સુરત : વરાછાના હીરા વેપારીને 2.55 કરોડનો 'ચૂનો ચોપડ્યો,' ફરાર થયેલો 'મોટો વેપારી' ઝડપાયો

વરાછા હીરાબાગ (Varachha Surat) ખાતે મેક્સ એન્ટરપ્રાઇઝના નામથી હીરાની (Diamond Traders) ભાગીદારી પેઢી ચલાવતા અને પાછલા 30 વર્ષથી હીરાનું મેન્યુફેક્ચરીંગ કરતા વેપારીનો ‌વિશ્વાસ ભરોસો કેળવી લઇ માનગઢ ચોક ડાયમંડ વર્લ્ડમાં દુકાન ધરાવતા હીરા વેપારીએ પોતે હીરાના મોટા વેપારી હોવાની ઓળખ આપી રૂ.2.55 કરોડના હીરા (cheating of 2.55 crores rupees diamond) લઇ ગયા બાદ વેપારી દુકાન બંધ કરીને ફરાર થઇ ગયો હતો. આ મામલે વરાછા પોલીસ સ્ટેશન ઉપરાંત કાપોદ્રા પોલીસ સ્ટેશનમાં મળી કુલ ત્રણ ગુના નોંધાયા હતા. આ ગુનાની તપાસ કરતી ઇકો સેલ પોલીસે તનસુખ વાણીયાને ઝડપી પાડી કાયદેસરની કાર્યવાહી હાથ ધરી છે.

પ્રાપ્ત ‌વિગતો અનુસાર મુળ જામ બરવાળા તા.બાબરા, જી.અમરેલીના વતની અને હાલ (ઘર નં.11 પુર્વી સોસાયટી, ‌વિભાગ-1, શેરી નં.1, હીરાબાગ વરાછા રોડ) ખાતે રહેતા  મગન કરશન વેકરીયા હિરાબાગ સહજાનંદ કોમ્પલેક્ષમાં બીજા માળે મેક્સ એન્ટરપ્રાઇઝના નામથી હીરાની ભાગીદારી પેઢી ચલાવે છે.

આ પણ વાંચો : સુરત : કરૂણ ઘટના! કાપડના વેપારીએ તાપી કિનારે કર્યો આપઘાત, સુસાઈડ નોટમાં લખ્યું કારણ

દર‌મિયાન દલાલ સુરેશ બાબુ ચોડવડીયા મારફતે વર્ષ 2019માં તેઓ તનસુખ માધા વાણીયા (રહે. પ્રમુખ આરણ્ય રેસીડેન્સી, ગોડાદરા)ના સંપર્કમાં આવ્યા હતા. વર્ષ 2019ના માર્ચ મ‌હિનામાં તનસુખ વાણીયાએ પોતે તૈયાર હીરા તેમજ કટ એન્ડ પોલીશ્ડ હીરાનો લે-વેચનો વેપાર કરતા હોવાનું મગન વેકરીયાને વાત કરી હતી.


'તમે અમારી સાથે કામ કરશો તો અમે તમને સમયસર પેમેન્ટ ચુકવી આપીશું. આપણો વેપાર ઘણો લાંબો ચાલશે' તેવી લોભામણી વાત કર્યા બાદ તનસુખ વાણીયાએ ‌‌વિતેલા એક વર્ષના સમયગાળામાં વેપારી મગન વેકરીયા રૂ.2.55 કરોડના 266.16 કેરેટ, 73.60 કેરેટ, 116.94 કેરેટ અને 194.01 કેરેટના હીરા લીધા હતા.

આ પણ વાંચો : રાજકોટ : ટેમ્પો ટ્રાવેલરે એક્સેસને અડફેટે લેતા મહિલાનું મોત, અકસ્માતનો Live વીડિયો CCTVમાં કેદ

તેનું પેમેન્ટ 72 થી75 ‌દિવસમાં ચુકવી આપવાનું જણાવ્યું હતું. જોકે લોકડાઉન દર‌મિયાન પેમેન્ટની માંગણી કરતા 20 લાખનો ચેક આપ્યો હતો. જોકે ચેક ‌રિર્ટન થયો હતો. તનસુખ વાણીયા દુકાન બંધ કરીને ફરાર થઇ ગયો હોય છેતર‌પિંડીનો ભોગ બનેલા હીરા વેપારી મગન વેકરીયાએ કાપોદ્રા પોલીસ મથકે તેની ‌વિરૂધ્ધ ગુનો નોંધાવ્યો હતો. આ મામલે ઇકો સેલ દ્વારા તપાસ ચાલી રહી હતી. દર‌મિયાન ઇકો સેલે તનસુખ વાણીયાને ઝડપી પાડી કાયદેસરની કાર્યવાહી હાથ ધરી છે

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujrati news, Surat Crime, Surat crime news, Surat news