Bharuch: સાત મહિનાની ગર્ભવતી સગીરાએ બાળકને જન્મ આપવો પડશે, કોર્ટે ગર્ભપાતની માંગ ફગાવી

ભરૂચ (Bharuch) જિલ્લાની રહેવાસી મહિલાને કોર્ટમાં અરજી દાખલ કરીને તેની 17 વર્ષની અને સાત મહિનાની ગર્ભવકી (Pregnunt) પુત્રીનો ગર્ભપાત કરાવવા માટે મેડિકલ ટર્મિનેશન ઑફ પ્રેગ્નન્સી એક્ટ, 1971ની કલમો હેઠળ કોર્ટમાં પરવાનગી મેળવવા માટે કોર્ટ (Bharuch Court)માં અરજી કરી હતી. આ અરજીમાં મહિલાએ જણાવ્યું હતું કે જ્યારે તે બીમાર પડી ત્યારે દીકરીને હોસ્પિટલ લઈ ગઈ ત્યારે તપાસમાં ખબર પડી કે તે સાત મહિનાની ગર્ભવતી હતી.

પુત્રીની પૂછપરછ કરવા પર તેણે જણાવ્યું કે, અક્ષય નામના યુવકે તેની સાથે બળજબરીથી શારીરિક સંબંધ બાંધ્યો હતો અને તેમાંથી તે ગર્ભવતી થઈ હતી. આ સંદર્ભમાં મહિલાએ કોસંબા પોલીસ સ્ટેશનમાં આરોપી વિરુદ્ધ બળાત્કાર અને પોક્સો એક્ટની કલમો હેઠળ ફરિયાદ પણ નોંધાવી છે. આરોપીઓએ કરેલા બળાત્કારને કારણે પુત્રી ગર્ભવતી બની છે અને તે આ પ્રેગનન્સી રાખવા માંગતી નથી. જો બાળક જન્મે તો પણ તેનું ભવિષ્ય નહીં હોય.

આ પણ વાંચો- સુરતઃ વકીલે પત્નીનો દરજ્જો આપીને મહિલા વકીલ સાથે 25થી વધુ વખત બાંધ્યા શરીર સંબંધ, પછી તરછોડી

કોર્ટ વતી નવી સિવિલ હોસ્પિટલના તબીબોની પેનલ પાસેથી ગર્ભપાત અંગે અભિપ્રાય માંગવામાં આવ્યો હતો. પેનલે તેના અભિપ્રાયમાં જણાવ્યું હતું કે બાળકી 30 થી 32 અઠવાડિયા એટલે કે આઠ મહિનાની ગર્ભવતી છે. જો ગર્ભપાતની પરવાનગી આપવામાં આવે તો છોકરીના જીવને જોખમ હોઈ શકે છે. અરજી પર અંતિમ સુનાવણી બાદ ડોક્ટરોના અભિપ્રાયને ધ્યાનમાં રાખીને કોર્ટે અરજી ફગાવી દીધી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bharuch, Surat news, Surat Rape case, ભરૂચ