Jio યૂઝર્સ માટે ખુશખબર, હવે આ ત્રણ પ્રીપેડ પ્લાન્સ પર મળશે 20% કેશબેક

રિલાયન્સ જિયો (Reliance Jio) યૂઝર્સ માટે એક મોટી ઓફર લઇને આવ્યું છે. જિયોએ પોતાના 3 રિચાર્જ પ્લાન્સ પર 20 ટકા કેશબેક (Jio Recharge 20% cashback offer) આપવાની જાહેરાત કરી છે. રિયાયન્સ જિયોના આ પ્લાન રૂ. 249, રૂ. 555 અને રૂ. 599ના છે. જિયોએ પોતાની વેબસાઇટ પર ત્રણેય પ્લાન્સને 20 ટકા કેશબેકવાળી કેટેગરીમાં અલગ રાખ્યા છે. આ કેશબેક ત્યારે જ મળશે જ્યારે તમે MyJio એપ અથવા જિયોની ઓફિશ્યલ વેબસાઇટ પરથી રિચાર્જ કરશો. ટેલિકોમ ઓપરેટર કેશબેક યૂઝર્સના જિયો એકાઉન્ટમાં જમા કરી દેશે. જેનો ઉપયોગ ભવિષ્યમાં રિચાર્જ માટે કરી શકાશે. જિયોના આ રિચાર્જ પ્લાનમાં 168GB સુધી ડેટા મળશે. તો આવો જાણીએ શું છે આ પ્લાન્સમાં ખાસ.

રૂ. 599ના પ્લાનમાં મળશે 168GB ડેટા

રિલાયન્સ જિયોના 599 રૂપિયાવાળા પ્લાન પર 20 ટકા કેશબેક છે. આ પ્લાનની વેલિડિટી 84 દિવસની છે. પ્લાનમાં રોજ 2GB ડેટા મળશે. એટલે કે કુલ 168GB ડેટા મળે છે. આ ઉપરાંત પ્લાનમાં કોઇ પણ નેટવર્ક પર ફ્રી કોલિંગનો ફાયદો મળશે. સાથે જ દરરોજ 100 SMS પણ ઉપલબ્ધ થશે અને જિયો એપ્સનું ફ્રી સબ્સક્રિપ્શન આપવામાં આવશે.

આ પણ વાંચો, વર્ષ 2021ના અંત સુધીમાં આ સ્માર્ટફોન્સમાં કામ નહીં કરે WhatsApp, અહીં જુઓ લીસ્ટ

રૂ. 555ના પ્લાનમાં મળશે 125GB ડેટા

રિલાયન્સ જિયોના આ પ્લાનમાં પણ 20 ટકા કેશબેકનો ફાયદો મળશે. આ પ્લાનની વેલિડિટી 84 દિવસની છે અને તેમાં દરરોજ 1.5જીબી ડેટા મળે છે. એટલે કે પ્લાનમાં કુલ 126GB ડેટા મળશે. આ ઉપરાંત તમે કોઇ પણ નેટવર્ક પર અનલિમિટેડ કોલિંગ કરી શકશો અને દરરોજ 100 SMS ફ્રી મેળવી શકો છો. સાથે જ આ પ્લાનમાં પણ જિયો એપ્સનું ફ્રી સબ્સક્રિપ્શન મળશે.

રૂ. 249ના પ્લાનમાં મળશે 56GB ડેટા

રિલાયન્સ જિયોના કેશબેક વાળા આ રિચાર્જ પ્લાનમાં 28 દિવસની વેલિડિટી મળશે. પ્લાનમાં દરરોજ 2GB ડેટા મળે છે. એટલે કે ટોટલ 56GB હાઇ સ્પીડ ડેટા આપવામાં આવે છે. આ ઉપરાંત તમે કોઇ પણ નેટવર્ક પર અનલિમિટેડ કોલિંગ કરી શકશો. સાથે દરરોજ 100 SMSની સુવિધા અને જિયો એપ્સનું ફ્રી સબ્સક્રિપ્શન પણ મળશે.

આ પણ વાંચો, Apple iPhone 13: દમદાર ફીચર્સની સાથે એપલ આઇફોન-13 અને વૉચ સીરીઝ-7 લૉન્ચ, જાણો ફીચર્સ અને કિંમત

આપને જણાવી દઇએ કે ઉપર જણાવેલા તમામ પ્લાન્સમાં JioCinema, JioTV સિવાય જિયો સિક્યોરિટી, જિયો ન્યૂઝ અને જિયો ક્લાઉડ જેવી એપ્સનું એક્સેસ ફ્રીમાં મળશે.

(Disclaimer: ન્યૂઝ18 ગુજરાતી, રિલાયન્સ ઇન્ડસ્ટ્રીઝની કંપની નેટવર્ક18 મીડિયા એન્ડ ઇન્વેસ્ટમેન્ટ લિમિટેડનો હિસ્સો છે. નેટવર્ક18 મીડિયા એન્ડ ઇન્વેસ્ટેમેન્ટ લિમિટેડનું સ્વામિત્વ રિલાયન્સ ઇન્ડસ્ટ્રીઝની પાસે જ છે.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jio, Jio offers, Jio plans, Reliance Industries, ટેક ન્યૂઝ, રિલાયન્સ જીયો