સુરત ક્રાઇમ બ્રાન્ચે ભાગતા ફરતા આરોપીઓને પકડવાની ડ્રાઇવ યોજી, વોન્ટેડ આરોપી ઝડપાયો

Home /News /surat /સુરત ક્રાઇમ બ્રાન્ચે ભાગતા ફરતા આરોપીઓને પકડવાની ડ્રાઇવ યોજી, વોન્ટેડ આરોપી ઝડપાયો

Surat Crime Branch: સુરત શહેર ક્રાઈમ બ્રાન્ચ પોલીસ દ્વારા અલગ અલગ ગુનામાં ભાગતા ફરતા આરોપીઓને પકડવાની ડ્રાઇવ હાથ ધરવામાં આવી છે.

Surat Crime Branch: સુરત શહેર ક્રાઈમ બ્રાન્ચ પોલીસ દ્વારા અલગ અલગ ગુનામાં ભાગતા ફરતા આરોપીઓને પકડવાની ડ્રાઇવ હાથ ધરવામાં આવી છે.

News18 Gujarati
Last Updated : February 20, 2023, 19:21 IST
Surat, India

કિર્તેશ પટેલ

સુરતઃ શહેરમાં ક્રાઈમની ઘટનાઓમાં પણ વધારો થઈ રહ્યો છે. તો બીજી તરફ સુરત શહેર ક્રાઈમ બ્રાન્ચ પોલીસ દ્વારા અલગ અલગ ગુનામાં ભાગતા ફરતા આરોપીઓને પકડવાની ડ્રાઇવ હાથ ધરવામાં આવી છે. જેમાં ક્રાઈમ બ્રાન્ચ પોલીસે બાતમીના આધારે સુરતના ઉધના પોલીસ સ્ટેશનમાં નોંધાયેલા ચીટિંગના ગુનામાં છેલ્લા 8 મહિનાથી વોન્ટેડ આરોપીને સલાબતપુરા નજીકથી ઝડપી પાડ્યો છે.

સુરત શહેર ક્રાઈમ બ્રાન્ચ પોલીસને સુરત પોલીસ કમિશનર તરફથી ભાગતા ફરતા આરોપીઓને પકડવા માટે એક સ્પેશિયલ ડ્રાઈવનું આયોજન કરવા જણાવવામાં આવ્યું હતું. ત્યારબાદ સુરત શહેર ક્રાઈમ બ્રાન્ચ દ્વારા ભાગતા ફરતા આરોપીઓ સામે તવાઈ બોલાવવામાં આવી છે. ત્યારે ઉધના પોલીસ સ્ટેશનમાં નોંધાયેલા કાપડ ચિટિંગના ગુનામાં છેલ્લા 8 મહિનાથી ભાગતા ફરતા મુખ્ય વોન્ટેડ આરોપીને સુરત શહેર ક્રાઈમ બ્રાન્ચ પોલીસ દ્વારા બાતમીને આધારે ઝડપી પાડવામાં આવ્યો છે.

આ પણ વાંચોઃ રાજકોટમાં લગ્નના ફુલેકામાં દારૂની બોટલો સાથે ડાન્સ, વીડિયો વાયરલ

ક્રાઈમ બ્રાન્ચ પોલીસના માણસો પેટ્રોલિંગમાં હતા ત્યારે બાતમી મળી હતી કે, ઉધના પોલીસ સ્ટેશનમાં નોંધાયેલા ચિટીંગના ગુનામાં 8 મહિનાથી ભાગતો ફરતો વોન્ટેડ આરોપી રામેશ્વર સોની સલાબતપુરા ખાંગડ શેરી નજીકથી પસાર થવાનો છે. ત્યારે પોલીસે વોચ ગોઠવી આ જગ્યા પરથી આરોપીને પકડી પાડ્યો છે અને આરોપીને ઉધના પોલીસને સોંપવાની તજવીજ હાથ ધરવામાં આવી છે.

આરોપીએ પોલીસની પૂછપરછમાં કબૂલાત કરી હતી કે, તેને પોતાના સાગરીત શિવરાજ, ગોપાલ અને દિપક સાથે મળીને રીંગરોડમાં મહાવીર માર્કેટમાં સાવન ક્રિએશન નામની કાપડની દુકાન ચાલુ કરી હતી. ફેબ્રુઆરી 2022થી મે 2022 દરમિયાન સુરતના ભાઠેના વિસ્તારમાં શિવમ સોસાયટી ખાતે આવેલા યોગેશ્વર ફેબ નામથી કાપડનું કારખાનું ચલાવતા વેપારી અશ્વિન પટેલ પાસેથી ગ્રે કાપડનો જથ્થો ખરીદ્યો હતો. આરોપીએ શરૂઆતમાં પેમેન્ટ સમયસર કર્યું હતું. ત્યારબાદ 4,720 જેટલી સાડીઓ કે જેની કિંમત 19,84,560 થવા પામે છે. સાડી મંગાવી ફરિયાદીને પેમેન્ટ ન કરી આરોપી દુકાન બંધ કરી ભાગી ગયા હતા અને સમગ્ર મામલે ઉધના પોલીસ સ્ટેશનમાં ચિટીંગનો ગુનો દાખલ થયો હતો. તો આ આરોપી વર્ષ 2017માં પણ સલાબતપુરા પોલીસ સ્ટેશનમાં ચીટીંગના ગુનામાં પકડાઈ ચૂક્યો છે.