Surat: બાંગ્લાદેશમાં યોજાયું ‘ઇન્ડિયા ટેક્ષ્ટાઇલ ટ્રેડ ફેર’, 3500થી પણ વધુ જેન્યુન બાયર્સે મુલાકાત લીધી!

 Mehali tailor: surat. ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રી તથા સધર્ન ગુજરાત ચેમ્બર ટ્રેડ એન્ડ ઇન્ડસ્ટ્રીઝ ડેવલપમેન્ટ સેન્ટરના ઉપક્રમે યોજાતી પ્રદર્શનોની શ્રેણી અંતર્ગત ઇન્ટરનેશનલ કન્વેન્શન સિટી, બસુંધરા, ઢાકા, બાંગ્લાદેશ ખાતે પ્રથમ વખત ચાર દિવસીય ‘ઇન્ડિયા ટેક્ષ્ટાઇલ ટ્રેડ ફેર– ર૦ર૩’નું આયોજન કરવામાં આવ્યું હતું.

જેમાં બાંગ્લાદેશ ખાતે સુરતના વિવિધ ફેબ્રિકસના એક્ષ્પોર્ટ માટે ઘણી સારી તકો હોવાથી બાંગ્લાદેશ ખાતે સુરતના ટેક્ષ્ટાઇલ ઉદ્યોગકારોને ગ્લોબલી પ્લેટફોર્મ મળી રહે તે હેતુથી આંતરરાષ્ટ્રીય કક્ષાના એકઝીબીશનના આયોજન માટે ચેમ્બર ઓફ કોમર્સને પ્રેરણા આપી હતી. જેને કારણે ચેમ્બર દ્વારા બાંગ્લાદેશ ખાતે ‘ઇન્ડિયા ટેક્ષ્ટાઇલ ટ્રેડ ફેર’ યોજાયું હતું. ચાઇના તથા યુરોપિયન મશીનરીની તુલનામાં તેમની મશીનરી સસ્તી હોવાથી બાંગ્લાદેશના બાયર્સોને તેઓની મશીનરીમાં ઘણો રસ પડયો હતો.

ચેમ્બરના માધ્યમથી તેમણે બાંગ્લાદેશ ખાતે પ્રથમ વખત પોતાની પ્રોડકટ ડિસ્પ્લે કરવાની તક મળી

આ પ્રદર્શનમાં સુરતના ત્રણ મશીન મેન્યુફેકચર્સોએ પણ ભાગ લીધો હતો. ચાઇના તથા યુરોપિયન મશીનરીની તુલનામાં તેમની મશીનરી સસ્તી હોવાથી બાંગ્લાદેશના બાયર્સોને તેઓની મશીનરીમાં ઘણો રસ પડયો હતો, આથી એકઝીબીટર્સને મશીનરી માટે સ્થળ પર જ સારા ઓર્ડર્સ મળ્યાં હતાં અને ઘણી સારી ઇન્કવાયરી પણ જનરેટ થઇ હતી. સાથે જ એન્સીલરીના પણ ઘણા સારા ઓર્ડર મળ્યાં હતાં. કેટલાક બાયર્સે એકઝીબીટર્સને એડવાન્સ પેમેન્ટ પણ આપી દીધું હતું. મશીનરી ઉત્પાદકોને આગામી દિવસોમાં ૧૦૦ જેટલી મશીનરીના કન્ફર્મ ઓર્ડર્સ મળી જશે તેમ એકઝીબીટર્સો તરફથી જાણવા મળ્યું હતું.

સુરતના ઉદ્યોગકારો સાડી તથા મેન્સ, કીડ્‌ઝ અને લેડીઝ ગારમેન્ટ માટેના ફેબ્રિકસ બનાવે છે. આ વિવિધ ફેબ્રિકસ તેઓ ભારતભરમાં સપ્લાય કરે છે. ચેમ્બરના માધ્યમથી તેમણે બાંગ્લાદેશ ખાતે પ્રથમ વખત પોતાની પ્રોડકટ ડિસ્પ્લે કરવાની તક મળી હતી. આ એકઝીબીશનમાં ભાગ લીધા બાદ સુરતના ટેક્ષ્ટાઇલ ઉદ્યોગકારોને ખબર પડી કે બાંગ્લાદેશ ખાતે કેટલું પોટેન્શીયલ છે.

૩પ૦૦ થી પણ વધુ જેન્યુન બાયર્સ અને ગારમેન્ટ મેન્યુફેકચરર્સ દ્વારા સ્ટોલની વિઝીટ કરવામાં આવી હતી

ચાર દિવસ દરમ્યાન કુલ ૩પ૦૦ થી પણ વધુ જેન્યુન બાયર્સ અને ગારમેન્ટ મેન્યુફેકચરર્સ દ્વારા સ્ટોલની વિઝીટ કરવામાં આવી હતી. જેને પગલે ઘણી સારી ઇન્કવાયરી જનરેટ થઇ હતી અને ઘણા સેમ્પલો પણ બાંગ્લાદેશના બાયર્સ લઇ ગયા હતા, આથી તેઓને આગામી દિવસોમાં તેમણે ખૂબ જ સારો બિઝનેસ બાંગ્લાદેશ ખાતેથી મળશે તેમ પણ એકઝીબીટર્સ તરફથી જાણવા મળ્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Local 18, સુરત