Surat: WWF Indiaએ લુપ્ત થતા ગીધનાં રક્ષણ માટે “ગીધ પાછા લાવો” પોસ્ટર લોન્ચ કર્યું 

Nidhi Jani, Surat: 3જી સપ્ટેમ્બર આંતરરાષ્ટ્રીય 'ગીધ જાગૃતિ દિવસ' તરીકે ઉજવવામાં આવે છે. આ દિવસ પર ડબ્લ્યુડબ્લ્યુએફ ઈન્ડિયા (WWF-INDIA)એ ભારતમાં ગીધની પ્રજાતિઓ પર દરેક પ્રજાતિની સંરક્ષણ માહિતી સાથે પોસ્ટર લોન્ચ કર્યું છે.ગીધને તેનાં દેખાવથી અને કુદરતની ખાદ્ય શૃંખલામાં તેઓ જે કાર્ય કરે છે તેના કારણે તેઓ ઘણીવાર રાક્ષસી લાગે છે. આનાથી આપણા પર્યાવરણને સાફ કરનારા, સડી રહેલા મૃત પ્રાણીઓથી થતા રોગોના ફેલાવાને નિયંત્રિત કરીને તેનાંથી થતી અસરો ઓછી કરે છે.

ગીધ વિશે લોકોની સમજ વધારવા માટે, WWF ઈન્ડિયાએ પોસ્ટર બનાવ્યું છે. ગીધને પાછા લાવો આપણા દેશમાં જોવા મળતા ગીધની નવ પ્રજાતિઓને પ્રકાશિત કરે છે. ગીધની વસ્તી ઘટીને ઓછી થઈ છે. અને દેશમાં તેમનું સંરક્ષણ અનિવાર્ય છે. સરકાર અને અનેક સંરક્ષણ સંસ્થાઓ દ્વારા કેટલીક પ્રજાતિઓના બંદીવાન સંવર્ધન, પશુ ચિકિત્સા સારવારમાં ડીક્લોફેનાક સોડિયમના ઉપયોગ પર પ્રતિબંધ અને જંગલમાં ગીધની વસ્તી પર દેખરેખ રાખવા જેવા વિવિધ પગલાં લેવામાં આવ્યા છે.
રવિ સિંહ, સેક્રેટરી-જનરલ અને સીઇઓ, WWF ઈન્ડિયાએ જણાવ્યું હતું કે, “ભારતમાં ગીધની પ્રજાતિઓ વિશે જાગૃતિ ફેલાવવાથી તેમના સંરક્ષણની જરૂરિયાતને પહોંચી વળવામાં મદદ મળશે.

દેશમાં ગીધની વસ્તીને બચાવવા અને સુધારવા માટે કેટલાક સંરક્ષણ પ્રયાસો કરવામાં આવી રહ્યા છે. આવી પહેલોથી અમે આશા રાખીએ છીએ કે ગીધની વસ્તીમાં વધારો થશે અને તેઓ અમુક સ્તરે ઇકોલોજીકલ સેવાઓમાં યોગદાન આપવાનું ચાલુ રાખશે.” ડૉ. દિવાકર શર્મા, નેશનલ કન્ઝર્વેશન પ્રોગ્રામ ડાયરેક્ટર ડબલ્યુડબલ્યુએફ ઈન્ડિયાએ જણાવ્યું હતું કે, “રેપ્ટર પ્રજાતિઓના સંરક્ષણ તરફ વધુ એક પગલું ભરવા માટે, WWF ઈન્ડિયાએ ગયા સપ્ટેમ્બરમાં નાગરિક વિજ્ઞાન દ્વારા એક મહિના સુધી ગીધની ગણતરી શરૂ કરી હતી અને આ સપ્ટેમ્બરમાં ફરીથી કરવામાં આવી રહી છે. વર્ષ આનો ઉદ્દેશ્ય પક્ષી ઉત્સાહીઓને સામેલ કરવાનો અને તેમને ગીધની ઓળખ કરવા અને ગીધની વસ્તી પર દેખરેખ રાખવા માટે eBird India પર અવલોકનો રેકોર્ડ કરવા તાલીમ આપવાનો છે.

પોસ્ટરમાં દરેક પ્રજાતિઓ પર ચિત્રો અને માહિતી છે - (1) Indian Long - billed Vulture - ભારતીય ગીધ / ગિરનારી ગીધ (૨) White Rumped Vulture - શ્વેત પીઠગીધ (3) Slender billed Vulture - પાતળી ચાંચ ગીધ (4) King Vulture (Red headed) - રાજ ગીધ (5) Egyptian Vulture - ખેરો ગીધ (6) Bearded Vulture - જટાયુ ગીધ (7) Cinereous Vulture - શાહી ગીધ (8) Himalayan Griffon - ઊજળો ગીધ (9) Eurasian Griffon - પહાડી ગીધ - જેમાં તેમના સંરક્ષણનો સમાવેશ થાય છે.

આ પણ વાંચો:  સુરતની યુવતી શીખવાડે છે કાગળ રિસાઇકલ કરવાની કળા, બનાવે છે અવનવી વસ્તુઓ, જુઓ Video

આ મહત્વપૂર્ણ પ્રજાતિઓને સુરક્ષિત રાખવાની જરૂરિયાત સાથે, તેઓ કેવી રીતે આપણી ઇકોસિસ્ટમને ટેકો આપે છે, તેમની ગેરહાજરીમાં શું થાય છે અને તેમની અવશેષ વસ્તીને બચાવવા માટે આપણે શું કરી શકીએ તેની માહિતી આ જોખમી પક્ષીઓ વિશે જાગૃતિ વધારવા માટે જણાવવામાં આવી છે. પોસ્ટર વાચકો સાથે ગીધનું મહત્વ અને આપણે તેમને કેવી રીતે બચાવવાનો પ્રયાસ કરી શકીએ તેની માહિતી શેર કરી છે. આ પોસ્ટરો હિન્દી, મરાઠી, ગુજરાતી, મલયાલમ, તેલુગુ, તમિલ, કન્નડ, બંગાળી અને આસામી ભાષામાં પણ પાયાના સ્તર સુધી પહોંચાડવા માટે ઉપલબ્ધ હશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Forests, Gujarat surat, Surat Samachar, WWF, સુરત, સુરત સમાચાર