અપડેટ કરતા સમયે iPhone Xમાં થયો બ્લાસ્ટ, યુઝરે ટ્વીટ કરીને આપી માહિતી

અમેરિકામાં iPhone Xમાં બ્લાસ્ટ થયાની ઘટના સામે આવી છે. એક અમેરિકી યુઝર પ્રમાણે ફોન એ સમયે બ્લાસ્ટ થયો જ્યારે iOS 12.1 અપડેટ કરી રહ્યો હતો. યુઝર્સે જણાવ્યું કે, iOS 12.1 અપડેટ કરતા જ ફોનમાંથી ધૂમાડો નીકળવા લાગ્યો હતો. ત્યારબાદ થોડી જ સેકન્ડોમાં બ્લાસ્ટ થયો હતો. યુઝર પ્રમાણે આ ઘટના ત્યારે થઇ જ્યારે તે પોતાના આઇફોનમાં કંપનીના એડપ્ટર અને લાઇટિંગ કેબલથી જ ચાર્જ કરી રહ્યો હતો.

યુઝરે ટ્વિટ કરીને બ્લાસ્ટ થયેલા ફોનની કેટલીક તસવીરો શેર કરીને આ અંગે જાણકારી આપી હતી. એના અનુસાર મોહમ્મદ નામના આ યુઝર વોશિંગટનના ફેડરલ વેનો રહેવાશી છે. રહેલે આ ફોનને 10 મહિના પહેલા જ ખરીદ્યો હતો. ટ્વિટ ઉપર આ અંગે જાણકારી મળ્યા પછી એપલે આ મામલે તપાસ કરવાની વાત કરી છે.

@Apple iPhone X just got hot and exploded in the process of upgrading to 12.1 IOS. What’s going on here??? pic.twitter.com/OhljIICJan

— Rocky Mohamadali (@rocky_mohamad) November 14, 2018

રહેલના જણાવ્યા પ્રમાણે કંપનીએ તેના iPhone Xને વધારે જાણકારી માટે પોતાની પાસે મંગાવ્યો છે. તેમના ટ્વીટનો રિપ્લાય આપતા એપલ સપોર્ટે લખ્યું છે કે, આ નિશ્વિત રૂપથી અપેક્ષિત વ્યવહાર નથી. ટૂંક સમયમાં આ મામલે ઉકેલવામાં આવશે.

ઉલ્લેખનીય છે કે, આઇફોનમાં બ્લાસ્ટ થવાનો આ પહેલો મામલો નથી. આ પહેલા પણ ફોનમાં બ્લાસ્ટ થવાના સમાચારો આવી ચૂક્યા છે. સેમસંગના ગેલેક્સી નોટ 9 અને શિયોમીના ફોનમાં પણ ચાર્જીંગ દરમિયાન બ્લાસ્ટ થવાના સમાચાર આવ્યા હતા. ઉલ્લેખનીય છે કે, એપલે iPhone X પોતાની દસમી વર્ષગાંઠ ઉપર લોન્ચ કર્યો હતો. જેની કિંમત રૂ.88,966 છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Apple, Iphone X, Mobile blast, Tweet, અમેરિકા