સુરતનો આ યુવક Ola અને Rapido સર્વિસની ખોટી રીતે મદદ લઇ વાહન ચોરી કરતા ઝડપાયો

Home /News /surat /સુરતનો આ યુવક Ola અને Rapido સર્વિસની ખોટી રીતે મદદ લઇ વાહન ચોરી કરતા ઝડપાયો

સુરત શહેરમાં સતત વાહનની ઘટનાઓ સામે આવી રહી હતી.

Surat Crime News: સુરત શહેરમાં સતત વાહનની ઘટનાઓ સામે આવી રહી હતી. સરળતાથી મળી જતા વાહનો રોકડા ભાવે વેચાઈ જતા હોવાથી વાહન ચોરો વાહનોની ચોરી કરતા હોવાની સતત ફરિયાદો સામે આવી રહી હતી

News18 Gujarati
Last Updated : March 31, 2023, 16:49 IST
Surat, India

કિર્તેશ પટેલ

સુરત: સુરતમાં સતત વાહન ચોરીની ઘટનાઓ સામે આવી રહી છે ત્યારે વાહન ચોરી કરતા આરોપીઓને પકડી પાડવા માટે સુરત પોલીસે ખાસ અભિયાન શરૂ કર્યું છે. ઉમરા પોલીસને બાતમી મળી હતી કે એક યુવક દારૂ પીવાનો શોખ પૂરો કરવા માટે વાહન ચોરી કરી રહ્યો છે અને આ વાહન ચોરી રેપીડો અથવા ઓલા બાઈક ચાલોકોની મદદથી કરતો હતો. જોકે પોલીસે આરોપીને પકડી પાડી વાહન ચોરીના 5 ગુના સાથે 5 ગાડીઓ કબજે કરી વધુ તપાસ શરૂ કરી છે.

સુરત શહેરમાં સતત વાહનની ઘટનાઓ સામે આવી રહી હતી. સરળતાથી મળી જતા વાહનો રોકડા ભાવે વેચાઈ જતા હોવાથી વાહન ચોરો વાહનોની ચોરી કરતા હોવાની સતત ફરિયાદો સામે આવી રહી હતી. જેને લઇને સુરત પોલીસે વાહ ચોરીમાં સંડોવાયેલા હોય અને વાહન ચોરી કરતા હોય તેવા આરોપીઓને પકડી પાડવા માટે ખાસ આયોજન કરી તપાસ શરૂ કરી હતી. ત્યારે સુરતની ઉમરા પોલીસને માહિતી મળી હતી કે ભટાર વિસ્તારમાં રહેતો એક યુવાન ચોરીની એકટીવા ગાડી સાથે ફરી રહ્યો છે. જેથી આ માહિતીના આધારે પોલીસે વોચ રાખીને આઈસમને ઝડપી પાડ્યો હતો.

આ પણ વાંચો: અમદાવાદની પીચ અને હવામાનનો રિપોર્ટ, જાણો કેટલો સ્કોર થવાનું છે અનુમાન

ઝડપાયેલા ઈસમે પોતાનું નામ પ્રેમ વિનોદભાઇ સનચેતી જણાવ્યું હતું. પોલીસે આ ઈસમની કડકાઈથી પૂછપરછ કરતા પોતાની પાસે રહેલી ગાડી ચોરીની હોવાની કબુલાત કરી હતી. જો કે પોલીસે વધુ કડકાઈ કરતા અત્યાર સુધીમાં પાંચ જેટલી ગાડી ચોરી કર્યા હોવાની કબુલાત કરી હતી. આ ગાડીઓ સુરતના ઉમરા પોલીસ સ્ટેશન અલધન પોલીસ સ્ટેશનમાંથી ચોરી કર્યા હોવાની કબુલાત કરી હતી.

જોકે પોલીસે કાયદેસરની કાર્યવાહી કરી વધુ તપાસ શરૂ કરતાં આરોપી દારૂ પીવાનો શોખીન હોવાથી દારૂ પીવાનો શોખ પૂરો કરવા માટે પૈસાની જરૂર હતી અને પૈસા સરળતાથી મળી રહે એ માટે વાહન ચોરીના રવાડે ચડ્યો હોવાની વિગતો પોલીસ તપાસના સામે આવી હતી. જોકે આરોપી વિરુદ્ધ સુરતમાં ભૂતકાળમાં ખટોદરા પોલીસ સ્ટેશન અને ઉમરા પોલીસ સ્ટેશનમાં વાહન ચોરીના ગુનામાં ભૂતકાળમાં પકડાઈ ચૂક્યો છે.

આરોપીની પૂછપરછ કરતા જાણકારી મળી હતી કે, આરોપી પાર્કીંગમા જે વાહનોના સ્ટેયરીંગ લોક ખુલ્લા હોય તેવા વાહનોને ટારગેટ કરી રેપીડો અથવા ઓલા બાઈક સર્વીસને કોલ કરી, બોલાવી મારી ગાડીની ચાવી ખોવાઈ ગયેલ છે. તેમ કહી ચાવી વાળાને ત્યાં સુધી પગથી ધક્કો મારી પહોંચાડી આપો તેમ કહી કુલ પાંચ એક્ટીવા મોપેડની ચોરી કરેલ છે. પકડાયેલા આરોપીની પૂછપરછમાં વધુ વાહન ચોરીના ભેદ ઊકલે તેવી આશંકા ઉમરા પોલીસે વ્યક્ત કરી છે.