સુરેન્દ્રનગર: પોલીસ કોન્સ્ટેબલે આરોપીની ઓફિસમાં દારૂની મહેફિલ કરી, વીડિયો આવ્યો સામે

રાજુદાન ગઢવી, સુરેન્દ્રનગર: ગુજરાતમાં આમ તો દારૂબંધી છે પરંતુ દારૂ ઢીંચનારાઓને અહીં જોઈએ એટલો દેશી-વિદેશી દારૂ મળી રહી છે. ગુજરાતમાં દારૂબંધી છે ત્યારે પોલીસની ફરજ છે કે તે દારૂના વેપલાની પ્રવૃત્તિ અટકાવે અને તેમની સામે પ્રોહિબિશનના ગુનો દાખલ કરે. જોકે, સુરેન્દ્રનગર જિલ્લામાં ખુદ પોલીસ કોન્સ્ટેબલ દારૂની મહેફિલ માંડીને બેઠા હોય તેવો વીડિયો સામે આવ્યો છે. કોઈ જાગૃતિ નાગરિકે આ અંગેનો વીડિયો ઉતારી લીધો હતો. હદ તો ત્યાં થઈ ગઈ કે પોલીસ કોન્સ્ટેબલ દારૂના નશામાં વીડિયો ઉતારનાર વ્યક્તિને એવું કહે છે કે, જો તમે બોલાવો તો અમે તમારા ઘરે મહેફિલ કરીએ.

સુરેન્દ્રનગરના ધ્રાંગધ્રાના પોલીસ કોન્સ્ટેબલનો વીડિયો વહેતો થયો છે. આ વીડિયોમાં તેઓ દારૂની મહેફિલ માણી રહ્યા છે. આ વીડિયોમાં પોલીસ કોન્સ્ટેબલ કોઈ જાગૃત નાગરિક સાથે દારૂની મહેફિલ અંગે વાતચીત કરી રહ્યા છે. મળતી માહિતી પ્રમાણે પોલીસ કોન્સ્ટેબલ ધ્રાંગધ્રામાં કોઈ આરોપીની ઓફિસ ખાતે ગયા હતા.

આ પણ વાંચો: નેધરલેન્ડના પ્રાણી સંગ્રહાલયમાં સિંહની નસબંધી કરવામાં આવી!

પોલીસ કોન્સ્ટેબલ આરોપીની ઓફિસ ખાતે વોરંટ લઈને ગયા હતા ત્યારે ઓફિસ ખાતે જ મહેફિલ જમાવી હતી અને દારૂ પીને 'ફૂલ' થઈ ગયા હતા. આ દરમિયાન પોલીસ કોન્સટેબલ અને વીડિયો ઉતારનાર વચ્ચે જે સંવાદ થાય તે પણ જોરદાર છે. વીડિયો ઉતારનાર વ્યક્તિ જ્યારે પૂછે છે કે તમે આરોપીની ઓફિસ ખાતે કેમ બેઠા છો, ત્યારે કોન્સ્ટેબલ કહે છે કે જો તમે તમારા ઘરે દારૂની મહેફિલ માટે બોલાવો તો હું ત્યાં પણ આવું. હવે ખુદ પોલીસ આરોપીની ઓફિસ ખાતે દારૂની મહેફિલ માંડે તો ગુનેગારોની ધરપકડ કોણ કરશે?

આ પણ વાંચો: હૈદરાબાદ: સરકારી હૉસ્પિટલમાં 'જળપરી' જેવા બાળકના જન્મથી ડૉક્ટરો અચંબિત

પોલીસે કોન્સ્ટેબલનો વીડિયો વાયરલ થયા બાદ લોકોમાં એવી ચર્ચા જાગી છે કે જેમના માથે કાયદાના પાલન કરાવવાની જવાબદારી છે તેમના દારૂબંધીનો કાયદો લાગૂ પડતો નથી કે શું? આ વીડિયોમાં જોવા મળતો પોલીસ કોન્સ્ટેબલ દલસુખ ડાયા લકુમ હોવાનું સામે આવ્યું છે. તેઓ ધ્રાંગધ્રા સીટી પોલીસના હેડ કોન્સ્ટેબલ છે.

સુરેન્દ્રનગર: પોલીસ કોન્સ્ટેબલે દારૂની મહેફિલ જમાવી, વીડિયો વાયરલ pic.twitter.com/0RnaBAhbYj

— News18Gujarati (@News18Guj) March 12, 2021

એવી પણ માહિતી સામે આવી છે કે દારૂ પીધાનો વીડિયો ઉતારનાર જાગૃત નાગરિક અને પોલીસ કોન્સ્ટેબલ વચ્ચે વીડિયો ઉતારવા મામાલે ઝપાઝપી પણ થઈ હતી. વીડિયો વહેતો થયા બાદ હવે પોલીસ કોન્સ્ટેબલ સામે શું પગલાં લેવામાં આવે છે તે જોવાનું રહ્યું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Constable, Prohibition, Surendrangar, ગુનો, દારૂ, પોલીસ