Surat: ઘરમાં બનાવેલી Cookiesની હવે વિદેશમાં પણ છે ડિમાન્ડ, જુઓ recipe video

Mehali tailor, Surat: રાગી અને ઓટ્સના બિસ્કીટ આજે લોકોને પસંદ બની રહ્યા છે. લોકોની આ પસંદને ધ્યાનમાં રાખીને સુરતના આ એક યુવાન જાણે રાગી ઓટ્સ અને અલગ મીલેટની સ્વાદિષ્ટ કુકી બનાવી આજે માત્ર સુરતમાં નહીં પરંતુ દેશ અને વિદેશમાં પણ તેનું વેચાણ કરી રહ્યા છે. આ મેંદા વગરની બિસ્કીટ બજારમાં જાણીતી કંપનીઓ વેચાણ કરે છે. જેથી લોકોએ જે મળતી હોય એ ખરીદવી કરવી પડે છે. આ યુવાન ઘરે જાતે જ કૂકીઝ બનાવી વેચાણ કરે છે જેથી લોકો પોતાના ટેસ્ટ અને પોતાની પસંદગીને ધ્યાનમાં રાખીને કુકીઝનો ઓર્ડર આપે છે.



ચોકલેટ,કાજુ,બદામ જેવી હેલ્ધી વસ્તુનો ઉપયોગ કરી કુકીઝને સ્વાદ અપાયો
સામાન્ય રીતે ઓટ્સ અને રાગીની બિસ્કીટ કોઈક ફ્લેવરમાં મળતી નથી. જેથી તેનો સ્વાદ પણ મેંદાને બિસ્કીટ જેવો મળી રહેતું નથી. આ વાતને ધ્યાનમાં લઈને સુરતના આ યુવાની આ ઓટ્સ અને રાગીની બિસ્કીટને અલગ અલગ ફ્લેવર આપી સ્વાદિષ્ટ બનાવી. ચોકલેટ, કાજુ, બદામ અને બીજા અનેક હેલ્ધી વસ્તુનો ઉપયોગ કરીને તેને ગુણવત્તા સાથે સ્વાદ પણ આપ્યો. જેથી આ કુકીઝ ઘરના નાના સભ્યો થી લઇ મોટા સભ્યો પણ સ્વાસ્થ્ય ખરાબ થવાની ચિંતા વગર ખાઈ શકે. સામાન્ય રીતે ઘરમાં કેટલાક સભ્યો રાગી અને ઓટ્સ ખાતા નથી. જો આ કૂકીઝ તેમને ખાવા આપે તો તેઓ સ્વાદની સાથે સ્વાસ્થ્યની પણ કાળજી લઈ શકે છે અને બાળકોને બજારમાં મળતા મેંદાના બિસ્કીટ આપવા કરતા આ ઓટ્સ અને રાગીના બિસ્કીટ આપવા તેમના માટે સ્વાસ્થ્યવર્ધક રહે છે.



લોકો ઘરમાં બનાવેલી આ કૂકીઝ ઘણી પસંદ કરતા
આ યુવાનના પરિવારો કેટલાય વર્ષોથી પોતાના ફક્ત પોતાના ઘરના સભ્યો માટે જ આ કૂકીઝ બનાવી રહ્યા હતા. તેમના ઘરે આવતા મહેમાનને આ કૂકીઝ ઘણી પસંદ આવતી હતી અને તેઓ પણ પોતાના માટે આ કૂકીઝ બનાવવાનો ઓર્ડર આપતા ત્યારે તેમને ખબર પડી કે લોકોને આવી હેલ્ધી અને સ્વાદિષ્ટ વસ્તુ ઘણી પસંદ આવી રહી છે અને ત્યાર પછી તેઓએ આ બિસ્કીટ બનાવી તેનું વેચાણ શરૂ કર્યું અને આ બિસ્કીટ હવે લોકો વિદેશ પણ લઈ જઈ રહ્યા છે. અને ભારતભરમાંથી હવે તેમને હલ્દી કૂકીઝના ઓર્ડર મળી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Local 18, Surat news