Tata TiagoEV: 24 કલાકમાં જ સુપરહિટ થઈ ગઈ દેશની સૌથી સસ્તી ઇલેક્ટ્રિક કાર, મળ્યું અધધ બુકિંગ

Tata TiagoEV: દેશમાં ઇલેક્ટ્રિક કારનું વેચાણ બહુ ઝડપથી વધી રહ્યું છે. તેનું મુખ્ય કારણ પેટ્રોલના વધતા ભાવ છે. તેની સામે વિકલ્પરૂપે ઇલેક્ટ્રિક કાર એક આશાનું કિરણ છે. અતિયારની વાત કરવામાં આવે તો ટાટા મોટર્સની ટીયાગો કાર લોકપ્રિય બની રહી છે. જે દેશની સૌથી સસ્તી ઇલેક્ટ્રિક કાર પણ છે. કારની એક્સ-શોરૂમ કિંમત 8.49 લાખ રૂપિયા છે. તેના ટોપ વેરિઅન્ટની કિંમત 11.79 લાખ રૂપિયા છે. કંપનીનો દાવો છે કે તેનું બેઝ વેરિઅન્ટ સિંગલ ચાર્જ પર 250km સુધીની રેન્જ આપશે અને અન્ય વેરિઅન્ટ 315Km સુધીની રેન્જ આપશે. તેની ડિલિવરી જાન્યુઆરી 2023થી શરૂ થશે.

ટાટા ઈલેક્ટ્રિક ઈવીની મોટી માંગ અંગે વાત કરતા, ટાટા મોટર્સ પેસેન્જર વ્હીકલ્સ લિમિટેડ અને ટાટા પેસેન્જર ઈલેક્ટ્રિક મોબિલિટી લિમિટેડના મેનેજિંગ ડિરેક્ટર શૈલેષ ચંદ્રાએ જણાવ્યું હતું કે, “Tiago.ev ને મળેલા જબરજસ્ત પ્રતિસાદથી અમને આનંદ થયો છે. EV જર્ની શરૂ કરવા બદલ અમે અમારા તમામ ગ્રાહકોનો આભાર માનીએ છીએ.

ટાટા ટિયાગો ઇલેક્ટ્રિક બુકિંગ પ્રક્રિયા

Tata Tiago EV બુક કરવા માટે, તમારે કંપનીની સત્તાવાર વેબસાઇટ https://tiagoev.tatamotors.com/ ની મુલાકાત લેવી પડશે. અહીં તમે Book Now પર ક્લિક કરો. તે પછી એક નવું પેજ ખુલશે. અહીં તમે પહેલા Tiago EV નું વેરિઅન્ટ અને પછી કલર પસંદ કરો. હવે Checkout પર ક્લિક કરો. હવે તમારો મોબાઈલ નંબર, નામ, ઈમેલ એડ્રેસ વિગતો આપો. આ પછી, કાયમી પાર્કિંગ અને બિલિંગ સરનામાની વિગતો આપીને 21 હજાર રૂપિયાની ટોકન રકમ ભરીને બુકિંગ કન્ફોર્મ કરવાનું રહેશે.

ટાટા ટિયાગો ઈવી કિંમત

ટાટાએ દેશની આ સૌથી સસ્તી ઇલેક્ટ્રિક કારને 7 વેરિએન્ટમાં લોન્ચ કરી છે. તે વિવિધ બેટરી અને ચાર્જિંગ વિકલ્પો સાથે આવશે. તે XE, XT, XT, XZ+, XZ+Tech LUX, XZ+ અને XZ+Tech LUX વેરિઅન્ટ્સમાં આવશે. તેમાં 19.2 KWh થી 24 KWh સુધીના બેટરી પેકનો વિકલ્પ હશે. તેમજ 3.3 KV AC થી 7.2 KV AC સુધીના ચાર્જિંગ વિકલ્પો મળશે. ટાટા ટિયાગો EVની કિંમત 8.49 લાખ રૂપિયાથી 11.79 લાખ રૂપિયાની રેન્જમાં હશે.

આ પણ વાંચો: Flex-Fuel Car: ઈલેક્ટ્રિક અને ઈથેનોલ બંને પર ચાલતી દેશની પ્રથમ હાઈબ્રિડ કાર લોન્ચ, કેન્દ્રીય મંત્રી નીતિન ગડકરી એ કરી ડ્રાઈવ

ટાટા ટિયાગોની વિશેષતાઓ

ટાટાની સૌથી સસ્તી ટિયાગો ઇલેક્ટ્રિક કારમાં બે ડ્રાઇવિંગ મોડ મળશે. જે 5.7 સેકન્ડમાં 0 થી 60 kmphની સ્પીડ પકડી લેશે. તેમાં 8 સ્પીકર સિસ્ટમ, રેઈન સેન્સિંગ વાઈપર્સ, ક્રુઝ કંટ્રોલ, પુશ બટન સ્ટાર્ટ/સ્ટોપ, ઇલેક્ટ્રિક ORVM અને અન્ય ફીચર્સ મળશે. ટાટા મોટર્સના દાવા મુજબ, Tiago EV ભારતમાં સૌથી સુરક્ષિત ઇલેક્ટ્રિક કાર છે. કારમાં બેટરી અને મોટર વોરંટી 1,60,000 કિમી સુધી ઉપલબ્ધ રહેશે. Tiago EV ના પ્રથમ 10,000 બુકિંગમાંથી, 2,000 યુનિટ હાલના Tata EV વપરાશકર્તાઓ માટે આરક્ષિત રહેશે.

ટાટા ગ્રાહકોને Tiago ઇલેક્ટ્રિક કારની બેટરી અને મોટર્સ પર 8 વર્ષ અને 160,000 kms વોરંટી ઓફર કરી રહી છે. આ કાર 19.2 KWh બેટરી પેક પર 250km અને 24 KWh બેટરી પેક પર 315kmની રેન્જ ઓફર કરશે. તમે તેને ઘરના 15A સોકેટમાંથી ચાર્જ કરી શકશો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: E vehicle, Electric car, Tata Tigor EV