સુરત: બુટલેગરના ભાઈ પર ફાયરિંગ, મિસ ફાયરિંગ થતાં બચાવ

સુરત: શહેરના ઉધના વિસ્તારમાં ભંગારના ધંધા સાથે સંકળાયેલા સલીમ નામના વેપારી પર ફાયરિંગ થયું હોવાની ઘટના સામે આવી છે. બાઈક પર આવેલા બે અજાણ્યા શખ્સોએ સલીમ પર ફાયરિંગ કર્યું હતું. જોકે, આ ઘટનામાં સલીમને કોઈપણ પ્રકારની ઇજા થઈ ન હતી. આ સમગ્ર મામલે પોલીસે ગુનો દાખલ કરીને ફાયરિંગ કરનારા શખ્સોને પકડવાની તજવીજ હાથ ધરી છે.

ગોળી પ્લાસ્ટિકના કન્ટેનર સાથે અથડાઈ હતી

સુરતના ઉધનાના રોડ નંબર 9 પર આવેલા જાહેર શૌચાલયમાં સવારે 10:15 આસપાસ એક વ્યક્તિ પર ફાયરિંગની ઘટના સામે આવી હતી. સલીમ નામનો વ્યક્તિ જ્યારે ભંગારની દુકાન પાસે ઉભો હતો ત્યારે બે અજાણ્યા શખ્સો બાઇક પર આવ્યા હતા અને 10 ફૂટ દૂરથી બે શખ્સોએ સલીમ પર ફાયરિંગ કર્યું હતું. આ ઘટનામાં સલીમને કોઈપણ પ્રકારની ઈજા થવા પામી ન હતી. ફાયરિંગ કરનારા શખ્સોએ જ્યારે સલીમ પર ફાયરિંગ કર્યું ત્યારે ગોળી પ્લાસ્ટિકના કન્ટેનર સાથે અથડાઈ હતી.

સુરત : બુટલેગરના ભાઈ પર ફાયરિંગ
ઉધના રોડ નંબર 9ની ઘટના#Gujarat #Surat pic.twitter.com/4K09mv5J8j

— News18Gujarati (@News18Guj) February 4, 2023

આ પણ વાંચો: ચા પીધા બાદ પૈસા નહીં આપી બોટલોનો ઘા કરી મચાવ્યો આતંક

કેમ કરાયું ફાયરિંગ?

આ બાબતે પોલીસને માહિતી મળતા જ પોલીસ કાફલો ઘટના સ્થળ પર પહોંચ્યો હતો અને પોલીસ ઉચ્ચ અધિકારીઓએ પણ ઘટના સ્થળ પર પહોંચી સમગ્ર મામલે બંદૂકની ગોળીનું ખાલી કાર્ટેજ કબજે લઈને સમગ્ર મામલે તપાસ શરૂ કરી છે. પોલીસે પ્રાથમિક તપાસ કરતાં સામે આવ્યું છે કે, કદાચ આ ફાયરિંગની ઘટના અંગત અદાવતમાં બની હોઈ શકે છે. આ સમગ્ર મામલે પોલીસે બે શખ્સો સામે ગુનો દાખલ કરી તેમને પકડવાના ચક્રો ગતિમાન કર્યા છે. આરોપીની ધરપકડ બાદ જ માહિતી સામે આવશે કે શા માટે સલીમ પર ફાયરિંગ કરવામાં આવ્યું હતું. વિસ્તારમાં ગુનાહિત ઇતિહાસ ધરાવતા લોકો સામે ભૂતકાળમાં પણ આ જ પ્રકારની ફાયરિંગની ઘટનાઓ સામે આવી છે ત્યારે આ ફાયરિંગ મિસ ફાયર છે કે પછી ધંધાકીય અદાવતમાં છે, તે દિશામાં પોલીસે તપાસ શરૂ કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crime news, Gujarat News, Surat news