Appleની 14 સપ્લાયર કંપનીઓ ચીન છોડીને ભારત આવશે, સરકારની મંજૂરી, હવે દેશમાં સસ્તામાં મળશે iPhone!

નવી દિલ્હી: ચીનના 14 Apple સપ્લાયરોને સરકાર દ્વારા પ્રાથમિક મંજૂરી આપવામાં આવી છે. જણાવી દઈએ કે, ભારતમાં સ્માર્ટફોનના સ્થાનિક ઉત્પાદનને પ્રોત્સાહન આપવામાં આવી રહ્યું છે. બ્લૂમબર્ગને ટાંકીને આ જાણકારી સામે આવી છે.

તેના એક અહેવાલમાં, બ્લૂમબર્ગે સૂત્રોને ટાંકીને જણાવ્યું હતું કે Luxshare Precision અને લેન્સમેકર સની ઓપ્ટિકલ ટેક્નોલોજીનું એક યુનિટ મંજૂર કરાયેલી કંપનીઓની યાદીમાં સામેલ છે.

આ પણ વાંચો: Explainer: આ વર્ષે ચીનને પછાડીને ભારત બનશે વિશ્વનો સૌથી વધુ વસ્તી ધરાવતો દેશ, જાણો શું કહે છે UN રિપોર્ટ

આ મંજૂરીને ભારતમાં સંપૂર્ણ મંજૂરી તરફના પગલા તરીકે જોવામાં આવી રહી છે, પરંતુ આ સપ્લાયર્સે ભારતમાં સંયુક્ત સાહસ ભાગીદાર શોધવું પડશે.

જ્યારે કોર્પોરેશનો ચાઇના+1 તરીકે ઓળખાતા અન્ય ભૌગોલિક વિસ્તારોમાં તેમની હાજરી વધારવાનો પ્રયાસ કરી રહી છે, ત્યારે ભારત ઝડપથી આઇફોન ઉત્પાદનનું મુખ્ય હબ બની રહ્યું છે.

આ છે પૂર્વાનુમાન

સાઉથ ચાઈના મોર્નિંગ પોસ્ટમાં તાઈવાનના ડિજીટાઈમ્સ અખબારના સંશોધન એકમના વિશ્લેષક લ્યુક લિનની આગાહી અનુસાર, ભારત 2027 સુધીમાં વિશ્વમાં બેમાંથી એક આઈફોનનું ઉત્પાદન કરી શકે છે, જ્યારે વર્તમાન ટકાવારી 5 કરતા ઓછી છે.

આ પણ વાંચો: ચીનમાં કોરોનાથી તબાહી: 5 અઠવાડીયામાં 9 લાખ લોકના મોત! રિપોર્ટમાં સામે આવ્યા ચોંકાવનારા આંકડા

આ અગાઉ, જેપી મોર્ગને આગાહી કરી હતી કે ભારત 2025 સુધીમાં વિશ્વભરમાં કુલ Apple iPhoneના 25 ટકા એસેમ્બલ કરશે. જો કે, નવી આગાહી આના કરતા પણ વધુ આક્રમક છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Apple iPhone, India-China News, Mobile and Technology