Airtel બાદ હવે VIએ પ્રીપેડ યૂઝર્સને આપ્યો ઝટકો, ટેરિફ પ્લાનમાં 20થી 25%નો વધારો, જાણો કયા પ્લાનમાં કેટલો વધારો ઝીંકાયો

વોડાફોન આઇડિયાના ટેરિફ પ્લાનમાં વધારો

Vodafone Idea pre-paid plans: કંપનીનો સૌથી પ્રસિદ્ધ પ્લાન માટે હવે 249 રૂપિયાને બદલે 299 રૂપિયા ચૂકવવા પડશે. આ પ્લાનમાં તમને 28 દિવસની વેલિડિટી અને દરરોજ 1.5GB ડેટા મળશે.

  • Share this:
    મુંબઈ: ટેલીકૉમ સર્વિસ પ્રોવાઇડર Vodafone Ideaએ પ્રીપેડ યૂઝર્સ (Pre-Paid users) માટે ટેરિફ પ્લાનમાં 20થી 25 ટકાનો વધારો કર્યો છે. કંપનીએ 23 નવેમ્બરના રોજ એક્સચેન્જને આ માહિતી આપી છે. કંપનીની એક યાદીમાં કહેવામાં આવ્યું છે કે,"નવા પ્લાનથી ARPU (Average revenue per user)માં સુધારાની પ્રક્રિયા શરૂ થશે. આનાથી ઇન્ડસ્ટ્રીની સામે આવનારી નાણાકીય સમસ્યાઓ સામે લડવા માટે મદદ મળી રહેશે." નવા ટેરિફ 25મી નવેમ્બર 2021થી લાગૂ થશે. ઉલ્લેખનીય છે કે એક દિવસ પહેલા જ એટલે કે 22 નવેમ્બરના રોજ ભારતી એરટેલે (Bharti Airtel) પ્રીપેડ ટેરિફ પ્લાનમાં 20થી 25 ટકાનો વધારો કરવાની જાહેરાત કરી હતી. જે બાદમાં હવે વોડાફોન આઇડિયા (Vodafone Idea Pre-paid plans) તરફથી આવું પગલું ભરવામાં આવ્યું છે.

    VIના નવા ટેરિફ પ્લાનની કિંમત

    હવે Vodafone Idea Limitedનો બેઝિક પ્લાન 79 રૂપિયાને બદલે 99 રૂપિયાથી શરૂ થશે. કંપનીનો સૌથી પ્રસિદ્ધ પ્લાન માટે હવે 249 રૂપિયાને બદલે 299 રૂપિયા ચૂકવવા પડશે. આ પ્લાનમાં તમને 28 દિવસની વેલિડિટી અને દરરોજ 1.5GB ડેટા મળશે.

    હવે 1GB જેટા પેક માટે તમારે 219 રૂપિયાને બદલે 269 રૂપિયા ચાર્જ ચૂકવવો પડશે. 299 રૂપિયાના 2GB ડેટા પેક માટે હવે 359 રૂપિયા ચૂકવવા પડશે. આ ડેટા પેક 28 દિવસ માટે માન્ય છે.

    56 દિવસના પ્લાન

    449 રૂપિયાના દરરોજ 2GB ડેટા અને 56 દિવસની કિંમતના પ્લાન માટે હવે તમારે 539 રૂપિયા ચૂકવવા પડશે. આવી જ રીતે 56 દિવસના દરરોજ 1.5GB ડેટા વાળા પ્લાન માટે હવે તમારે 399 રૂપિયાને બદલે 479 રૂપિયા ચૂકવવા પડશે.

    84 દિવસના પ્લાન

    આ ઉપરાંત હવે 84 દિવસના 699 રૂપિયાના પ્લાન માટે તમારે 839 રૂપિયા ચૂકવવા પડશે. આ પ્લાનમાં તમને દરરોજ 2GB ડેટા મળે છે. આ ઉપરાંત 84 દિવસ માટે દરરોજ 1.5GB વાળા ડેટા પ્લાન માટે હવે તમારે 599 રૂપિયાને બદલે 719 રૂપિયા ચૂકવવા પડશે.

    આ પણ વાંચો: Airtel vs Jio plan: જાણો એરટેલ અને જિયોના વિવિધ પ્લાનની વેલિડિટી અને કિંમત, કઈ કંપનીનો પ્લાન પડશે સસ્તો?

    વાર્ષિક પ્લાન

    વાર્ષિક પ્લાનની વાત કરીએ તો હવે તમારે એક વર્ષના 1,499 રૂપિયાના પ્લાન માટે 1799 રૂપિયા ચૂકવવા પડશે. જેમાં તમને 24GB ડેટા મળશે. આ ઉપરાંત ટોપઅપ પેકના ભાવમાં પણ વધારો કરવામાં આવ્યો છે. જેમાં 48 રૂપિયાના પેક માટે હવે તમારે 58 રૂપિયા ચૂકવવા પડશે, જે 28 દિવસ માટે માન્ય છે.

    ભારતી એરટેલ અને વોડાફોનના પ્લાન:



































































































    ભારતી એરટેલ   વોડાફોન આઇડિયા
    જૂનો (રૂ.) નવો (રૂ.) વેલિડિટી જૂનો (રૂ.) નવો (રૂ.)
    79 99 28 દિવસ 79 99
    149 179 28 દિવસ 149 170
    219 265 28 દિવસ 219 269
    249 299 28 દિવસ 249 299
    298 359 28 દિવસ 299 359
    399 479 56 દિવસ 399 479
    449 549 56 દિવસ 449 539
    379 455 84 દિવસ 379 459
    598 719 84 દિવસ 599 719
    698 839 84 દિવસ 699 839
    1498 1799 365 દિવસ 1499 1799
    2498 2999 365 દિવસ 2398 2899

    રિચાર્જ પ્લાનમાં 500 રૂપિયા સુધીનો વધારો

    ઉપરના ટેબલ પર નજર દોડાવીએ તો માલુમ પડે છે કે વોડાફોને સૌથી નાના રિચાર્જ પ્લાનની કિંમતમાં 20 રૂપિયાનો વધારો કર્યો છે. જ્યારે સૌથી મોટા રિચાર્જ પ્લાનમાં 500 રૂપિયાનો વધારો કર્યો છે.

    ભાવ વધારો જરૂરી: ભારતી એરટેલ

    મિન્ટમાં છપાયેલા અહેવાલ પ્રમાણે કિંમતમાં વધારાને યોગ્ય ગણાવતા એરટેલ તરફથી કહેવામાં આવ્યું છે કે દેશમાં 5G સેવા રોલ આઉટ કરવી જરૂરી છે. સુનીલ ભારતી મિત્તલના સ્વામિત્વવાળી ટેલીકૉમ સર્વિસ પ્રોવાઇડર તરફથી કહેવામાં આવ્યું છે કે આ માટે બેઝિક પ્લાનની કિંમત ઓછામાં ઓછા 300 રૂપિયા હોવી જોઈએ.

    આ પણ વાંચો: એરટેલે પ્રિપેડ રિચાર્જ પ્લાનની કિંમતમાં કર્યો ધરખમ વધારો, જાણો હવે કયા પ્લાન માટે કેટલી કિંમત ચૂકવવી પડશે

    તેમણે કહ્યું કે, આ વાત ધ્યાનમાં રાખવી જરૂરી છે કે આ ટેલીકૉમ કંપનીઓએ AGRની મોટી કિંમત ચૂકવવાની બાકી છે. જે ચાર વર્ષમાં ચૂકવવાની થાય છે.
    Published by:Vinod Zankhaliya
    First published: