શું તમે વાપરો છો એ શેમ્પુ નકલી તો નથી ને? સુરતમાં ડુપ્લીકેટ શેમ્પુ બનાવનાર ત્રણ ઝડપાયા

સુરત: સુરતના ઉતરાણ વિસ્તારમાં હેડ એન્ડ શોલ્ડર્સ નામનો ઉપયોગ કરી ડુપ્લીકેટ શેમ્પુ બનાવી વહેંચાણ કરતા ત્રણ ઈસમોને ઉતરાણ પોલીસે ઝડપી પાડયા હતા. તેમની પાસેથી 7 લાખથી વધુના મુદામાલના શેમ્પુ અને બોટલ જપ્ત કરી કાયદેસરની કાર્યવાહી હાથ ધરી હતી. સુરતના અમરોલી વિસ્તારમાં વેદાંત ઇન્ડસ્ટ્રીઝમાં શેમ્પુની ફેકટરી ચાલુ કરી વધુ નફાની લાલચમાં બ્રાન્ડેડ કંપની હેડ એન્ડ શોલ્ડર્સના નામના સ્ટીકરો લગાવી શેમ્પુનું વહેંચાણ શરૂ કર્યું હતું. ત્રણ જેટલા લોકોએ અમરોલીમાં શેમ્પુ તૈયાર કરી ઉતરાણ વી.આઈ.પી સર્કલ પાસે આવેલા શ્રી નાથજી આઇકોનમાં જી 6 નંબરની દુકાનમાં વહેંચાણ શરૂ કર્યું હતું.

સુરતમાંથી નકલી શેમ્પુની ફેકટરી ઝડપાઈ

જેને લઈ હેડ એન્ડ શોલ્ડર્સ કંપનીને જાણ થઈ જતા તેમણે તપાસ કરી પોલીસને જાણ કરી હતી. જેથી ઉતરાણ પોલીસ અને સુરત ક્રાઇમ બ્રાન્ચ દ્વારા જગ્યા પર જઈ રેડ કરવામાં આવતા. શેમ્પુની ખાલી બોટલો, શેમ્પુ ભરેલા બેરલ તેમજ સ્ટીકર વગેરેનો મુદામાલ મળી કુલ 7 લાખ 35 હજારની મત્તા કબ્જે કરી ત્રણ આરોપી જેમિલ ભરોળિયા, હાર્દિક ભરોળિયા અને નિકુંજ નામના ત્રણ ઈસમોની ધરપકડ કરી વધુ તપાસ હાથ ધરી હતી.

આ પણ વાંચો: વરસાદમાં એક કલાકમાં 5 હજાર લીટર પાણી ભૂગર્ભમાં ઉતારવાનો પ્રોજેક્ટ

ત્રણ ઈસમની ધરપકડ કરી તપાસલ હાથ ધરી

મહત્વનું છે કે, વધુ કમાવવાની લાલચમાં હેડ એન્ડ શોલ્ડર્સના નામનો ઉપયોગ કરી ઓછા ભાવે શેમ્પુનું વહેંચાણ કરતા હતા. અમરોલી ખાતે  વેદાંત ઇન્ડસ્ટ્રીઝમાં શેમ્પુનું કારખાનું બનાવી સ્ટીકર લગાવી ઉતરાણ ખાતે નાથજી આઇકોનમાં જી 6 નંબરની દુકાનમાં વહેંચાણ કરતા હતા. જેથી પોલીસે મુદામાલ સાથે ત્રણ ઈસમની ધરપકડ કરી વધુ તપાસ શરૂ કરી છે. માલ ક્યાંથી લાવતા હતા અને કોને સપ્લાય કરતા હતા એ દિશામાં પણ પોલીસને તપાસ શરૂ કરી છે.

આ પણ વાંચો: વડોદરામાં પોલીસકર્મીઓએ હોટલમાં ઘૂસી ગ્રાહકોને ભગાડ્યા, સંચાલકને પણ માર માર્યો

સુરત પોલીસ હાથ ધરી કાર્યવાહી

સુરતમાં ચોરી, લૂંટ અને છેતરપિંડી સિવાય હવે નકલી વસ્તુંઓ બનાનવો ધંધો પણ ઝડપાયો છે. સુરત પોલીસે નકલી શેમ્પુ બનાવતા ત્રણ લોકોને ઝડપી પાડ્યા છે. આ સાથે સાથે પોલીસે તેમની સામે ગુનો નોંધીને આગળની તપાસ પણ હાથ ધરી છે. સુરત પોલીસે આશરે 7 લાખના મુદ્દામાલ સાથે ત્રણ લોકોની ધરપકડ કરી લીધી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Duplicate, Surat news, Surat police