સ્કૂટર (Electric Scooter) માટે આગામી સપ્તાહે Move OS2 સોફ્ટવેરને સત્તાવાર રીતે લોન્ચ કરશે. Ola ઈલેક્ટ્રીકના સીઈઓ ભાવિશ અગ્રવાલે જાહેરાત કરી છે કે Move OS 2 સોફ્ટવેર અપડેટ 18 જૂને Ola Future Factory ખાતે એક ઈવેન્ટ દરમિયાન લોન્ચ કરવામાં આવશે. ગયા વર્ષે ઑગસ્ટમાં લૉન્ચ થયા પછી S1 Pro ઇલેક્ટ્રિક સ્કૂટર માટે આ પહેલું મોટું ઓવર-ધ-એર (OTA) અપડેટ હશે. ઓલાએ અગાઉ કહ્યું હતું કે સોફ્ટવેર અપડેટ આ મહિનાથી ગ્રાહકો માટે ઉપલબ્ધ થશે. મૂવ OS2 સોફ્ટવેર અપડેટ પહેલાથી મોકલેલ તમામ ઇલેક્ટ્રિક સ્કૂટર્સ (Electric Scooter) માટે ઓવર ધ એર ઉપલબ્ધ હશે.

ગ્રાહકોએ કરી હતી ફરિયાદ
Ola Electric એ S1 Pro ઈલેક્ટ્રિક સ્કૂટરની પ્રથમ બેચ કંઈપણ હાઈલાઈટ કર્યા વિના લૉન્ચ કરી. ઈલેક્ટ્રિક ટુ-વ્હીલર નિર્માતાએ કહ્યું હતું કે પછીના OTA અપડેટમાં ફીચર્સ ઉમેરવામાં આવશે. ઓલા ઈલેક્ટ્રિકના કેટલાંક ગ્રાહકોએ પહેલાથી જ ડિલિવરી કરાયેલા કેટલાક સ્કૂટર્સમાં સોફ્ટવેર વિશે ફરિયાદ કરી હતી. Ola ઈલેક્ટ્રિકે હજુ સુધી સુવિધાઓની સંપૂર્ણ સૂચિ શેર કરવાની બાકી છે જે આગામી OTA અપડેટમાં સક્રિય થશે.

સોફ્ટવેર ઈન લોન્ચ કરવામાં આવશે
અગ્રવાલે ટ્વિટર પર જણાવ્યું હતું કે, “ફ્યુચર ફેક્ટરીમાં કન્ઝ્યુમર ઈવેન્ટ આવતા અઠવાડિયે 18 અને 19 જૂને યોજાવા જઈ રહી છે. આ દરમિયાન, Ola ઇલેક્ટ્રિક 200km ચેલેન્જના વિજેતાઓ અને અન્ય સહાયક ગ્રાહકોને સન્માનિત કરવામાં આવશે. MoveOS 2 નું સાર્વજનિક લોન્ચ પણ તે જ દિવસે થશે.

આ પણ વાંચો- BMW આવતા મહિને લોન્ચ કરશે સસ્તી બાઇક, માત્ર 3,999ની EMI પર લાવી શકશો ઘરે

જ્યારે લોન્ચ કરવામાં આવ્યું ત્યારે, ઓલાએ S1 પ્રો ઇલેક્ટ્રિક સ્કૂટરમાં હિલ હોલ્ડ કંટ્રોલ અને હાઇપર મોડ જેવી કેટલીક મુખ્ય સુવિધાઓનું વચન આપ્યું હતું. ઓલા ઈલેક્ટ્રિકના ચીફ માર્કેટિંગ ઓફિસર વરુણ દુબેએ તાજેતરમાં ખાતરી આપી હતી કે આમાંના મોટાભાગના અપડેટ્સ આ વર્ષે જૂન પહેલા ઉપલબ્ધ થઈ જશે.

આ પણ વાંચો- દેશમાં સસ્તા થઈ શકે છે Electric Vehicals, બેટરીઓ પર GSTમાં થઈ શકે છે ઘટાડો

આ નવી સુવિધાઓ ઉપલબ્ધ થશે
ઓલા ઈલેક્ટ્રીકએ અગાઉ ખુલાસો કર્યો હતો કે નવું સોફ્ટવેર અપડેટ તેના ઈલેક્ટ્રીક સ્કૂટર S1 માં અત્યાર સુધી ખૂટતી કેટલીક અગાઉ હાઈલાઈટ કરાયેલી વિશેષતાઓને સક્રિય કરશે. ગયા વર્ષે ઑગસ્ટમાં લૉન્ચ થયા પછી S1 અને S1 Pro ઇલેક્ટ્રિક સ્કૂટર્સ માટે આ પહેલું મોટું ઓવર-ધ-એર (OTA) અપડેટ છે. ઉમેરવામાં આવનારી કેટલીક સુવિધાઓમાં બ્લૂટૂથ કનેક્ટિવિટી, નેવિગેશન અને ક્રૂઝ કંટ્રોલ ફીચર્સનો સમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auto news, Electric scooter, Ola Scooter