PUBGના ચાહકોને મળી ગિફ્ટ, PUBG: New State માટે પ્રિ-રજિસ્ટ્રેશન થયું શરૂ, અહીં જાણો બધું જ

ગત વર્ષે PUBG મોબાઇલ પર દેશની સુરક્ષા અને સાર્વભૌમત્વને ધ્યાનમાં રાખીને પ્રતિબંધ મૂકવામાં આવ્યો હતો. હવે ગેમ નિર્માતા કંપની Kraftonને PUBG: New State in Indiaનામની સિક્વલ માટે પ્રિ-રજિસ્ટ્રેશન શરૂ કર્યું છે. Kraftonના PUBG: New State માટે પ્રી-રજિસ્ટર કરવા એન્ડ્રોઇડ યુઝર્સ ગૂગલ પ્લે સ્ટોરની અને આઇફોન યુઝર્સ એપલ એપ્લિકેશન સ્ટોરની મુલાકાત લઈ શકે છે. ઉલ્લેખનીય છે કે, આ જાહેરાતના બે મહિના પહેલા PUBG મોબાઈલના દેશી વર્ઝન Battlegrounds Mobile India લોન્ચ કરવામાં આવી હતી.

2051માં આવતી ટ્રેનો, હથિયારો, નવા મેપની ઝલક જોવા મળશે

PUBG: New State વર્ષ 2051ના સમયને ધ્યાનમાં રાખીને તૈયાર કરવામાં આવી છે. આ ગેમમાં 2051માં આવતી ટ્રેનો, હથિયારો, નવા મેપ વગેરેની ઝલક જોવા મળશે. ગેમર્સ તેમના શસ્ત્રોને અપગ્રેડ કરી શકશે. આ માટે યુઝર્સે કસ્ટમાઇઝેશન કિટનો ઉપયોગ કરવો પડશે. કંપનીના જણાવ્યા અનુસાર, યુઝર્સ New Stateમાં નવા મેપમાંથી ડ્રોન ઉમેરી શકશે. તેમજ બેલિસ્ટિક જેવા નવા શસ્ત્રોનો પણ ઉપયોગ કરી શકશે. આ ગેમ સાઉથ કોરિયન વિડિયો ગેમિંગ કંપની ક્રાફ્ટન દ્વારા લોન્ચ કરવામાં આવી છે. આ જ કંપની ભારતમાં પબજીના નવો અવતાર બેટલગ્રાઉન્ડ મોબાઇલ ઇન્ડિયાનું સંચાલન કરી રહી છે.

ભારતમાં નહોતી થઈ લોન્ચ

ઉલ્લેખનીય છે કે, આ વર્ષે ફેબ્રુઆરીમાં આ ગેમના વૈશ્વિક લોન્ચિંગ સમયે ક્રાફ્ટને કહ્યું હતું કે, ભારતમાં હાલમાં PUBG: New State લોન્ચ નથી થઈ રહી. આ ગેમ ગૂગલ પ્લે સ્ટોર પર દેખાઈ રહી હતી, પરંતુ યુઝર્સ તેમાં રજિસ્ટ્રેશન કરાવી શકતા નહોતા. હવે આઠ મહિના બાદ કંપનીએ ભારતમાં પ્રિ-રજિસ્ટ્રેશન શરૂ કરી દીધું છે.

આ પણ વાંચો - SBI ગ્રાહકો માટે સારા સમાચાર! હવે બેંક તમારા ઘરે રૂ. 20,000 સુધી મોકલશે, જુઓ લાભ કેવી રીતે લેવો

આ ગેમના લોન્ચની ચોક્કસ તારીખ શેર કરવામાં આવી નથી. PUBG: New Statમાં ફેબ્રુઆરીથી વૈશ્વિક કક્ષાએ 32 મિલિયનથી વધુ પ્રિ-રજિસ્ટ્રેશન થયા છે. ક્રાફ્ટનનું કહેવું છે કે, તેણે આ વર્ષે ભારતમાં IT ક્ષેત્રે કુલ $ 70 મિલિયન (લગભગ 511 કરોડ રૂપિયા)નું રોકાણ કર્યું છે. જેમાં ઇ-સ્પોર્ટ્સ કંપની નોડવિન ગેમિંગ, ગેમ સ્ટ્રીમિંગ પ્લેટફોર્મ લોકો અને વેબ નોવેલ પ્લેટફોર્મ પ્રતિલિપીનો સમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: PUBG, Pubg game, PUBG Latest Updates