Appleને યુરોપિયન યુનિયનમાંથી મળશે મોટો ફટકો, 2024 સુધીમાં એન્ડ્રોઇડ ફોન જેવો જ આપવો પડશે ચાર્જિંગ પોર્ટ!

વિશ્વની સૌથી મોટી સ્માર્ટફોન નિર્માતા એપલને યુરોપિયન યુનિયને (European Union) મોટો ઝટકો આપ્યો છે. યુરોપિયન યુનિયન (EU) દેશો અને સંસદસભ્યો મંગળવારે મોબાઇલ ફોન, ટેબ્લેટ અને કેમેરા માટે સિંગલ ચાર્જિંગ પોર્ટ (charger port) પર સંમત થયા હતા. એકવાર આવું થઈ જાય તો એપલ સહિત તમામ ઇલેક્ટ્રોનિક ઉપકરણ નિર્માતાઓએ 2024 સુધીમાં યુરોપમાં વેચાતા iPhones પર કનેક્ટર બદલવું પડશે. આનો અર્થ એ છે કે ઉપકરણ ઉત્પાદકોએ 2024 સુધી નવી શરતોનું પાલન કરવું પડશે.

ટ્વિટર પર આ વિશે માહિતી આપતા યુરોપિયન યુનિયન કમિશનર થિયરી બ્રેટને કહ્યું, 'અમે #CommonCharger પર એક ડીલ કરી છે!' યુરોપિયન યુનિયન માને છે કે આનાથી ગ્રાહકોને સરળતા મળશે, તેમના નાણાંની બચત થશે અને દેશમાં ઈલેક્ટ્રોનિક કચરો ઘટાડવામાં પણ મદદ મળશે.

યુરોપિયન યુનિયનના ઉદ્યોગના વડા થિયરી બ્રેટને મંગળવારે રોઇટર્સને આપેલા નિવેદનમાં જણાવ્યું હતું કે, "આજે સવારે અમે જે ડીલ પર હસ્તાક્ષર કર્યા તે વપરાશકર્તાઓને લગભગ 250 મિલિયન યુરો (અંદાજે રૂ. 2,075 કરોડ) બચાવશે."

આ પણ વાંચો- Apple યુઝર્સ માટે સારા સમાચાર! iPhone 14 4GB ને બદલે 6GB રેમ સાથે આવશે

એપલને સૌથી મોટો ફટકો પડશે
આ કાયદાથી એન્ડ્રોઈડ સ્માર્ટફોન બનાવતી કંપનીઓને કોઈ ખાસ સમસ્યાનો સામનો કરવો નહીં પડે, પરંતુ તેના કારણે એપલ કંપનીને ઘણી મુશ્કેલીનો સામનો કરવો પડી શકે છે. હકીકતમાં, Apple વર્ષોથી તેના iPhones, iPads, AirPods અને અન્ય ઘણી એક્સેસરીઝ માટે તેના લાઈટનિંગ પોર્ટનો ઉપયોગ કરી રહ્યું છે. આવી સ્થિતિમાં, EUનો આ નિર્ણય Apple માટે પડકારોથી ભરેલો હશે, કારણ કે આવનારા સમયમાં Appleને તેના તમામ iPhone મોડલ USB-C પોર્ટ સાથે આપવા પડશે.

Apple USB-C ચાર્જિંગ પોર્ટ સાથે iPhone પર કામ કરે છે
ગયા મહિને બ્લૂમબર્ગમાં પ્રકાશિત થયેલા એક અહેવાલમાં સૂચવવામાં આવ્યું છે કે Apple પહેલાથી જ USB-C ચાર્જિંગ પોર્ટ સાથે iPhone પર કામ કરી રહ્યું છે, જે આવતા વર્ષે શરૂ થઈ શકે છે. જ્યારે Apple નવા iPhones રિલીઝ કરે છે, ત્યારે જૂના iPhones પર સામાન્ય રીતે ડિસ્કાઉન્ટ આપવામાં આવે છે, લાખો ગ્રાહકો સસ્તા વેરિઅન્ટ્સ પસંદ કરે છે.

આ પણ વાંચો- JioMeet હવે WhatsApp પર પણ ઉપલબ્ધ, અન્ય લોકો સાથે હવે કરી શકાશે મીટિંગ્સ

2019ના અભ્યાસ મુજબ, 2018માં મોબાઈલ ફોન સાથે વેચાતા અડધા ચાર્જરમાં યુએસબી માઈક્રો-બી કનેક્ટર હતું, જ્યારે 29% પાસે યુએસબી-સી કનેક્ટર અને 21% લાઈટનિંગ કનેક્ટર હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Apple, European Union, Gujarati tech news