સુરતમાં ખોટા પેમેન્ટના સ્ક્રીનશોર્ટ પાડી વેચાણ કરનારને બતાવી છેતરપિંડી આચરનાર આરોપી ઝડપાયો

Home /News /surat /સુરતમાં ખોટા પેમેન્ટના સ્ક્રીનશોર્ટ પાડી વેચાણ કરનારને બતાવી છેતરપિંડી આચરનાર આરોપી ઝડપાયો

કાપોદ્રા પોલીસની કાર્યવાહી

Kapodra Cheating Accused: સુરત શહેરમાં OLX પર વેચાતી વસ્તુ લઈ રૂપિયા આપવામાં ઓનલાઇન બેન્કિંગનો ઉપયોગ કરી ખોટા પેમેન્ટના સ્ક્રીનશોર્ટ પાડી વેચાણ કરનારને બતાવી છેતરપિંડી આચરનાર યુવકને કાપોદ્રા પોલીસે ઝડપી પાડ્યો હતો.

News18 Gujarati
Last Updated : March 29, 2023, 18:36 IST
Surat, India

કિર્તેશ પટેલ

સુરત: સુરત શહેરમાં OLX પર વેચાતી વસ્તુ લઈ રૂપિયા આપવામાં ઓનલાઇન બેન્કિંગનો ઉપયોગ કરી ખોટા પેમેન્ટના સ્ક્રીનશોર્ટ પાડી વેચાણ કરનારને બતાવી છેતરપિંડી આચરનાર યુવકને કાપોદ્રા પોલીસે ઝડપી પાડ્યો હતો. આ આરોપી દ્વારા અગાઉ 12 જેટલા ગુના આચર્યા હતા. જેથી પોલીસે આરોપી સામે ગુનો નોંધીને આગળની કાર્યવાહી હાથ ધરી છે. અગાઉ પણ આ આરોપી ઘણા બધા ગુનાઓ આચરી ચૂક્યો હોવાની જાણકારી મળી રહી છે.

પેમેન્ટના સ્ક્રીન શોર્ટનું એડિટ કરતો હતો આરોપી

સુરત શહેરમાં દિવસેને દિવસે છેતરપીંડીના કિસ્સો વધી રહ્યા છે. લોકોને વિશ્વાસમાં લઈ કોઈ પણ પ્રકારે તેમની સાથે વિશ્વાસ ઘાત કરતા હોય છે. તેવા જ એક વિશ્વાસઘાતી ઈસમની કાપોદ્રા પોલીસે ધરપકડ કરી હતી. આ ઈસમ OLX પર વેચાણ માટે મુકેલી વસ્તુઓ ખરીદવા માટે ગ્રાહક બની વેચાણ અર્થે મુકેલી વસ્તુના માલિકને ફોન કરી તેમની પાસેથી મોબાઈલ, લેપટોપ જેવી વસ્તુની ખરીદી કરતો હતો. ખરીદી કર્યા બાદ ઓનલાઇન પેમેન્ટ કરવાનું જણાવતો હતો. ત્યારબાદ પેમેન્ટના સ્ક્રીન શોર્ટનું એડિટ કરી નાણાં ટ્રાન્સફર થઈ ગયા તેવો મેસેજ બતાવી દેતો હતી.

આ પણ વાંચો: ખેડૂતને વીજ થાંભલા ઉપરથી વીજ કરંટ આપવાનું ભારે પડ્યું, એક યુવકનું મોત થતા કોર્ટે કરી 10 વર્ષની સજા

સુરત પોલીસ કાર્યવાહી હાથ ધરી

કાપોદ્રા વિસ્તારમાં પણ આવી જ રીતે છેતરપિંડી આચરી એક વ્યક્તિ પાસેથી લેપટોપની ખરીદી કરી હતી. વેચાણ કરનાર ઈસમને માલુમ થયું કે તેમની સાથે છેતરપીંડી થઈ છે જેથી કાપોદ્રા પોલીસ મથકમાં ફરિયાદ નોંધાવી હતી. જેથી કાપોદ્રા પોલોસે બાતમીના આધારે આરોપી અમિત કુમાર ભરત હીરપરાને ઝડપી પાડ્યો હતો. આરોપી અગાઉ પણ 11 જેટલા આ પ્રકારના જ ગુના આચરી ચુક્યો છે. જેથી પોલીસે આરોપીની ધરપકડ કરી એક લેપટોપ કબ્જે કરી કાયદેસરની કાર્યવાહી હાથ ધરી હતી.

આ પણ વાંચો: દારૂ પીને આવેલા પુત્રએ માતા પાસે પૈસા માંગ્યા, પૈસા ના આપતા કળયુગી પુત્રનું કારસ્તાન

11 જેટલા ગુનાઓ આચરી ચૂક્યો છે આરોપી

આ સાથે સાથે પકડાયેલ આરોપી ભૂતકાળ આ પ્રકારે કોઈ ગુનામાં કે છેતરપિંડીમાં સંડોવાયેલ છે કેમ તે દિશામાં પોલીસે તપાસ શરૂ કરી છે. જોકે આરોપી હાલમાં ગુનામાં કોઇ અન્ય આરોપી મદદ મળી છે તે દિશામાં પણ પોલીસે તપાસ શરૂ કરી છે. થોડી વિગતો એવી પણ મળી છે કે, આરોપીએ અન્ય ઘણા ગુનાઓ પણ આચરેલા છે.