લ્યો બોલો! વીડિયો અને ફોટોગ્રાફીના ઓર્ડરની આડમાં દારૂની હેરાફેરી, પોલીસે કરી એકની ધરપકડ

Home /News /surat /લ્યો બોલો! વીડિયો અને ફોટોગ્રાફીના ઓર્ડરની આડમાં દારૂની હેરાફેરી, પોલીસે કરી એકની ધરપકડ

સુરત પોલીસની કાર્યવાહી,

Surat Latest News: સુરતના ડીંડોલી વિસ્તારમાં લગ્ન પ્રસંગમાં વીડિયો અને ફોટોગ્રાફીના ઓર્ડર મારતા શખ્સને વિદેશી દારૂના જથ્થા સાથે પોલીસે ઝડપી પાડવામાં આવ્યો છે. સુરત પોલીસે એક આરોપીની ધરપકડ કરીને 7.27 લાખની મત્તાનો મુદ્દામાલ કબજે કર્યો હતો.

News18 Gujarati
Last Updated : March 28, 2023, 21:11 IST
Surat, India

કિર્તેશ પટેલ

સુરત: મોંઘવારી કૂદકે ને ભૂસકે વધતી જઈ રહી છે, સામાન્ય વ્યક્તિએ જીવન નિર્વાહ કરવું પણ હવે મુશ્કેલ બની રહ્યું છે. ત્યારે આવી ભારે મોંઘવારીમાં કેટલાક લોકો શોર્ટકટથી રૂપિયા કમાવવાનો રસ્તો શોધી કાઢતા હોય છે અને તેનું પરિણામ કંઈક અલગ જ આવે છે. સુરતના ડીંડોલી વિસ્તારમાં આવું જ કંઈક જોવા મળ્યું છે. જ્યાં લગ્ન પ્રસંગમાં વીડિયો અને ફોટોગ્રાફીના ઓર્ડર મારતા શખ્સને વિદેશી દારૂના જથ્થા સાથે પોલીસે ઝડપી પાડી કાયદેસરની કાર્યવાહી હાથ ધરી છે. જ્યાં શોર્ટકટથી રૂપિયા કમાવવા જતા વીડિયો ગ્રાફરને જેલની હવા ખાવાનો વારો આવ્યો છે.

પોલીસે બાતમીના આધારે કાર્યવાહી હાથ ધરી

સુરતના ડીંડોલી પોલીસ મથક પાસેથી મળતી માહિતી અનુસાર પોલીસનો સ્ટાફ ડીંડોલીના કરાડવા રોડ ઉપર પેટ્રોલિંગમાં હતો તે દરમિયાન મળેલ બાતમીના આધારે પસાર થતી એક બ્રેઝા કારને પોલીસે તેમાં તપાસ કરી હતી. જે કારમાંથી પોલીસને અલગ અલગ બ્રાન્ડની ભારતીય બનાવટની વિદેશી દારૂની 113 જેટલી બોટલો મળી આવી હતી. જેથી ડીંડોલી પોલીસે કારના ચાલક અને પલસાણાના સાંઈ-વિહાર સોસાયટીમાં રહેતા અતુલ સુરેશ ટેલરની ધરપકડ કરી હતી.

આ પણ વાંચો: નડિયાદના ડભાણ પાસે ટ્રેલર ટ્રક કાચી દુકાનમાં ઘૂસી જતા લોકોમાં અફડાતફડીનો માહોલ સર્જાયો

લાખો રુપિયાનો મુદ્દામાલ પોલીસે કબજે કર્યો

આ સાથે સાથે ફોર વહીલ કાર અને વિદેશી દારૂનો જથ્થો મળી કુલ 7.27 લાખની મત્તાનો મુદ્દામાલ કબજે કરવામાં આવ્યો હતો. ડીંડોલી પોલીસે વિદેશી દારૂની હેરફેર કરતા ઝડપી પાડેલ આરોપી અતુલ સુરેશભાઈ ટેલરની સઘનપૂર્વક પૂછપરછ હાથ ધરી હતી. જે પૂછપરછમાં ચોકાવનારી હકીકત સામે આવી હતી. પોલીસ પૂછપરછ આરોપીએ પોતે વીડિયો અને ફોટોગ્રાફર હોવાની હકીકત જણાવી હતી. જેથી પોલીસ દ્વારા આરોપીની અટકાયત કરવામાં આવી હતી.

આ પણ વાંચો: ફ્રિજને કેટલા નંબર પર ચલાવવું જોઈએ? લાંબો સમય બંધ રાખવાથી થઈ શકે છે ખરાબ!

સુરત પોલીસે કાર્યવાહી હાથ ધરી

સુરત શહેર અને જિલ્લામાં યોજાતા લગ્ન પ્રસંગની અંદર વીડિયોગ્રાફી અને ફોટોગ્રાફીના ઓર્ડર પુરા પાડતા હોવાનું આરોપીએ પોલીસ પૂછપરછમાં જણાવ્યું છે. ઉપરાંત શોર્ટકટમાં વધુ રૂપિયા કમાવવાની લાલચમાં દારૂની હેરાફેરી કરતા પોલીસના હાથે ઝડપાઇ ગયો છે. હાલ ડીંડોલી પોલીસે આરોપીની ધરપકડ કરી વિદેશી દારૂનો જથ્થો સપ્લાય કરનાર શખ્સને વોન્ટેડ જાહેર કરી વધુ તપાસ હાથ ધરી છે.