Blast in GIDC: ગોઝારો રવિવાર: સુરત, લોધિકા અને ખંભાતની જીઆઈડીસી કંપનીમાં બ્લાસ્ટ, કુલ પાંચ લોકોના મોત

રાજકોટ:  આજે વહેલી સવારે ગુજરાતની ત્રણ શહેરોની જીઆઈડીસીમાં બ્લાસ્ટની ઘટના સામે આવી છે. સુરત, રાજકોટ અને આણંદની જીઆઈડીસીમાં વિસ્ફોટ થયો છે. સુરતની જીઆઈડીસી કંપનીમાં આવેલી કોકોકોલા કંપનીમાં પણ બ્લાસ્ટ થતા  પહેલા એક વ્યક્તિનું મોત નીપજ્યુ હતુ. જે બાદ મોતનો આંકડો ચાર પર પહોંચ્યો છે. આ સાથે રાજકોટની મેટોડા GIDCની પર્વ મેટલ કંપનીમાં અને આણંદના ખંભાતની લુણેજ GIDCમાં આવેલી ટેકનિચેમ નામની કંપનીમાં પણ બ્લાસ્ટ થયો છે. તેમાં પણ એક વ્યક્તિનું મોત નીપજ્યુ છે. જેથી આ ત્રણ બ્લાસ્ટની ઘટનામાં બે લોકોના મોત નીપજ્યા છે. સદનસીબે ખંભાતમાં જાનહાનીના સમાચાર સામે આવ્યા નથી.

રાજકોટની જીઆઈડીસી કંપનીમાં વિસ્ફોટ

આજે વહેલી સવારે લોધિકા તાલુકાની મેટોડા જીઆઇડીસીમાં બ્લાસ્ટ થયો છે. મેટોડા જીઆઈડીસીમાં આવેલી પર્વ મેટલ પ્રાઈમ કંપનીમાં બ્લાસ્ટ થવાના કારણે અફરાતફરીનો માહોલ છવાયો છે. આ દુર્ઘટનામાં આઠ જેટલા લોકોને ઇજા પહોંચી છે. ઇજાગ્રસ્તોને તાત્કાલિક હોસ્પિટલ ખસેડવામાં આવ્યા છે. આ દુર્ઘટનામાં વધારે લોકો ફસાયા હોવાની આશંકા સેવવામાં આવી છે.

પ્રાથમિક માહિતી પ્રમાણે, ભઠ્ઠીમાં પ્રેસર વધી જતા આ બ્લાસ્ટ થયો છે. હાલ રાત કાર્ય ચાલી રહ્યુ છે. વધુ લોકો ઇજાગ્રસ્ત હોવાની શંકા સેવાઇ રહી છે.

રાજકોટના લોધીકાની મેટોડા GIDCમાં બ્લાસ્ટની ઘટના સામે આવી

GIDCમાં આવેલી પર્વ મેટલ પ્રાઈમ કંપનીમાં બ્લાસ્ટ થતાં 8 લોકો ઈજાગ્રસ્ત થયાં#Rajkot #Gujarat #GIDC pic.twitter.com/4s9DZHwKtJ

— News18Gujarati (@News18Guj) September 11, 2022

સુરત જીઆઈડીસી બ્લાસ્ટમાં એકનું મોત

સુરતની જીઆઈડીસી કંપનીમાં આવેલી કોકો કોલા કંપનીમાં પણ બ્લાસ્ટ થયો છે. જેમાં એક વ્યક્તિનું મોત નીપજ્યુ હતુ. જોકે, પછીથી મળતી માહિતી પ્રમાણે અન્ય ત્રણ લોકોના મોત નીપજ્યા છે. આ સાથે પાંચ લોકો ઇજાગ્રસ્ત થયા છે.

સુરતમાં સચિન GIDCમાં બ્લાસ્ટની ઘટના

GIDC વિસ્તારમાં આગ લાગતાં લોકોમાં ભયનો માહોલ સર્જાયો

સુરતની સચિન GIDCમાં આવેલી કોકો કોલા કંપનીમાં બ્લાસ્ટ થતાં

એક વ્યક્તિનું મોત અને 5 લોકો ઈજાગ્રસ્ત થયાં#Accident #Gujarat #accident pic.twitter.com/OUSASe5dcD

— News18Gujarati (@News18Guj) September 11, 2022

ખંભાતની કંપનીમાં પણ વિસ્ફોટ

આણંદના ખંભાતની લુણેજ GIDCમાં વિસ્ફોટ ટેકનિચેમ નામની કંપનીમાં બોઇલર ફાટ્યાની ઘટના સામે આવી છે. GIDCમાં ટેકનિચેમ નામની કંપનીમાં બોઈલરમાં પ્રચંડ ધડાકા સાથે આગ પ્રસરતા 4 કામદારો ઘાયલ થયા છે.

આણંદના ખંભાતની લુણેજ GIDCમાં વિસ્ફોટ

GIDCમાં એક કંપનીમાં બોઈલર ફાટ્યું

ટેકનિચેમ નામની કંપનીમાં બન્યો બનાવ

બોઈલરમાં પ્રચંડ ધડાકા સાથે આગ પ્રસારી #Aanad #Gujarat #GIDC pic.twitter.com/o747ZDKrmI

— News18Gujarati (@News18Guj) September 11, 2022

આ ઇજાગ્રસ્તોમાંથી બે લોકોને કરમસદ અને બે લોકોને ખાનગી હોસ્પિટલમાં ખસેડવામાં આવ્યા છે. હાલ ત્યાં અફરાતફરીનો માહોલ છવાયો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ખંભાત, ગુજરાત, દુર્ઘટના, રાજકોટ, સુરત