ક્યા છે ગુજરાતનો વિકાસ? અહીં છેલ્લા 11 મહિનાથી ગ્રામ પંચાયતની ચૂંટણી જ નથી યોજાઈ!

કેતન પટેલ, બારડોલી: માંડવી તાલુકાના વદેશિયા ગામનો વિકાસ અટકી ગયો છે. છેલ્લા 11 મહિનાથી ગ્રામ પંચાયતની ચૂંટણી ન થતા ગ્રામજનોને વહીવટી કામમાં ભારે હાલાકી ભોગવવાનો વારો આવી રહ્યો છે. તાત્કાલિક ચૂંટણી થાય તેવી ગ્રામજનો માંગ કરી રહ્યા છે. છેલ્લા 11 મહિનાથી અહીં ગ્રામ પંચાયતની ચૂંટણી યોજાઈ નથી જેથી ગ્રામલોકોને ભારે હાલાકીનો સામનો કરવો પડી રહ્યો છે.

આખરે ક્યારે થશે ચૂંટણી

2,300થી વધુ વસ્તી ધરાવતા સુરત જિલ્લાના માંડવી તાલુકાના વદેશિયા ગામનો વિકાસ હાલ અટકી ગયો છે. છેલ્લા 11 મહિનાથી ગામના સરપંચ ન હોવાથી ધણી વગરનું ગામ વદેશિયા બની ગયું છે. સરપંચનો ચાર્જ કોઈ પાસે ન હોવાથી ગ્રામજનોને ભારે હાલાકી ભોગવવાનો વારો આવી રહ્યો છે. હાલ ગ્રામજનો વહીવટી કામ પણ અટકી પડ્યા છે. રોડ, રસ્તા, પાણી અને સ્ટ્રીટ લાઈટના કામો પણ હાલ અટકી ગયા છે. ગ્રામજનોને પડતી હાલાકીને લઈને કોને કહેવું એ સૂઝતું નથી.

આ પણ વાંચો: સુરતની અર્શ હોસ્પિટલમાં પતિને સારવાર માટે લઈને ગયેલી મહિલા સાથે તબીબની માથાકૂટ

વદેશિયા ગામ સામાન્ય જરૂરિયાતોથી પણ વંચિત

વદેશિયા ગામ પહેલા નૌગામાં ગ્રામ જૂથ ગ્રામ પંચાયતમાં સમાવેશ હતું વર્ષ 2017માં વદેશિયા અલગ થયું અને વદેશિયા ગ્રામ પંચાયત બની વર્ષ 2017માં પ્રથમ ગ્રામ પંચાયતની ચૂંટણીમાં કંકાબેન ચૌધરી સરપંચ બન્યા અને વદેશિયા એક પછી વિકાસની હરણફાળ ભરતું ગયું પાંચ વર્ષ પૂર્ણ થતા સરપંચ કકાબેન ચૌધરી નો કાર્યકાળ પૂરો થયો હતો. આજે પણ લોકોને પંચાયતનું કામ હોય તો કકા બહેનના ઘરે જ જાય છે પણ હવે કંકા બહેન પાસે કંઈ સતા ન હોવાથી તેઓ મદદ કરી શકતા નથી.

આ પણ વાંચો: ભારતની વધુ એક માનવતા, તુર્કી અને સીરિયાના ભૂકંપગ્રસ્તોને મોરારિબાપુ તરફથી રૂપિયા 25 લાખની સહાય

વારંવાર હાલકીનો ભોગ બની રહ્યા છે લોકો

ગામના અરજદારોને હાલાકી ન પડે તે માટે સરકાર દ્વારા વહીવટદારની નિમણુક કરવામાં આવી છે, પણ વહીવટદાર પાસે આગાઉથી બે ત્રણ ગામનો ચાર્જ હોવાથી તેઓ ગામને પૂરતો સમય ફાળવી શકતા નથી. જેને લઇને ગ્રામજનો પંચાયત પર ધક્કા ખાઈ રહ્યા છે. જેથી અવાર નવાર વહીવટ દારને ગ્રામજનોના રોષનો ભોગ બનવું પડે છે. તેમજ ગ્રામ પંચાયતના તલાટી પાસે પણ અન્ય ગ્રામ પંચાયતોનો ચાર્જ છે. જેથી તેઓ પણ અઠવાડિયામાં એક વાર ગ્રામ પંચાયત પર આવે છે. ગ્રામજનો પડી રહેલી હાલાકીની જાણ તાલુકા વિકાસ અધિકારીને કરવામાં આવતા માંડવી તાલુકા વિકાસ અધિકારી D.M MAHAKAL દ્વારા DDO ને રજૂઆત કરી છે ત્યારે ગ્રામજનો બને તેટલી વહેલી ચૂંટણી થાય તેવી માંગ કરી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Mandvi, Surat news, ગુજરાત